ಉತ್ತರಪ್ರದೇಶದಲ್ಲಿ ದೇವಾಲಯದ ಭೂಮಿ ಕಬಳಿಸಲು ದೇವರು ಸಾವಿಗೀಡಾಗಿರುವಂತೆ ಕಾಗದಪತ್ರಗಳಲ್ಲಿ ನೋಂದಣಿ !

ಉಪಮುಖ್ಯಮಂತ್ರಿಗಳಿಂದ ತನಿಖೆಯ ಆದೇಶ !

ಲಕ್ಷ್ಮಣಪುರಿ (ಉತ್ತರಪ್ರದೇಶ) ಉತ್ತರಪ್ರದೇಶದ ಮೋಹನಲಾಲಗಂಜದಲ್ಲಿನ ಕುಶಮೌರಾ ಹಲುವಾಪೂರ ಎಂಬ ಊರಿನಲ್ಲಿ ಏಕೀಕೃತವಾಗಿರುವ ಭಗವಾನ್ ಶ್ರೀಕೃಷ್ಣ ಹಾಗೂ ಶ್ರೀರಾಮನ ದೇವಾಲಯದ ಭೂಮಿಯನ್ನು ಕಬಳಿಸಲು ಈ ದೇವತೆಗಳು ಸಾವನ್ನಪ್ಪಿದಂತೆ ಕಾಗದಪತ್ರಗಳಲ್ಲಿ ತೋರಿಸಲಾಗಿರುವ ಘಟನೆ ಬೆಳಕಿಗೆ ಬಂದಿದೆ. ದೇವಾಲಯದ ಮೂಲ ಧರ್ಮದರ್ಶಿಗಳಾದ ಸುಶೀಲಕುಮಾರ ತ್ರಿಪಾಠಿಯವರು ೨೦೧೬ ನೇ ಇಸವಿಯಲ್ಲಿ ಉಪ ತಹಶೀಲ್ದಾರರ ಬಳಿ ಮಾಡಿದ ತಕರಾರಿನಿಂದ ೨೫ ವರ್ಷಗಳ ಹಿಂದಿನ ಪ್ರಕರಣವು ಈಗ ಬೆಳಕಿಗೆ ಬಂದಿದೆ. (೨೦೧೬ ನೇ ಇಸವಿಯಲ್ಲಿ ಉಪ ತಹಶೀಲ್ದಾರರ ಬಳಿ ತಕರಾರು ನೀಡಿದ್ದರೂ ಈ ವಿಷಯ ೨೦೨೧ ರಲ್ಲಿ ಬೆಳಕಿಗೆ ಬಂದಿದೆ, ಇದರಿಂದ ಕಾರ್ಯಾಂಗದ ಕಾರುಬಾರು ಹೇಗೆ ನಡೆಯುತ್ತಿದೆ ಎಂಬುದರ ಕಲ್ಪನೆ ಸಿಗುತ್ತಿದೆ ! – ಸಂಪಾದಕರು) ಉಪಮುಖ್ಯಮಂತ್ರಿ ದಿನೇಶ ಶರ್ಮಾರವರು ಈ ಪ್ರಕರಣದ ತನಿಖೆ ನಡೆಸಲು ಉಪವಿಭಾಗೀಯ ದಂಡಾಧಿಕಾರಿ (ನ್ಯಾಯಾಧೀಶರು)ಗಳಾದ ಪ್ರಫುಲ್ಲ ತ್ರಿಪಾಠಿಯವರಿಗೆ ಆದೇಶಿಸಿದ್ದಾರೆ. (ಈಗ ಈ ತನಿಖೆ ಎಷ್ಟು ವರ್ಷಗಳು ಬೇಕಾಗುತ್ತದೆ ಎಂಬುದು ಆ ದೇವರಿಗೇ ಗೊತ್ತು! – ಸಂಪಾದಕರು)

೧. ಈ ದೇವಾಲಯವು ೧೦೦ ವರ್ಷಗಳಿಗಿಂತ ಹೆಚ್ಚು ಹಳೆಯದು. ಈ ದೇವಾಲಯದ ಒಡೆತನದಲ್ಲಿ ೭ ಸಾವಿರ ೩೦೦ ಚದರ ಮೀಟರ್ ಭೂಮಿಯಿದೆ ಹಾಗೂ ಅದನ್ನು ಕೃಷ್ಣ-ರಾಮ ಟ್ರಸ್ಟ್ ನಡೆಸುತ್ತಿದೆ. ಕಾಗದಪತ್ರಗಳಲ್ಲಿ ಗಯಾಪ್ರಸಾದ ಎಂಬ ವ್ಯಕ್ತಿಯು ದೇವಾಲಯದಲ್ಲಿರುವ ಶ್ರೀರಾಮ ಹಾಗೂ ಶ್ರೀಕೃಷ್ಣ ಈ ದೇವತೆಗಳ ತಂದೆಯೆಂದು ಉಲ್ಲೇಖಿಸಲಾಗಿದೆ.

೨. ೧೯೮೭ರಲ್ಲಿ ಈ ದೇವಾಲಯದ ಭೂಮಿಯ ಕಾಗದಪತ್ರಗಳಲ್ಲಿ ಪರಿವರ್ತನೆ ಮಾಡಿ ಭಗವಾನ್ ಶ್ರೀಕೃಷ್ಣ ಹಾಗೂ ಶ್ರೀರಾಮ ಈ ದೇವತೆಗಳು ಸಾವಿಗೀಡಾಗಿರುವುದಾಗಿ ತೋರಿಸಿ ಈ ಎಲ್ಲಾ ಭೂಮಿಯನ್ನು ಗಯಾಪ್ರಸಾದರವರ ಹೆಸರಿಗೆ ಮಾಡಲಾಯಿತು. ಅನಂತರ ಕೃಷ್ಣ-ರಾಮ ಟ್ರಸ್ಟ್‌ನ ಸಂಪೂರ್ಣ ಕಾರುಬಾರನ್ನು ಅವರ ಸಹೋದರರಾದ ರಾಮನಾಥ ಹಾಗೂ ಹರಿದ್ವಾರರವರು ವಹಿಸಿಕೊಂಡರು.