UP BJP MLA Statement : ಬಲಿಯಾ (ಉತ್ತರ ಪ್ರದೇಶ) ದಲ್ಲಿ ನಿರ್ಮಾಣವಾಗಲಿರುವ ಆಸ್ಪತ್ರೆಯಲ್ಲಿ ಹಿಂದೂ ಮತ್ತು ಮುಸ್ಲಿಮರಿಗೆ ಪ್ರತ್ಯೇಕ ಕಟ್ಟಡವಿರಬೇಕು!- ಭಾಜಪ ಮಹಿಳಾ ಶಾಸಕಿ ಕೇತಕಿ ಸಿಂಗ್

ಭಾಜಪ ಮಹಿಳಾ ಶಾಸಕಿ ಕೇತಕಿ ಸಿಂಗ್ ಅವರ ಬೇಡಿಕೆ

ಬಲಿಯಾ (ಉತ್ತರ ಪ್ರದೇಶ) – ಇಲ್ಲಿ ನಿರ್ಮಾಣವಾಗುತ್ತಿರುವ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಯಲ್ಲಿ ಹಿಂದೂಗಳು ಮತ್ತು ಮುಸ್ಲಿಮರಿಗೆ ಪ್ರತ್ಯೇಕ ಕಟ್ಟಡವಿರಬೇಕು, ಇದರಿಂದ ಹಿಂದೂಗಳು ಮುಸ್ಲಿಮರಿಂದ ಸುರಕ್ಷಿತವಾಗಿರಬಹುದು ಎಂದು ಭಾಜಪ ಮಹಿಳಾ ಶಾಸಕಿ ಕೇತಕಿ ಸಿಂಗ್ ರಾಜ್ಯದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರಿಗೆ ಮನವಿ ಮಾಡಿದ್ದಾರೆ. ಈ ಬೇಡಿಕೆಯಿಂದಾಗಿ ಅವರ ಮೇಲೆ ಟೀಕೆಗಳು ವ್ಯಕ್ತವಾಗುತ್ತಿವೆ.

ಶಾಸಕಿ ಕೇತಕಿ ಸಿಂಗ್ ಮಾತನಾಡಿ, ಮುಸ್ಲಿಮರಿಗೆ ಹೋಳಿ, ರಾಮನವಮಿ ಮತ್ತು ದುರ್ಗಾಪೂಜೆಯಲ್ಲಿ ಸಮಸ್ಯೆಗಳಿದ್ದರೆ, ಅವರಿಗೆ ಚಿಕಿತ್ಸೆ ಪಡೆಯಲು ಸಹ ತೊಂದರೆಯಾಗಬಹುದು. ಇಷ್ಟು ಹಣವನ್ನು ಖರ್ಚು ಮಾಡುವಾಗ, ಅಲ್ಲಿ ಚಿಕಿತ್ಸೆ ನೀಡಲು ಎರಡೂ ಧರ್ಮಗಳಿಗೆ ಪ್ರತ್ಯೇಕ ಕಟ್ಟಡ ಅಥವಾ ಪ್ರತ್ಯೇಕ ಶಾಖೆಯನ್ನು ನಿರ್ಮಿಸಬೇಕು ಎಂದು ನಾನು ಯೋಗಿ ಆದಿತ್ಯನಾಥ್ ಅವರಿಗೆ ಮನವಿ ಮಾಡುತ್ತೇನೆ. ಇದರಿಂದ ಹಿಂದೂ ಸಮಾಜದ ಜನರು ಸುರಕ್ಷಿತವಾಗಿರುತ್ತಾರೆ.

A hospital being built in Ballia (Uttar Pradesh) should have separate buildings for Hindus and Mu$!ims! – Ketki Singh, BJP MLA

"Ketki Singh harbors hatred towards Mu$!ims!" – Maulana Shahabuddin Razvi Barelvi

Even after the partition of India in 1947, where a large territory… pic.twitter.com/6xyuaCCB4D

— Sanatan Prabhat (@SanatanPrabhat) March 11, 2025

‘ಕೇತಕಿ ಸಿಂಗ್ ಅವರ ಮನಸ್ಸಿನಲ್ಲಿ ಮುಸ್ಲಿಮರ ಬಗ್ಗೆ ದ್ವೇಷವಿದೆ!’ – ಮೌಲಾನಾ ಶಹಾಬುದ್ದೀನ್ ರಜ್ವಿ ಬರೇಲ್ವಿ

‘ಅಖಿಲ ಭಾರತೀಯ ಮುಸ್ಲಿಂ ಜಮಾತ್’ ರಾಷ್ಟ್ರೀಯ ಅಧ್ಯಕ್ಷ ಮೌಲಾನಾ ಶಹಾಬುದ್ದೀನ್ ರಜ್ವಿ ಬರೇಲ್ವಿ, ಶಾಸಕಿ ಕೇತಕಿ ಸಿಂಗ್ ಅವರ ಹೇಳಿಕೆ ಅತ್ಯಂತ ಖಂಡನೀಯವಾಗಿದೆ. ಆಸ್ಪತ್ರೆಯನ್ನು ಹಿಂದೂ ಮತ್ತು ಮುಸ್ಲಿಮರ ನಡುವೆ ವಿಂಗಡಿಸಿದರೆ, ಶಾಲೆಗಳು, ಮಾಧ್ಯಮಿಕ ಶಿಕ್ಷಣ ಕಾಲೇಜುಗಳು ಮತ್ತು ಉನ್ನತ ಶಿಕ್ಷಣ ವಿಶ್ವವಿದ್ಯಾಲಯಗಳನ್ನು ವಿಂಗಡಿಸಬೇಕಾಗುತ್ತದೆ. ಈ ಕ್ರಮವನ್ನು ನಿಭಾಯಿಸುವುದು ಅಸಾಧ್ಯವಾಗುವಷ್ಟು ದೂರ ಹೋಗುತ್ತದೆ. ತಾರತಮ್ಯವಿಲ್ಲದ ಅನೇಕ ಮುಸ್ಲಿಂ ಮತ್ತು ಕ್ರೈಸ್ತ ದೇಶಗಳಿವೆ. ನಮ್ಮ ಭಾರತದಲ್ಲಿಯೂ ತಾರತಮ್ಯವನ್ನು ಹರಡುವಂತಹ ಯಾವುದೇ ವಿಷಯವಿಲ್ಲ. (ತಾರತಮ್ಯವನ್ನು ಹೋಗಲಾಡಿಸಲು ‘ಸಮಾನ ನಾಗರಿಕ ಸಂಹಿತೆ’ ಅಗತ್ಯವಿರುವಾಗ ಮೌಲಾನಾ ಅದನ್ನು ವಿರೋಧಿಸುತ್ತಾರೆ, ಇದರ ಬಗ್ಗೆ ಅವರ ಅಭಿಪ್ರಾಯವೇನು? – ಸಂಪಾದಕರು) ಶಾಸಕರಾಗಿದ್ದರೂ ಅವರ ಮನಸ್ಸಿನಲ್ಲಿ ಮುಸ್ಲಿಮರ ಬಗ್ಗೆ ಅಪಾರ ದ್ವೇಷವಿದೆ, ಎಂದು ಹೇಳಿದರು.