ಮಹಾರಾಷ್ಟ್ರದಲ್ಲಿ ಪ್ರವಾಹ ಪರಿಸ್ಥಿತಿ; ೪೧ ಸಾವಿರ ನಾಗರಿಕರ ಆಶ್ರಯ ಕೇಂದ್ರಗಳಿಗೆ ಸ್ಥಳಾಂತರ!

ಮುಂಬಯಿ – ಮಹಾರಾಷ್ಟ್ರದಲ್ಲಿ ನಿರಂತರವಾಗಿ ಸುರಿಯುತ್ತಿರುವ ಧಾರಾಕಾರ ಮಳೆಯಿಂದ ಉಂಟಾದ ಪ್ರವಾಹ ಪರಿಸ್ಥಿತಿಯ ಹಿನ್ನೆಲೆಯಲ್ಲಿ, ರಾಜ್ಯದ ೧೨ ಜಿಲ್ಲೆಗಳ ೪೧ ಸಾವಿರದ ೬೭ ನಾಗರಿಕರನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಲಾಗಿದೆ. ಇದರಲ್ಲಿ ಸೋಲಾಪುರ ಜಿಲ್ಲೆಯ ಗರಿಷ್ಠ ೧೩ ಸಾವಿರದ ೭೨೪ ನಾಗರಿಕರನ್ನು ನಿರಾಶ್ರಿತರ ಕೇಂದ್ರಗಳಿಗೆ ಸ್ಥಳಾಂತರಿಸಲಾಗಿದೆ. ಇದರ ಹೊರತಾಗಿ, ಜಾಲನಾದಲ್ಲಿ ೮ ಸಾವಿರದ ೫೦೦, ಛತ್ರಪತಿ ಸಂಭಾಜಿನಗರದಲ್ಲಿ ೮ ಸಾವಿರದ ೨೯, ಧಾರಾಶಿವ್‌ನಲ್ಲಿ ೩ ಸಾವಿರದ ೯೫೭, ಅಹಿಲ್ಯಾನಗರದಲ್ಲಿ ೩ ಸಾವಿರದ ೪೯೭, ಬೀಡ್‌ನಲ್ಲಿ ೨ ಸಾವಿರ, ಹಾಗೂ ನಾಂದೇಡ್‌ನಲ್ಲಿ ೧ ಸಾವಿರದ ೨೦ ಜನರನ್ನು ನಿರಾಶ್ರಿತರ ಕೇಂದ್ರಗಳಿಗೆ ಸ್ಥಳಾಂತರಿಸಲಾಗಿದೆ. ಇವುಗಳಲ್ಲದೆ, ಥಾಣೆ, ಪಾಲ್ಘರ್, ನಾಸಿಕ್, ಜಲಗಾಂವ್, ಪರಭಣಿ ಜಿಲ್ಲೆಗಳಲ್ಲಿಯೂ ಕೆಲವು ನಾಗರಿಕರನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಲಾಗಿದೆ. ಈ ಎಲ್ಲಾ ನಾಗರಿಕರಿಗಾಗಿ ೧೨ ಜಿಲ್ಲೆಗಳಲ್ಲಿ ಒಟ್ಟು ೧೪೭ ನಿರಾಶ್ರಿತರ ಕೇಂದ್ರಗಳನ್ನು ತೆರೆಯಲಾಗಿದೆ.