ಕೋಲಕಾತಾದಲ್ಲಿ ಇದೇ ಮೊದಲಬಾರಿ ಮಹಿಳಾ ಅರ್ಚಕರಿಂದ ಸಾರ್ವಜನಿಕ ಸ್ಥಳಗಳಲ್ಲಿ ಶ್ರೀ ದುರ್ಗಾದೇವಿಯ ಪೂಜೆ

ಸ್ತ್ರೀಯರು ಪೂಜೆ ಮಾಡುವುದು ಧರ್ಮಶಾಸ್ತ್ರದಲ್ಲಿ ಮಾನ್ಯವಾಗಿದ್ದರೂ ವೇದೋಕ್ತ ಮಂತ್ರಗಳ ಉಚ್ಚಾರ ಮಾಡಲು ಸ್ತ್ರೀಯರಿಗೆ ಬಂಧನಗಳಿವೆ. ಸ್ತ್ರೀಯರ ಜನನೇಂದ್ರಿಯಗಳು ಶರೀರದ ಒಳಗಿರುವುದರಿಂದ ಮಂತ್ರೋಚ್ಚಾರದಿಂದ ಉತ್ಪನ್ನವಾಗುವ ಶಕ್ತಿಯಿಂದಾಗಿ ಅದರ ಮೇಲೆ ಪರಿಣಾಮವಾಗಬಹುದು. ಆದ್ದರಿಂದ ಧರ್ಮಶಾಸ್ತ್ರದಲ್ಲಿ ಈ ರೀತಿಯಲ್ಲಿ ಹೇಳಲಾಗಿದೆ; ಆದರೆ ಟೊಳ್ಳು ಸ್ತ್ರೀಮುಕ್ತಿವಾದದಿಂದಾಗಿ ಮತ್ತು ಧರ್ಮಶಾಸ್ತ್ರದ ಬಗ್ಗೆ ಇರುವ ಘೋರ ಅಜ್ಞಾನದಿಂದಾಗಿ ‘ಮಹಿಳಾ ಅರ್ಚಕರ ನೇಮಕಾತಿ’ ಎಂಬಂತಹ ವಿಧಾನಗಳು ಪ್ರಚಲಿತವಾಗುತ್ತಿವೆ !- ಸಂಪಾದಕರು 

ಕೋಲಕಾತಾ (ಬಂಗಾಳ) – ಬಂಗಾಲದಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ನಡೆಸಲಾಗುವ ಶ್ರೀ ದುರ್ಗಾದೇವಿಯ ಪೂಜೆಯನ್ನು ಇದೇ ಮೊದಲ ಬಾರಿ ನಾಲ್ಕು ಮಹಿಳಾ ಪೂಜಾರಿಗಳು ಮಾಡಲಿದ್ದಾರೆ. ಇತಿಹಾಸದಲ್ಲಿ ಇಂತಹ ಘಟನೆಯು ಮೊದಲ ಬಾರಿ ನಡೆಯುತ್ತಿದೆ. ಈ ನಿರ್ಣಯವನ್ನು ನಗರದ ‘ಸೌತ್ ಕೋಲಕಾತಾ ಕ್ಲಬ್’ ತೆಗೆದುಕೊಂಡಿದೆ.

1. ಈ ವಿಷಯದಲ್ಲಿ ಪೂಜಾ ಸಮಿತಿಯ ಪ್ರದ್ಯುಮ್ನ ಮುಖರ್ಜಿಯವರು ಮಾತನಾಡುತ್ತಾ, `ಮಂಟಪ ತಯಾರಿಸುವ ಆರಂಭದಲ್ಲಿನ ಪೂಜೆ, ವಿಜಯದಶಮಿಯವರೆಗಿನ ಯಾವುದೇ ಪೂಜೆಯನ್ನು ಈ ಮೊದಲು ಯಾವುದೇ ಮಹಿಳಾ ಅರ್ಚಕರು ಮಾಡಿರಲಿಲ್ಲ. ಆದರೆ ನಮ್ಮ ಕ್ಲಬ್‍ನಲ್ಲಿ 4 ಮಹಿಳಾ ಅರ್ಚಕರ ಗುಂಪು ಪೂಜೆಯನ್ನು ಮಾಡಿ ಹೊಸ ಪರಂಪರೆಯನ್ನು ಆರಂಭಿಸಲಿದೆ. ಪೂಜೆ ಮಾಡುವಲ್ಲಿ ಅವರು ಸ್ವತಂತ್ರ ಶೈಲಿ ಹೊಂದಿದ್ದಾರೆ. (ಈ ಮಹಿಳೆಯರ ಪೂಜೆಯ ಸ್ವತಂತ್ರ ಶೈಲಿಯ ವಿಷಯದಲ್ಲಿ ಅವರು ಬಂಗಾಲದೊಂದಿಗೆ ಜೋಡಿಸಲ್ಪಟ್ಟಿರುವ ಪುರಿ ಪೀಠದ ಶಂಕರಾಚಾರ್ಯರಿಂದ ಮಾರ್ಗದರ್ಶನ ಪಡೆದಿದ್ದಾರೆಯೇ ? ಧರ್ಮಶಾಸ್ತ್ರದ ಮೇಲಾಧಾರಿತ ಪೂಜೆಯನ್ನು ಮಾಡುವುದರಿಂದಲೇ ಯಜಮಾನ ಮತ್ತು ಪುರೋಹಿತರಿಗೆ ಅಧ್ಯಾತ್ಮಿಕ ಮಟ್ಟದಲ್ಲಿ ಲಾಭವಾಗುತ್ತದೆ ಎಂಬುದನ್ನು ಗಮನದಲ್ಲಿಡಿ ! – ಸಂಪಾದಕರು) ಡಾ. ನಂದಿನಿ ಭೌಮಿಕ, ರೂಮಾ ರಾಯ, ಸೇಮಾಂತಿ ಬ್ಯಾನರ್ಜಿ ಮತ್ತು ಪಲೋಮಿ ಚಕ್ರವರ್ತಿ ಈ ಮಹಿಳೆಯರು ಪೂಜೆ ಮಾಡಲಿದ್ದಾರೆ. ಕಳೆದ ಒಂದು ದಶಕದಿಂದ ನಗರದಲ್ಲಿ ವಿವಾಹ, ಗೃಹಪ್ರವೇಶದಂತಹ ಮಹತ್ವದ ಸಮಾರಂಭಗಳಲ್ಲಿ ಪುರೋಹಿತರೆಂದು ಕೆಲಸ ಮಾಡುತ್ತಿದ್ದಾರೆ; ಪುರೋಹಿತರೆಂದು ಇವರು ಮೊದಲ ಬಾರಿಗೆ ಮೂರ್ತಿಪೂಜೆ ಮಾಡಲಿದ್ದಾರೆ. ಜನರು ಈ ಬದಲಾವಣೆಯನ್ನು ಸ್ವೀಕರಿಸುವರು ಎಂದು ನಾವು ಅಪೇಕ್ಷಿಸುತ್ತೇವೆ’ಎಂದು ಹೇಳಿದರು.

Female priests prepare for historic Durga Puja debut https://t.co/PwMOyNIZAy

— TOI Cities (@TOICitiesNews) August 20, 2021

ಡಾ. ನಂದಿನಿ ಭೌಮಿಕ ರವರು ಮಾತನಾಡುತ್ತಾ, ‘ಇತ್ತೀಚಿಗೆ ಜನರು ಪೂಜಾ ವಿಧಿಗಳಲ್ಲಿ ಇಷ್ಟಪಟ್ಟು ಸಹಭಾಗಿಯಾಗುವ ಬದಲು ಇತರ ಸಂಗತಿಗಳಲ್ಲಿ ಸಹಭಾಗಿಯಾಗುತ್ತಾರೆ. ಇಂತಹ ಜನರು ಪೂಜಾಕಾರ್ಯದಲ್ಲಿ ಇಷ್ಟಪಟ್ಟು ಸಹಭಾಗಿಯಾಗುವಂತೆ ನೋಡುವುದು ನಮ್ಮ ಪ್ರಮುಖ ಉದ್ದೇಶವಾಗಿದೆ’ ಎಂದು ಹೇಳಿದ್ದಾರೆ.