ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > ನೇಪಾಳದ ನಂತರ ಪೆರೂ ದೇಶದಲ್ಲಿ ಸಾವಿರಾರು ‘ಜೆನ್-ಝಿ’ ಯುವಕರ ಪ್ರತಿಭಟನೆ! Peru Gen-Z Protests

ನೇಪಾಳದ ನಂತರ ಪೆರೂ ದೇಶದಲ್ಲಿ ಸಾವಿರಾರು ‘ಜೆನ್-ಝಿ’ ಯುವಕರ ಪ್ರತಿಭಟನೆ! Peru Gen-Z Protests

ಭ್ರಷ್ಟಾಚಾರ ಹಾಗೂ ಪಿಂಚಣಿ ಸುಧಾರಣೆಯ ವಿರುದ್ಧ ಬೀದಿಗಿಳಿದು ಆಕ್ರೋಶ

(ಜೆನ್-ಝಿ ಎಂದರೆ ೧೯೯೬ ರಿಂದ ೨೦೧೦ರ ಅವಧಿಯಲ್ಲಿ ಜನಿಸಿದ ಪೀಳಿಗೆ)

ಲಿಮಾ (ಪೆರೂ) – ನೇಪಾಳದ ನಂತರ ಈಗ ದಕ್ಷಿಣ ಅಮೆರಿಕಾದ ದೇಶವಾದ ಪೆರೂವಿನಲ್ಲಿ ಸಾವಿರಾರು ‘ಜೆನ್-ಝಿ’ ಯುವಕರು ಬೀದಿಗಿಳಿದು ಸರಕಾರದ ನೀತಿಗಳನ್ನು ವಿರೋಧಿಸಿದರು. ಸೆಪ್ಟೆಂಬರ್ ೨೭ ರಂದು ರಾಜಧಾನಿ ಲಿಮಾದಲ್ಲಿ ಯುವಕರು ಘೋಷಣೆಗಳನ್ನು ಕೂಗಿ ಮತ್ತು ರಾಷ್ಟ್ರಪತಿ ದಿನಾ ಬೋಲುವಾರ್ಟೆ ಅವರ ವಿರುದ್ಧ ಪ್ರತಿಭಟನೆ ನಡೆಸಿದರು. ಈ ಸಮಯದಲ್ಲಿ ಪರಿಸ್ಥಿತಿಯನ್ನು ನಿಯಂತ್ರಿಸಲು ಪೊಲೀಸರು ಅಶ್ರುವಾಯು ಶೆಲ್‌ಗಳನ್ನು ಸಿಡಿಸಿದರು, ಜೊತೆಗೆ ಸೌಮ್ಯ ಲಾಠಿ ಪ್ರಹಾರವನ್ನೂ ಮಾಡಿದರು. ಇದರಿಂದ ಯುವಕರು ಕಲ್ಲು ತೂರಾಟ ಮಾಡಲು ಆರಂಭಿಸಿದರು. ಪಿಂಚಣಿ ವ್ಯವಸ್ಥೆಯಲ್ಲಿ ಬದಲಾವಣೆಯಾದ ನಂತರ ಸೆಪ್ಟೆಂಬರ್ ೨೦ ರಂದೇ ಪ್ರತಿಭಟನೆಗಳು ಕೆಲ ಮಟ್ಟಿಗೆ ಶುರು ಆಗಿದ್ದವು.

ಹೊಸ ನಿಯಮಗಳ ಪ್ರಕಾರ, ಪೆರೂವಿನಲ್ಲಿ ೧೮ ವರ್ಷಕ್ಕಿಂತ ಹೆಚ್ಚಿನ ವಯಸ್ಸಿನ ಪ್ರತಿಯೊಬ್ಬರೂ ಯಾವುದಾದರೂ ಒಂದು ಪಿಂಚಣಿ ಸಂಸ್ಥೆಯೊಂದಿಗೆ ಜೋಡಣೆಗೊಳ್ಳುವುದು ಕಡ್ಡಾಯವಾಗಿದೆ. ಇದಕ್ಕೆ ಯುವಕರ ವಿರೋಧವಿದೆ. ಜೊತೆಗೆ ರಾಷ್ಟ್ರಪತಿ ಬೋಲುವಾರ್ಟೆ ಮತ್ತು ಸಂಸತ್ತಿನ ವಿರುದ್ಧ ದೀರ್ಘಕಾಲದಿಂದಲೂ ಸಾರ್ವಜನಿಕ ಅಸಮಾಧಾನವಿದೆ.

ಸಂಬಂಧಿತ ಲೇಖನಗಳು