ಅಶ್ಲೀಲ ಪಾತ್ರಗಳನ್ನು ನಿರ್ವಹಿಸಿದ ನಟ ರಣಬೀರ್ ಕಪೂರ್ ಅವರನ್ನು ರಾಮಾಯಣ ಚಲನಚಿತ್ರದ ಶ್ರೀರಾಮನ ಪಾತ್ರದಿಂದ ತೆಗೆದುಹಾಕಿರಿ! : Ranbir Kapoor As Ram

ಮಾಜಿ ಕೇಂದ್ರ ಮಾಹಿತಿ ಆಯುಕ್ತರಾಗಿದ್ದ ಉದಯ ಮಾಹುರಕರ ಅವರಿಂದ ಕೇಂದ್ರ ಸರಕಾರಕ್ಕೆ ಪತ್ರ! 

ನವದೆಹಲಿ – ಮುಂಬರುವ ‘ರಾಮಾಯಣ’ ಹಿಂದಿ ಚಲನಚಲನಚಿತ್ರದಲ್ಲಿ ನಟ ರಣಬೀರ ಕಪೂರ ಅವರು ಭಗವಾನ ಶ್ರೀರಾಮನ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಇದಕ್ಕೆ ಕೆಲವರು ವಿರೋಧ ವ್ಯಕ್ತಪಡಿಸುತ್ತಿದ್ದಾರೆ. ಹಿರಿಯ ಪತ್ರಕರ್ತ ಮತ್ತು ಮಾಜಿ ಕೇಂದ್ರ ಮಾಹಿತಿ ಆಯುಕ್ತರಾದ ಉದಯ ಮಾಹುರಕರ ಹಾಗೂ ದೂರದರ್ಶನದ ‘ಮಹಾಭಾರತ’ ಧಾರಾವಾಹಿಯಲ್ಲಿ ಭೀಷ್ಮ ಪಿತಾಮಹರ ಪಾತ್ರ ನಿರ್ವಹಿಸಿದ್ದ ನಟ ಮುಕೇಶ ಖನ್ನಾ ಕೂಡ ಈ ವಿರೋಧದಲ್ಲಿ ಸೇರಿದ್ದಾರೆ. ‘ಸೇವ್ ಕಲ್ಚರ್ ಸೇವ್ ಭಾರತ್ ಫೌಂಡೇಶನ್’ನ ಸಂಸ್ಥಾಪಕರಾದ ಉದಯ ಮಾಹುರಕರ ಅವರು ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವ ಅಶ್ವಿನಿ ವೈಷ್ಣವ್ ಅವರಿಗೆ ಪತ್ರ ಬರೆದಿದ್ದಾರೆ. ಅದರಲ್ಲಿ ಅವರು, ‘ಅನಿಮಲ್’ ಚಲನಚಿತ್ರದಲ್ಲಿ ಅಶ್ಲೀಲ ಪಾತ್ರವನ್ನು ನಿರ್ವಹಿಸಿದ ನಂತರ ರಣಬೀರ ಕಪೂರ ಅವರು ಭಗವಾನ ಶ್ರೀರಾಮನ ಪಾತ್ರವನ್ನು ಮಾಡುವುದು ಸೂಕ್ತವಲ್ಲ ಎಂದು ಉಲ್ಲೇಖಿಸಿದ್ದಾರೆ. ‘ಅನಿಮಲ್’ ಚಲನಚಿತ್ರದಲ್ಲಿ ರಣಬೀರ ಕಪೂರ ಅವರು ಮಾದಕ ವಸ್ತು, ಅಪರಾಧ ಮತ್ತು ಅಶ್ಲೀಲತೆಯನ್ನು ಪ್ರಚಾರ ಮಾಡಿದ್ದಾರೆ. ಇಂತಹ ನಟ ಶ್ರೀರಾಮನ ಪಾತ್ರ ಮಾಡಿದರೆ ದೇವರ ಪ್ರತಿಷ್ಠೆಗೆ ಕಳಂಕ ಬರುತ್ತದೆ. ಆದ್ದರಿಂದ, ರಣಬೀರ ಕಪೂರ ಅವರನ್ನು ಈ ಚಲನಚಿತ್ರದಿಂದ ತೆಗೆದುಹಾಕಬೇಕು ಎಂದು ಅವರು ಆಗ್ರಹಿಸಿದ್ದಾರೆ.

ಚಲನಚಿತ್ರದ ಪ್ರಚಾರಕ್ಕಾಗಿ 5 ಸಾವಿರ ಕೋಟಿ ರೂಪಾಯಿ ಖರ್ಚು ಮಾಡುವ ಯೋಜನೆ!

ಮಾಹುರಕರ ಅವರ ಪ್ರಕಾರ, ‘ರಾಮಾಯಣ’ ಚಲನಚಿತ್ರಕ್ಕಾಗಿ 5 ಸಾವಿರ ಕೋಟಿ ರೂಪಾಯಿ ಖರ್ಚು ಮಾಡುವ ಯೋಜನೆಯಿದೆ. ರಣಬೀರ ಕಪೂರ ಅವರ ಮುಖವನ್ನು ಪ್ರಚಾರಕ್ಕಾಗಿ ಬಳಸಿದರೆ, ಇದು ಲೈಂಗಿಕ ಅಶ್ಲೀಲತೆ, ಅಪರಾಧ ಮತ್ತು ನೈತಿಕ ಅವನತಿಗೆ ಪ್ರೋತ್ಸಾಹ ನೀಡುತ್ತದೆ. ಇದು ಮಕ್ಕಳ ಮತ್ತು ಮುಂದಿನ ಪೀಳಿಗೆಯ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ದೇಶಾದ್ಯಂತ ಇರುವ ಹಿಂದೂಗಳ ಮನಸ್ಸಿನಲ್ಲಿ ಭಗವಾನ ಶ್ರೀರಾಮನ ತಪ್ಪು ಪ್ರತಿಮೆ ಮೂಡುತ್ತದೆ. ಇದು ಕಲಾ ಸ್ವಾತಂತ್ರ್ಯದ ವಿಷಯವಲ್ಲ, ಬದಲಿಗೆ ಮಾಧ್ಯಮಗಳ ಸಹಾಯದಿಂದ ದೊಡ್ಡ ಪ್ರಮಾಣದಲ್ಲಿ ನಡೆಸುತ್ತಿರುವ ಯೋಜಿತ ಸಾಂಸ್ಕೃತಿಕ ಹಾನಿಯಾಗಿದೆ. ಮಂದಿರದ ಗೋಡೆಗೆ ಕೈಯಿಡದೆ ಭಕ್ತಿಯ ಮೂಲ ಸಾರವನ್ನು ನಾಶಪಡಿಸುವ ಪ್ರಯತ್ನ ನಡೆಯುತ್ತಿದೆ.

ರಾಮಾಯಣ ಚಲನಚಿತ್ರದ ಪಾತ್ರಗಳ ಪುನರ್ ಪರಿಶೀಲನೆಗೆ ಆಗ್ರಹ

ಮಾಹುರಕರ ಅವರು ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ಹಾಗೂ ಚಲನಚಿತ್ರದ ನಿರ್ಮಾಪಕ ನಮಿತ ಮಲ್ಹೋತ್ರಾ ಅವರಿಗೆ ‘ರಾಮಾಯಣ’ ಚಲನಚಿತ್ರದ ಪಾತ್ರಗಳ ಬಗ್ಗೆ ಪುನರ್ ಪರಿಶೀಲಿಸುವಂತೆ ಆಗ್ರಹಿಸಿದ್ದಾರೆ. ಶ್ರೀರಾಮನ ಪಾತ್ರಕ್ಕೆ ರಣಬೀರ ಕಪೂರ ಬದಲಿಗೆ ಬೇರೊಬ್ಬ ನಟನನ್ನು ಆಯ್ಕೆ ಮಾಡಬೇಕೆಂದು ಅವರು ಸಲಹೆ ನೀಡಿದ್ದಾರೆ.

Can an actor who did a semi-p0rn role with a half-naked actress in film ‘Animal’ be cast as Lord Ram in a mega film ? Nation must take a call.

Sharing my letter to GOI urging it on behalf of the nation to replace Ranbir Kapoor as Ram in Namit Malhotra’s upcoming mega film on…

— Uday Mahurkar (@UdayMahurkar) August 12, 2025

… ಇಲ್ಲವಾದರೆ ಇಂದಿನ ಹಿಂದೂಗಳು ಸುಮ್ಮನಿರುವುದಿಲ್ಲ! – ಮುಕೇಶ ಖನ್ನಾ ಎಚ್ಚರಿಕೆ

ನಟ ಮುಕೇಶ ಖನ್ನಾ ಅವರು ಕೂಡ ರಣಬೀರ ಕಪೂರ ಅವರ ಶ್ರೀರಾಮನ ಪಾತ್ರದ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಅವರು, ರಣಬೀರ ಒಳ್ಳೆಯ ನಟ, ಆದರೆ ಅವರ ಹಿಂದೆ ‘ಅನಿಮಲ್’ ಚಲನಚಿತ್ರದ ಪ್ರತಿರೂಪವಿದೆ ಎಂದು ಅವರು ಹೇಳಿದ್ದಾರೆ. ರಾಮಾಯಣಕ್ಕಿಂತ ದೊಡ್ಡ ವಿಷಯ ಇರಲು ಸಾಧ್ಯವಿಲ್ಲ, ಆದರೆ ‘ಆದಿಪುರುಷ’ ಚಲನಚಿತ್ರದಂತೆ ಅದರಲ್ಲಿ ತಪ್ಪು ಬದಲಾವಣೆಗಳನ್ನು ಮಾಡಿದರೆ ಇಂದಿನ ಹಿಂದೂಗಳು ಸುಮ್ಮನಿರುವುದಿಲ್ಲ ಎಂದು ಅವರು ಎಚ್ಚರಿಸಿದ್ದಾರೆ.