ದೇವಸ್ದಾನದ ಭೂಮಿಯಲ್ಲಿ ದೀರ್ಘಕಾಲ ನೆಲೆಸಿದ ಮಾತ್ರಕ್ಕೆ ಸಂಬಂಧಪಟ್ಟ ವ್ಯಕ್ತಿ ಮಾಲೀಕನಾಗುವುದಿಲ್ಲ! – ಒಡಿಶಾ ಉಚ್ಚ ನ್ಯಾಯಾಲಯ Odisha High Court Order Temple Land

ದೇವಸ್ಥಾನದ ಆಡಳಿತದ ಅತಿಕ್ರಮಣ ತೆರವುಗೊಳಿಸುವ ಆದೇಶವು ಕಾನೂನುಬದ್ಧವಾಗಿದೆ ಎಂದು ತೀರ್ಪು

ಕಟಕ್ – ಒಡಿಶಾ ಉಚ್ಚ ನ್ಯಾಯಾಲಯವು ಭಗವಾನ ಶ್ರೀ ಜಗನ್ನಾಥರ ಪವಿತ್ರ ‘ಅಮೃತಮನೋಹಿ ಭೂಮಿ’ಯನ್ನು ಅತಿಕ್ರಮಿಸಿದವರ ಪರವಾಗಿ ತೀರ್ಪು ನೀಡಲು ಸ್ಪಷ್ಟವಾಗಿ ನಿರಾಕರಿಸಿದೆ. ದೇವಸ್ಥಾನದ ಭೂಮಿಯನ್ನು ದೀರ್ಘಕಾಲದವರೆಗೆ ನಿಯಂತ್ರಣದಲ್ಲಿ ಇಟ್ಟುಕೊಂಡಿದ್ದ ಮಾತ್ರಕ್ಕೆ ಆ ವ್ಯಕ್ತಿಯು ಆ ಭೂಮಿಯ ಮಾಲೀಕನಾಗಲು ಸಾಧ್ಯವಿಲ್ಲ ಎಂದು ನ್ಯಾಯಾಲಯವು ಸ್ಪಷ್ಟವಾಗಿ ಹೇಳಿದೆ. ನ್ಯಾಯಮೂರ್ತಿ ಸಂಜೀವ ಕುಮಾರ ಪಾಣಿಗ್ರಹಿ ಅವರ ನ್ಯಾಯಪೀಠ ಈ ತೀರ್ಪನ್ನು ನೀಡಿದೆ. ಕಟಕ ಸದರ ಪ್ರದೇಶದಲ್ಲಿ ವಾಸಿಸುತ್ತಿದ್ದ ಒಂದು ಕಾರ್ಮಿಕ ಕುಟುಂಬದ ಅರ್ಜಿಯನ್ನು ನ್ಯಾಯಪೀಠವು ವಜಾಗೊಳಿಸಿದೆ. ಈ ಕುಟುಂಬವು ಕಳೆದ 50 ವರ್ಷಗಳಿಂದ ಈ ಭೂಮಿಯಲ್ಲಿ ವಾಸಿಸುತ್ತಿದ್ದು, ಈಗ ಮಾಲೀಕತ್ವದ ಹಕ್ಕನ್ನು ಕೇಳುತ್ತಿತ್ತು.

1. ಈ ಭೂಮಿಯು ಭಗವಾನ ಶ್ರೀ ಜಗನ್ನಾಥರ ಹೆಸರಿನಲ್ಲಿ ‘ಅಮೃತಮನೋಹಿ’ ಎಂದು ನೋಂದಣಿಯಾಗಿದ್ದು, ಭಗವಾನ ಶ್ರೀ ಜಗನ್ನಾಥ ದೇವಸ್ಥಾನದ ಆಡಳಿತ, ಪುರಿ, ಇದರ ಅಡಿಯಲ್ಲಿ ಇದೆ. ತೆರವುಗೊಳಿಸುವ ಸೂಚನೆ ಬಂದಾಗ, ಜನರು ದೇವಸ್ಥಾನದ ಆಡಳಿತದಿಂದ ಭೂಮಿಯನ್ನು ಖರೀದಿಸಲು ಅನುಮತಿ ಕೇಳಿದರು. ತಾವು ಬಹಳ ವರ್ಷಗಳಿಂದ ಅಲ್ಲಿ ವಾಸಿಸುತ್ತಿರುವುದಾಗಿ ಈ ಜನರು ದಾವೆ ಮಾಡಿದರು.

2. ದೇವಸ್ಥಾನದ ‘ಅಮೃತಮನೋಹಿ’ ಭೂಮಿಯು ಸಾಮಾನ್ಯ ಸರಕಾರಿ ಭೂಮಿಯಲ್ಲ ಮತ್ತು ಅದನ್ನು ಸಾಮಾನ್ಯ ನಿಯಮಗಳ ಪ್ರಕಾರ ಮಾರಾಟ ಮಾಡಲು ಸಾಧ್ಯವಿಲ್ಲ ಎಂದು ನ್ಯಾಯಾಲಯವು ಹೇಳಿದೆ. ಈ ಭೂಮಿಯು ಧಾರ್ಮಿಕ ಮತ್ತು ಸಾರ್ವಜನಿಕ ದೃಷ್ಟಿಯಿಂದ ಬಹಳ ಮುಖ್ಯವಾಗಿದೆ. ಕೇವಲ ಬಹಳ ಕಾಲ ವಾಸಿಸುತ್ತಿದ್ದಾರೆ ಎಂಬ ಕಾರಣಕ್ಕೆ ಸಂಬಂಧಪಟ್ಟ ವ್ಯಕ್ತಿಗಳಿಗೆ ಮಾಲೀಕತ್ವದ ಹಕ್ಕುಗಳನ್ನು ನೀಡಲು ಸಾಧ್ಯವಿಲ್ಲ.

3. ನ್ಯಾಯಾಲಯವು ದೇವಸ್ಥಾನದ ಆಡಳಿತದ ನಿರ್ಧಾರವನ್ನು ಎತ್ತಿಹಿಡಿದು, ಅತಿಕ್ರಮಣ ತೆರವುಗೊಳಿಸುವ ಆದೇಶವು ಕಾನೂನುಬದ್ಧವಾಗಿದೆ ಎಂದು ಹೇಳಿದೆ.