ಅಜ್ಞಾತ ವ್ಯಕ್ತಿಗಳಿಂದ ಪ್ರೇಮಾನಂದ ಮಹಾರಾಜರ ವಿವಾದಾತ್ಮಕ ಚಿತ್ರ ವೈರಲ್

ಮಥುರಾ (ಉತ್ತರಪ್ರದೇಶ) – ಇಲ್ಲಿನ ಜಗತ್ಪ್ರಸಿದ್ಧ ಸಂತ ಪ್ರೇಮಾನಂದ ಮಹಾರಾಜರ ಕೃತಕ ಬುದ್ಧಿಮತ್ತೆಯಿಂದ (AI) ರಚಿಸಲಾದ ಒಂದು ವಿವಾದಾತ್ಮಕ ಚಿತ್ರ ಇತ್ತೀಚೆಗೆ ಪ್ರಸಾರವಾಗಿದ್ದು, ಅದರಲ್ಲಿ ಮಲಗಿರುವ ಸಂತ ಪ್ರೇಮಾನಂದ ಮಹಾರಾಜರ ಪಾದಗಳನ್ನು ರಾಧಾರಾಣಿ ಒತ್ತುವುದು ಮತ್ತು ಶ್ರೀಕೃಷ್ಣ ಕಿಟಕಿಯಿಂದ ರಾಧಾರಾಣಿಯನ್ನು ನೋಡುತ್ತಿರುವಂತೆ ತೋರಿಸಲಾಗಿದೆ. ಇದರ ವಿರುದ್ಧ ಆಕ್ರೋಶದ ಅಲೆ ಎದ್ದಿದ್ದು, ಮಹಾರಾಜರ ಭಕ್ತರು ಅಜ್ಞಾತ ವ್ಯಕ್ತಿಗಳ ವಿರುದ್ಧ ದೂರು ನೀಡಿದ್ದಾರೆ. ಈ ಸಂಬಂಧ ಪ್ರಕರಣ ದಾಖಲಾಗಿದ್ದು, ಸಂಬಂಧಪಟ್ಟ ವ್ಯಕ್ತಿಗಳ ಪತ್ತೆಗಾಗಿ ಹುಡುಕಾಟ ನಡೆಸಲಾಗುತ್ತಿದೆ.

ಮಹಾರಾಜರ ಭಕ್ತರಾದ ಗೌತಮ ಚಿಲಾನಾ ಅವರು ಮಾತನಾಡಿ, “ನಮ್ಮ ಪೂಜ್ಯ ರಾಧಾರಾಣಿ ಮತ್ತು ಪೂಜ್ಯ ಗುರುದೇವ ಸಂತ ಪ್ರೇಮಾನಂದ ಗೋವಿಂದ ಶರಣ ಮಹಾರಾಜರ ಇಂತಹ ಚಿತ್ರವನ್ನು ಸಹಿಸಲು ಸಾಧ್ಯವಿಲ್ಲ. ಇದರಿಂದ ಸಂತ ಪ್ರೇಮಾನಂದ ಮಹಾರಾಜ ಮತ್ತು ಇತರ ಸಂತರ ಭಾವನೆಗಳಿಗೆ ಧಕ್ಕೆ ಉಂಟಾಗಿದೆ” ಎಂದು ತಿಳಿಸಿದ್ದಾರೆ.