ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > ಮಹಾರಾಷ್ಟ್ರದಲ್ಲಿ 2023-24ನೇ ಸಾಲಿನಲ್ಲಿ 4 ಲಕ್ಷ 27 ಸಾವಿರದ 926 ಟನ್ ಪ್ಲಾಸ್ಟಿಕ್ ಕಸ ಉತ್ಪಾದನೆ! – Plastic Waste Generation Maharashtra Pollution Board

ಮಹಾರಾಷ್ಟ್ರದಲ್ಲಿ 2023-24ನೇ ಸಾಲಿನಲ್ಲಿ 4 ಲಕ್ಷ 27 ಸಾವಿರದ 926 ಟನ್ ಪ್ಲಾಸ್ಟಿಕ್ ಕಸ ಉತ್ಪಾದನೆ! – Plastic Waste Generation Maharashtra Pollution Board

ಮುಂಬಯಿ ನಗರದಲ್ಲಿ ಅತಿ ಹೆಚ್ಚು 1 ಲಕ್ಷ 20 ಸಾವಿರದ 600 ಟನ್ ಕಸ ಉತ್ಪಾದನೆ!

ಶ್ರೀ ಸಚಿನ್ ಕೌಲ್ಕರ್, ಪ್ರತಿನಿಧಿ, ಸನಾತನ ಪ್ರಭಾತ

ಮುಂಬಯಿ – ರಾಜ್ಯ ಸರಕಾರ ರಾಜ್ಯದಲ್ಲಿ ವಾಯು ಮತ್ತು ಜಲ ಮಾಲಿನ್ಯವನ್ನು ಕಡಿಮೆ ಮಾಡಲು ವಿವಿಧ ಹಂತಗಳಲ್ಲಿ ಕ್ರಮಗಳನ್ನು ಕೈಗೊಂಡಿದ್ದರೂ, 2023-24ನೇ ಸಾಲಿನಲ್ಲಿ ಒಟ್ಟು 4 ಲಕ್ಷ 27 ಸಾವಿರದ 926 ಟನ್ ಪ್ಲಾಸ್ಟಿಕ್ ಕಸ ಉತ್ಪಾದನೆಯಾಗಿದೆ. ಇದರಲ್ಲಿ ಮುಂಬಯಿ ನಗರ ಮುಂಚೂಣಿಯಲ್ಲಿದ್ದು, ಇಲ್ಲಿನ ಕಸದ ಪ್ರಮಾಣ ಅತ್ಯಧಿಕ ಅಂದರೆ 1 ಲಕ್ಷ 20 ಸಾವಿರದ 600 ಟನ್‌ನಷ್ಟಿದೆ. ಇತ್ತೀಚೆಗೆ ನಡೆದ ಮುಂಗಾರು ಅಧಿವೇಶನದಲ್ಲಿ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ 2023-24ನೇ ಸಾಲಿನ ವಾರ್ಷಿಕ ವರದಿಯನ್ನು ಸಲ್ಲಿಸಿದ್ದು, ಈ ಮಾಹಿತಿ ನೀಡಿದೆ.

ವರದಿಯಲ್ಲಿ ಹೇಳಿರುವುದೇನೆಂದರೆ…

1. ರಾಜ್ಯದ ಒಟ್ಟು 418 ಸ್ಥಳೀಯ ಸಂಸ್ಥೆಗಳಿಂದ ಈ ವರ್ಷ 4 ಲಕ್ಷ 27 ಸಾವಿರದ 926 ಟನ್ ಪ್ಲಾಸ್ಟಿಕ್ ಕಸ ಉತ್ಪಾದನೆಯಾಗಿದೆ. ಅದರಲ್ಲಿ 3 ಲಕ್ಷ 61 ಸಾವಿರದ 337 ಟನ್ ಪ್ಲಾಸ್ಟಿಕ್ ಕಸವನ್ನು ಸಂಗ್ರಹಿಸಲಾಗಿದೆ, ಮತ್ತು 3 ಲಕ್ಷ 21 ಸಾವಿರದ 840 ಟನ್ ಕಸವನ್ನು ಮರುಬಳಕೆ ಮಾಡಲಾಗಿದೆ. 66 ಸಾವಿರದ 699 ಟನ್ ಕಸ ಸಂಗ್ರಹವಾಗಿಲ್ಲ. 10 ಸಾವಿರದ 614 ಟನ್ ಕಸವನ್ನು ಸಹ-ಸಂಸ್ಕರಣೆಗಾಗಿ ಕಳುಹಿಸಲಾಗಿದೆ.

2. ಮುಂಬಯಿ ಮಹಾನಗರ ಪಾಲಿಕೆಯಲ್ಲಿ 2023-24ನೇ ಸಾಲಿನಲ್ಲಿ ಉತ್ಪಾದನೆಯಾದ ಕಸದಲ್ಲಿ 80 ಸಾವಿರದ 287 ಟನ್ ಕಸವನ್ನು ಸಂಗ್ರಹಿಸಲಾಗಿದೆ. ಸಂಗ್ರಹವಾದ ಒಟ್ಟು ಕಸದಲ್ಲಿ 75 ಸಾವಿರದ 470 ಟನ್ ಕಸವನ್ನು ಮರುಬಳಕೆಗಾಗಿ ಕಳುಹಿಸಲಾಗಿದೆ.

ಸಂಬಂಧಿತ ಲೇಖನಗಳು