‘ಅಗ್ನಿ-೬’ ಕ್ಷಿಪಣಿಯ ಸಂಭಾವ್ಯ ಪರೀಕ್ಷೆಯ ಮುನ್ನ ಒಡಿಶಾದ ೧೧ ಸಾವಿರ ನಾಗರಿಕರ ತಾತ್ಕಾಲಿಕ ಸ್ಥಳಾಂತರ!

ಬಾಲಾಸೋರ್ (ಒಡಿಶಾ) – ಚಾಂದಿಪುರದ ‘ಇಂಟಿಗ್ರೇಟೆಡ್ ಟೆಸ್ಟ್ ರೇಂಜ್’ನಲ್ಲಿ ನಡೆಯಲಿರುವ ‘ಅಗ್ನಿ-೬’ ಕ್ಷಿಪಣಿಯ ಸಂಭಾವ್ಯ ಪರೀಕ್ಷೆಯ ಮುನ್ನ, ಸುರಕ್ಷತೆಯ ಕಾರಣಗಳಿಗಾಗಿ ಪರೀಕ್ಷಾ ಸ್ಥಳದಿಂದ ೧ ರಿಂದ ೩.೫ ಕಿ.ಮೀ. ವ್ಯಾಪ್ತಿಯಲ್ಲಿದ್ದ ಸುಮಾರು ೧೧ ಸಾವಿರದ ೪೪೨ ನಾಗರಿಕರನ್ನು ತಾತ್ಕಾಲಿಕವಾಗಿ ಸ್ಥಳಾಂತರಿಸಲಾಯಿತು. ಅವರಿಗೆ ವಿವಿಧ ಆಶ್ರಯ ಕೇಂದ್ರಗಳಲ್ಲಿ ವಸತಿ ವ್ಯವಸ್ಥೆ ಕಲ್ಪಿಸಲಾಗಿದೆ. ಆಡಳಿತ ಮಂಡಳಿಯು ಪರೀಕ್ಷಾ ಸ್ಥಳದ ಸಂಪೂರ್ಣ ಪ್ರದೇಶದಲ್ಲಿ ಬಿಗಿ ಭದ್ರತೆಯನ್ನು ನಿಯೋಜಿಸಿದೆ. ಪರೀಕ್ಷೆ ಮುಗಿದ ನಂತರ ಮತ್ತು ಸುರಕ್ಷತಾ ಅನುಮತಿ ಸಿಕ್ಕ ಬಳಿಕ ನಾಗರಿಕರಿಗೆ ಮರಳಲು ಅನುಮತಿ ನೀಡಲಾಗುವುದು. ‘ಅಗ್ನಿ-೬’ ಪರೀಕ್ಷೆಯ ಕುರಿತು ಇನ್ನೂ ಯಾವುದೇ ಅಧಿಕೃತ ಘೋಷಣೆ ಹೊರಬಿದ್ದಿಲ್ಲ. ‘ಫರ್ಸ್ಟ್ ಪೋಸ್ಟ್’ ಸುದ್ದಿ ಜಾಲತಾಣವು ಈ ಸುದ್ದಿಯನ್ನು ಪ್ರಸಾರ ಮಾಡಿದೆ. ಈ ಕ್ಷಿಪಣಿಯು ೮ ಸಾವಿರದಿಂದ ೧೨ ಸಾವಿರ ಕಿ.ಮೀ. ದೂರದವರೆಗೆ ದಾಳಿ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ.