ಟೆಲಿಗ್ರಾಂನಲ್ಲಿ ‘ನೀಟ್’ ನ ನಕಲಿ ಪ್ರಶ್ನೆಪತ್ರಿಕೆ ಮಾರಾಟ ಮಾಡುತ್ತಿದ್ದ ೧೯ ವರ್ಷದ ವಿದ್ಯಾರ್ಥಿಯ ಬಂಧನ

(‘ನೀಟ್’ ಎಂದರೆ ನ್ಯಾಷನಲ್ ಎಲಿಜಿಬಿಲಿಟಿ ಕಮ್ ಎಂಟ್ರನ್ಸ್ ಟೆಸ್ಟ್ – ರಾಷ್ಟ್ರೀಯ ಅರ್ಹತಾ ಮತ್ತು ಪ್ರವೇಶ ಪರೀಕ್ಷೆ)

ಭಿಲ್ವಾರಾ (ರಾಜಸ್ಥಾನ) – ಇಲ್ಲಿ ‘ನೀಟ್’ ಮರುಪರೀಕ್ಷೆಗೆ ೩ ದಿನಗಳ ಮುಂಚಿತವಾಗಿ ಪೊಲೀಸರು ನಕಲಿ ಪ್ರಶ್ನೆಪತ್ರಿಕೆ ಮಾರಾಟ ಮಾಡುತ್ತಿದ್ದ ಆಕಾಶ ಚೌಧರಿ ಎಂಬ ಯುವಕನನ್ನು ಬಂಧಿಸಿದ್ದಾರೆ. ೧೯ ವರ್ಷದ ಆಕಾಶ ಟೆಲಿಗ್ರಾಂ ಚಾನೆಲ್ ಮೂಲಕ ಅಭ್ಯರ್ಥಿಗಳಿಗೆ ಪ್ರಶ್ನೆಪತ್ರಿಕೆ ನೀಡುವುದಾಗಿ ಆಮಿಷವೊಡ್ಡಿ ಹಣ ವಸೂಲಿ ಮಾಡುತ್ತಿದ್ದನು.

೧. ಆಕಾಶ ಟೆಲಿಗ್ರಾಂನಲ್ಲಿ ‘ಪೇಪರ್ ಮಾಫಿಯಾ’ ಹೆಸರಿನ ಚಾನೆಲ್ ತೆರೆದಿದ್ದನು. ತನ್ನ ಗುರುತು ಸಿಗದಿರಲಿ ಮತ್ತು ಪೊಲೀಸರಿಗೆ ತನ್ನ ಚಟುವಟಿಕೆಗಳನ್ನು ಪತ್ತೆಹಚ್ಚುವುದು ಕಷ್ಟವಾಗಲಿ ಎಂದು, ಅಮೆರಿಕ ಮೂಲದ ‘ವಿ.ಪಿ.ಎನ್.’ (‘ವರ್ಚುವಲ್ ಪ್ರೈವೇಟ್ ನೆಟ್‌ವರ್ಕ್’) ಮತ್ತು ‘ಪ್ರಾಕ್ಸಿ ನೆಟ್‌ವರ್ಕ್’ ಮೂಲಕ ಚಾನೆಲ್ ನಡೆಸುತ್ತಿದ್ದನು ಎಂದು ಪೊಲೀಸರು ತಿಳಿಸಿದ್ದಾರೆ.

೨. ಆಕಾಶ ಒಂದು ಪ್ರಶ್ನೆಪತ್ರಿಕೆಗೆ ೪,೦೦೦ ರೂಪಾಯಿಗಳನ್ನು ಪಡೆಯುತ್ತಿದ್ದನು. ಹಣ ಪಾವತಿಸಲು ವಿದ್ಯಾರ್ಥಿಗಳಿಗೆ ‘ಕ್ಯೂ.ಆರ್. ಕೋಡ್’ ಕಳುಹಿಸಿ, ನೇರವಾಗಿ ತನ್ನ ಬ್ಯಾಂಕ್ ಖಾತೆಗೆ ಹಣ ವರ್ಗಾಯಿಸಿಕೊಳ್ಳುತ್ತಿದ್ದನು. ಆತ ನೀಟ್ ಪರೀಕ್ಷೆಯ ಸಿದ್ಧತೆಗೆ ಸಂಬಂಧಿಸಿದ ಪುಸ್ತಕಗಳ ಪುಟಗಳನ್ನು ಸ್ಕ್ಯಾನ್ ಮಾಡಿ ನಕಲಿ ಪ್ರಶ್ನೆಪತ್ರಿಕೆಗಳನ್ನು ಸಿದ್ಧಪಡಿಸುತ್ತಿದ್ದನು. ನಂತರ ಅವುಗಳನ್ನೇ ನಿಜವಾದ ಸೋರಿಕೆಯಾದ ಪ್ರಶ್ನೆ ಪತ್ರಿಕೆ ಎಂದು ಅಭ್ಯರ್ಥಿಗಳಿಗೆ ತಲುಪಿಸುತ್ತಿದ್ದನು.