ಮಸೀದಿ ಧ್ವನಿವರ್ಧಕಗಳ ಕುರಿತು 2 ವಾರಗಳಲ್ಲಿ ವರದಿ ಸಲ್ಲಿಸಲು ಸೂಚನೆ : Mosque Speaker Complaint

ಮುಂಬಯಿ – ಮಸೀದಿಗಳ ಮೇಲಿನ ಧ್ವನಿವರ್ಧಕಗಳು ಹಾಗೂ ಇತರ ಪ್ರಾರ್ಥನಾ ಮಂದಿರಗಳ ಮೇಲಿನ ಮೈಕ್‌ಗಳಿಂದ ಉಂಟಾಗುವ ಶಬ್ದ ಮಾಲಿನ್ಯದ ಕುರಿತು ದೂರುಗಳು ಬಂದಾಗ ಪೊಲೀಸರು ಇದುವರೆಗೆ ಕೈಗೊಂಡ ಕ್ರಮಗಳೇನು?, ಎಂಬ ಸವಿಸ್ತಾರವಾದ ವರದಿಯನ್ನು ೨ ವಾರಗಳ ಒಳಗಾಗಿ ನ್ಯಾಯಾಲಯಕ್ಕೆ ಸಲ್ಲಿಸಬೇಕು ಎಂದು ಮುಂಬಯಿ ಉಚ್ಚ ನ್ಯಾಯಾಲಯವು ಮಹಾರಾಷ್ಟ್ರ ರಾಜ್ಯ ಸರಕಾರಕ್ಕೆ ನಿರ್ದೇಶನ ನೀಡಿದೆ. ಮಸೀದಿಗಳ ಮೇಲಿನ ಅನಧಿಕೃತ ಧ್ವನಿವರ್ಧಕಗಳಿಂದ ಉಂಟಾಗುವ ಶಬ್ದ ಮಾಲಿನ್ಯದ ವಿರುದ್ಧ ನಾಗರಿಕರು ಪದೇ ಪದೇ ದೂರು ನೀಡಿದ್ದರೂ ಮುಂಬಯಿ ಪೊಲೀಸರು ಕ್ರಮ ಕೈಗೊಳ್ಳುತ್ತಿಲ್ಲ ಎಂದು ನ್ಯಾಯಾಲಯವು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದೆ.

೧. ಕಾಂದಿವಲಿಯ ನ್ಯಾಯವಾದಿ ರೀನಾ ರಿಚರ್ಡ್ ಅವರು ಪ್ರತಿದಿನ ಮುಂಜಾನೆ ಮಸೀದಿಯಿಂದ ಉಂಟಾಗುವ ಭೀಕರ ಶಬ್ದ ಮಾಲಿನ್ಯದ ಕುರಿತು ಸಮತಾನಗರ ಪೊಲೀಸ್ ಠಾಣೆಯಲ್ಲಿ ಹಲವು ಬಾರಿ ದೂರು ದಾಖಲಿಸಿದ್ದರು. ಆದರೆ, ಪೊಲೀಸರು ದೂರುಗಳನ್ನು ಗಣನೆಗೆ ತೆಗೆದುಕೊಳ್ಳದ ಕಾರಣ ಅವರು ಮುಂಬಯಿ ಉಚ್ಚ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದ್ದರು. ಈ ಅರ್ಜಿಯ ವಿಚಾರಣೆಯು ನ್ಯಾಯಮೂರ್ತಿ ಅಜಯ್ ಗಡ್ಕರಿ ಮತ್ತು ನ್ಯಾಯಮೂರ್ತಿ ಕಮಲ್ ಖಾತಾ ಅವರಿದ್ದ ಪೀಠದ ಮುಂದೆ ನಡೆಯಿತು.

೨. ಪ್ರತಿವಾದಿಗಳು, “ಧ್ವನಿವರ್ಧಕಗಳನ್ನು ಮಸೀದಿಯ ಒಳಗಿನ ಕಡೆಗೆ ಮುಖ ಮಾಡಿ ಅಳವಡಿಸಲಾಗಿದೆ ಮತ್ತು ಶಬ್ದವು ಕಡಿಮೆ ಡೆಸಿಬಲ್‌ನಲ್ಲಿದೆ”; ಎಂದು ವಾದಿಸಿದರು. ಆದರೆ, ಅರ್ಜಿದಾರರು ಈ ವಾದವನ್ನು ತಳ್ಳಿಹಾಕಿ, “ಈ ಧ್ವನಿವರ್ಧಕಗಳನ್ನು ‘ಶಾಂತ ವಲಯ’ದಲ್ಲಿ (ಸೈಲೆನ್ಸ್ ಝೋನ್) ಅತಿ ಹೆಚ್ಚು ಶಬ್ದದೊಂದಿಗೆ ಬಳಸಲಾಗುತ್ತಿದೆ” ಎಂದು ನ್ಯಾಯಾಲಯದ ಗಮನಕ್ಕೆ ತಂದರು. ತದನಂತರ ನ್ಯಾಯಾಲಯವು ಮೇಲಿನ ನಿರ್ದೇಶನಗಳನ್ನು ನೀಡಿತು.