ಪುರೋಹಿತರು ಶೂದ್ರರು ಹಾಗೂ ಮಹಿಳೆಯರಿಗೆ ವೇದಗಳ ಜ್ಞಾನವನ್ನು ಪಡೆಯುವ ಅವಕಾಶ ನೀಡಲಿಲ್ಲ’ ಎಂಬ ಉಲ್ಲೇಖವಿರುವ ಪಾಠವನ್ನು ಎನ್‌.ಸಿ.ಇ.ಆರ್‌.ಟಿ.ಯು ತೆಗೆದುಹಾಕಿದೆ !

ಮಾಹಿತಿ ಹಕ್ಕು ಕಾರ್ಯಕರ್ತರಾದ ವಿವೇಕ ಪಾಂಡೆಯವರು ಈ ಸಂದರ್ಭದಲ್ಲಿ ಪುರಾವೆಯನ್ನು ಕೇಳಿದಾಗ ಅದನ್ನು ಒದಗಿಸಲು ಎನ್.ಸಿ.ಇ.ಆರ್.ಟಿ.ಯು ವಿಫಲವಾಯಿತು.!

ನವದೆಹಲಿ – ರಾಷ್ಟ್ರೀಯ ಶೈಕ್ಷಣಿಕ ಸಂಶೋಧನೆ ಮತ್ತು ಪ್ರಶಿಕ್ಷಣ ಪರಿಷತ್ತಿನ (ಎನ್‌.ಸಿ.ಇ.ಆರ್‌.ಟಿ.) ಆರನೇ ತರಗತಿಯ ಇತಿಹಾಸ ಪುಸ್ತಕದಿಂದ ಕಲಿಸಲಾಗುತ್ತಿದ್ದ ಬ್ರಾಹ್ಮಣರು ಹಾಗೂ ಪುರೋಹಿತರ ವಿಷಯದಲ್ಲಿ ಭ್ರಮೆಗಳಿಂದ ಕೂಡಿದ್ದ ಲೇಖನಗಳಿರುವ ಪಾಠವನ್ನು ತೆಗೆದು ಹಾಕಲಾಗಿದೆ. ಈ ಸಂದರ್ಭದಲ್ಲಿ ಕಳೆದ ವರ್ಷ ಮಾಹಿತಿ ಹಕ್ಕು ಕಾರ್ಯಕರ್ತರಾದ ವಿವೇಕ ಪಾಂಡೆಯವರು ಎನ್‌.ಸಿ.ಇ.ಆರ್‌.ಟಿ. ಗೆ ಲಿಖಿತ ಪುರಾವೆಯನ್ನು ಕೇಳಿದ್ದರು. `ಹಿಂದೂ ಪುರೋಹಿತರು ಅಥವಾ ಬ್ರಾಹ್ಮಣರು ಮಹಿಳೆಯರು ಹಾಗೂ ಶೂದ್ರರೊಂದಿಗೆ ಭೇದಭಾವ ಮಾಡುತ್ತಾರೆ’, ಎಂದು ಎನ್‌.ಸಿ.ಇ.ಆರ್‌.ಟಿ.ಯ ಪುಸ್ತಕದಲ್ಲಿರುವ ಉಲ್ಲೇಖದ ಬಗ್ಗೆ ಪುರಾವೆಯನ್ನು ನೀಡುವಂತೆ ಪಾಂಡೆಯವರು ಮಾಹಿತಿ ಹಕ್ಕು ಅಧಿಕಾರದ ಅಡಿಯಲ್ಲಿ ಕೋರಿದ್ದರು. ಇದಕ್ಕೆ ಎನ್.ಸಿ.ಇ.ಆರ್.ಟಿ.ಯು ಉತ್ತರಿಸುವಾಗ `ಬ್ರಾಹ್ಮಣ ಮತ್ತು ಪುರೋಹಿತರು ಮಹಿಳೆಯರು ಹಾಗೂ ಶೂದ್ರರಿಗೆ ವೇದಗಳನ್ನು ಕಲಿಸದೇ ಇರುವ ಬಗ್ಗೆ ನಮ್ಮ ಬಳಿ ಯಾವುದೇ ದಾಖಲೆಗಳಿಲ್ಲ’ ಎಂದು ಹೇಳಿತ್ತು. ಹಾಗೆಯೇ ಎಸ್.ಸಿ.ಇ.ಆರ್.ಟಿ. ಯು ಈ ದಾರಿ ತಪ್ಪಿಸುವ ಹೇಳಿಕೆಯನ್ನು ತಮ್ಮ ಪುಸ್ತಕದಿಂದ ತೆಗೆದು ಹಾಕುವುದಾಗಿಯೂ ಆಶ್ವಾಸನೆ ನೀಡಿತ್ತು. ಅದರಂತೆಯೇ ಈಗ 2023-24 ನೇ ಸಾಲಿನ ಪುಸ್ತಕದಿಂದ ಈ ಭಾಗವನ್ನು ತೆಗೆದುಹಾಕಲಾಗಿದೆ.

Misleading claims about Brahmins removed in rationalised NCERT textbooks https://t.co/yr97HTSBCk

— HJS Mumbai (@HJSMumbai) February 4, 2024

ಈ ಪುಸ್ತಕದಲ್ಲಿ ಏನು ಹೇಳಲಾಗಿತ್ತು ?

ಆರನೇ ತರಗತಿಯ ಇತಿಹಾಸದ ಪುಸ್ತಕದಲ್ಲಿ `ರಾಜ್ಯ, ರಾಜ ಮತ್ತು ಪ್ರಾಚೀನ ಪ್ರಜಾಪ್ರಭುತ್ವ’ (ಪುಟ ಸಂ; 44-45) ಎಂಬ ಐದನೇ ಪಾಠದಲ್ಲಿ ಪುರೋಹಿತರು ಜಾತೀ ವ್ಯವಸ್ಥೆಯನ್ನು ನಿರ್ಮಿಸಿದ್ದರು ಮತ್ತು ಅದು ಜನ್ಮದಿಂದ ನಿರ್ಧಾರವಾಗುತ್ತದೆ ಎಂದು ಹೇಳಲಾಗಿತ್ತು. ಮಹಿಳೆಯರನ್ನು ಶೂದ್ರರ ವರ್ಗದಲ್ಲಿ ಸೇರಿಸುವ ಮೂಲಕ, ಅವರನ್ನು ವೇದಾಭ್ಯಾಸ ಮಾಡುವುದರಿಂದ ತಡೆಯಲಾಗುತ್ತಿತ್ತು, ಅಷ್ಟೇ ಅಲ್ಲ ಪುರೋಹಿತರು ಕೆಲವರನ್ನು ಅಸ್ಪೃಶ್ಯರೆಂದು ಘೋಷಿಸಿದ್ದರು, ಎಂದು ಹೇಳಲಾಗಿದೆ.