ಭಾರತಕ್ಕೆ ನುಸುಳಿರುವ ಮುಸ್ಲಿಮರಿಗಾಗಿ ಬಂಧನ ಕೇಂದ್ರಗಳನ್ನು ನಿರ್ಮಿಸಲು ರಾಜ್ಯ ಸರಕಾರಗಳಿಗೆ ಆದೇಶ!

ನವದೆಹಲಿ – ಭಾರತ ಸರಕಾರವು ಅಕ್ರಮ ವಲಸಿಗರಿಗಾಗಿ ಬಂಧನ ಕೇಂದ್ರಗಳನ್ನು (ಡಿಟೆನ್ಷನ್ ಸೆಂಟರ್) ನಿರ್ಮಿಸಲು ಗೆಜೆಟ್ ಅಧಿಸೂಚನೆಯನ್ನು ಹೊರಡಿಸಿದೆ. ಇನ್ನು ಮುಂದೆ, ನುಸುಳುಕೋರರನ್ನು ಬಂಧಿಸಿದ ನಂತರ, ಅವರನ್ನು ಈ ಕೇಂದ್ರಗಳಿಗೆ ಕಳುಹಿಸಲಾಗುತ್ತದೆ ಮತ್ತು ನಂತರ ಅವರನ್ನು ಸ್ವದೇಶಕ್ಕೆ ಕಳುಹಿಸಲಾಗುವುದು. ಇದಕ್ಕಾಗಿ, ಕೇಂದ್ರ ಸರಕಾರವು ಎಲ್ಲಾ ರಾಜ್ಯ ಸರಕಾರಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಇಂತಹ ಬಂಧನ ಕೇಂದ್ರಗಳನ್ನು ಸ್ಥಾಪಿಸಲು ನಿರ್ದೇಶನ ನೀಡಿದೆ.

🚨 Big Decision by MHA 🚨

🏛️ States told to set up detention centres & ‘Foreigners Tribunals’ for infiltrating Muslims.

✈️ Deportation will be based on tribunal rulings.

🛑 Hindus & other minorities from Pak, Afghanistan & Bangladesh to be exempt.

📊 With an estimated 5 crore… pic.twitter.com/rZ99Iy27R5

— Sanatan Prabhat (@SanatanPrabhat) September 3, 2025

ನೆರೆಹೊರೆಯ ಇಸ್ಲಾಮಿಕ್ ರಾಷ್ಟ್ರಗಳ ಅಲ್ಪಸಂಖ್ಯಾತ ಹಿಂದೂಗಳನ್ನು ಈ ನಿರ್ಧಾರದಿಂದ ಹೊರಗಿಡಲಾಗಿದೆ. ಇದರರ್ಥ, ಈ ಕೇಂದ್ರಗಳಲ್ಲಿ ನುಸುಳುಕೋರ ಮುಸ್ಲಿಮರನ್ನು ಇರಿಸಲಾಗುವುದು. ಈ ಅಧಿಸೂಚನೆಯನ್ನು ಹೊಸ ‘ಇಮಿಗ್ರೇಷನ್ ಅಂಡ್ ಫಾರಿನರ್ಸ್ ಆಕ್ಟ್, 2025’ ಕಾನೂನಿನ ಅಡಿಯಲ್ಲಿ ಹೊರಡಿಸಲಾಗಿದೆ.

ನುಸುಳುಕೋರರನ್ನು ಬಂಧನ ಕೇಂದ್ರಕ್ಕೆ ಕಳುಹಿಸುವ ಪ್ರಕ್ರಿಯೆ ಹೇಗಿರುತ್ತದೆ?

ಭಾರತದಲ್ಲಿ ಅಕ್ರಮವಾಗಿ ವಾಸಿಸುತ್ತಿರುವ ಮತ್ತು ತಾನು ಭಾರತೀಯ ಪ್ರಜೆ ಎಂದು ಸಾಬೀತುಪಡಿಸಲು ಸಾಧ್ಯವಾಗದ ಯಾವುದೇ ವ್ಯಕ್ತಿಯನ್ನು ಈ ಬಂಧನ ಕೇಂದ್ರದಲ್ಲಿ ಇರಿಸಲಾಗುವುದು. ಇದಕ್ಕಾಗಿ ‘ವಿದೇಶಿ ನ್ಯಾಯಾಧಿಕರಣ’ (ಫಾರಿನರ್ಸ್ ಟ್ರಿಬ್ಯೂನಲ್) ಸ್ಥಾಪಿಸಲಾಗುವುದು. ಈ ನ್ಯಾಯಾಧಿಕರಣವು ಒಬ್ಬ ವ್ಯಕ್ತಿ ವಿದೇಶಿಯನೇ ಅಥವಾ ಇಲ್ಲವೇ ಎಂಬುದನ್ನು ನಿರ್ಧರಿಸುತ್ತದೆ. ಈ ನ್ಯಾಯಪೀಠದಲ್ಲಿ ನ್ಯಾಯಾಂಗದ ಅನುಭವ ಇರುವ ಮೂವರು ಸದಸ್ಯರಿರುತ್ತಾರೆ. ಅಕ್ರಮ ವಲಸಿಗನೆಂದು ಸಾಬೀತಾದ ವ್ಯಕ್ತಿಯನ್ನು ಗಡೀಪಾರು ಮಾಡುವವರೆಗೆ ಈ ಬಂಧನ ಕೇಂದ್ರದಲ್ಲಿ ಇರಿಸಲಾಗುವುದು.

ಯಾರಿಗೆ ವಿನಾಯಿತಿ ಇರುತ್ತದೆ?

1. ನೇಪಾಳ ಮತ್ತು ಭೂತಾನ್ ನಾಗರಿಕರಿಗೆ ಪಾಸ್ಪೋರ್ಟ್ ಮತ್ತು ವೀಸಾ ಅವಶ್ಯಕತೆಗಳಿಂದ ವಿನಾಯಿತಿ ನೀಡಲಾಗುವುದು. ಅವರು ಚೀನಾ, ಮಕಾವು, ಹಾಂಗ್ ಕಾಂಗ್ ಅಥವಾ ಪಾಕಿಸ್ತಾನದಿಂದ ಬರದಿದ್ದರೆ ಮಾತ್ರ ಅವರು ಭೂಮಿ ಅಥವಾ ವಿಮಾನದ ಮೂಲಕ ಭಾರತವನ್ನು ಪ್ರವೇಶಿಸಬಹುದು..
2. ಇದರ ಜೊತೆಗೆ, ಧಾರ್ಮಿಕ ಕಾರಣಗಳಿಗಾಗಿ ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನದಿಂದ ಬರುವ ಅಲ್ಪಸಂಖ್ಯಾತರಿಗೂ ಡಿಸೆಂಬರ್ 31, 2024 ರವರೆಗೆ ವಿಶೇಷ ವಿನಾಯಿತಿ ನೀಡಲಾಗುವುದು.

3. ಈ ಹೊಸ ನಿಯಮಗಳು ‘ಇಮಿಗ್ರೇಷನ್ ಅಂಡ್ ಫಾರಿನರ್ಸ್ (ಎಕ್ಸೆಂಪ್ಷನ್) ಆರ್ಡರ್, 2025’ ಅಡಿಯಲ್ಲಿ ಜಾರಿಗೆ ಬಂದಿವೆ.