ವಿಯೆನ್ನಾ (ಆಸ್ಟ್ರಿಯಾ) ಇಲ್ಲಿ ದಾಳಿ ಮಾಡಲು ಸಂಚು ರೂಪಿಸಿದ್ದ ಯುವಕನಿಗೆ ೧೫ ವರ್ಷಗಳ ಶಿಕ್ಷೆ

ವಿನರ್ ನ್ಯೂಸ್ಟಾಡ್ (ಆಸ್ಟ್ರಿಯಾ) – ಯುರೋಪಿನ ಆಸ್ಟ್ರಿಯಾ ದೇಶದ ನ್ಯಾಯಾಲಯವೊಂದು ೨೧ ವರ್ಷದ ಯುವಕನಿಗೆ ೧೫ ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ. ಆತ ೨೦೨೪ ರಲ್ಲಿ ವಿಯೆನ್ನಾದಲ್ಲಿ ನಡೆದ ಟೇಲರ್ ಸ್ವಿಫ್ಟ್ ಅವರ ಕಚೇರಿಯ ಮೇಲೆ ದಾಳಿ ಮಾಡಲು ಸಂಚು ರೂಪಿಸಿದ್ದನ್ನು ಒಪ್ಪಿಕೊಂಡಿದ್ದಾನೆ. ಜಿಹಾದಿ ಭಯೋತ್ಪಾದನೆಗೆ ಸಂಬಂಧಿಸಿದ ವಿವಿಧ ಅಪರಾಧಗಳಿಗಾಗಿ ಆತನನ್ನು ಪ್ರಮುಖವಾಗಿ ದೋಷಿ ಎಂದು ಘೋಷಿಸಲಾಗಿದೆ. ಬೆರಾನ್ ಎ. ಎಂದು ಈ ಯುವಕನ ಹೆಸರಿದೆ.

೧. ಬೆರಾನ್ ಎ. ಮೆಷಿನ್ ಗನ್ ಮತ್ತು ಹ್ಯಾಂಡ್ ಗ್ರೆನೇಡ್‌ಗಳನ್ನು ಕಾನೂನುಬಾಹಿರವಾಗಿ ಖರೀದಿಸಲು ವಿಫಲ ಯತ್ನ ನಡೆಸಿದ್ದನು. ಅಲ್ಲದೆ, ಆತ ಇಸ್ಲಾಮಿಕ್ ಸ್ಟೇಟ್‌ನ ‘ಮೇಕ್ ಎ ಬಾಂಬ್ ಇನ್ ದಿ ಕಿಚನ್ ಆಫ್ ಯುವರ್ ಮಾಮ್’ (ನಿಮ್ಮ ತಾಯಿಯ ಅಡುಗೆಮನೆಯಲ್ಲಿ ಬಾಂಬ್ ತಯಾರಿಸಿ) ಎಂಬ ಶೀರ್ಷಿಕೆಯ ವಿಡಿಯೋದಲ್ಲಿನ ಮಾಹಿತಿಯ ಆಧಾರದ ಮೇಲೆ ‘ಟ್ರೈಸಿ ಟೋನ್ ಟ್ರೈಪೆರಾಕ್ಸೈಡ್’ ಎಂಬ ಸ್ಫೋಟಕ ವಸ್ತುವನ್ನು ಸಿದ್ಧಪಡಿಸಿದ್ದನು.

೨. ಇದೇ ಪ್ರಕರಣದಲ್ಲಿ, ಆತನ ಮೇಲೆ ೨೦೨೪ ರಲ್ಲಿ ತನ್ನ ಇಬ್ಬರು ಶಾಲಾ ಸ್ನೇಹಿತರೊಂದಿಗೆ ಸೇರಿಕೊಂಡು ಕೊಲ್ಲಿ ದೇಶಗಳ ವಿವಿಧ ನಗರಗಳಲ್ಲಿ ಪ್ರತ್ಯೇಕವಾಗಿ ದಾಳಿ ಮಾಡಲು ಸಂಚು ರೂಪಿಸಿದ ಆರೋಪವೂ ಇತ್ತು.

೩. ತಾನು ಮತ್ತು ಸಹ-ಆರೋಪಿ ಅರ್ಡಾ ಕೆ. ದಾಳಿ ನಡೆಸುವ ಉದ್ದೇಶದಿಂದ ಕ್ರಮವಾಗಿ ದುಬೈ ಮತ್ತು ಇಸ್ತಾನ್‌ಬುಲ್ ನಗರಗಳಿಗೆ ಪ್ರಯಾಣ ಬೆಳೆಸಿದ್ದಾಗಿ ಒಪ್ಪಿಕೊಂಡಿದ್ದಾರೆ; ಆದರೆ ನಂತರ ಅವರು ಆ ಕೃತ್ಯವನ್ನು ಎಸಗಲಿಲ್ಲ. ಬೆರಾನ್ ಎ. ಮಾರ್ಚ್ ೨೦೨೪ ರಲ್ಲಿ ದುಬೈನಲ್ಲಿ ಚಾಕುವಿನಿಂದ ಇರಿಯಲು ಅವಕಾಶಕ್ಕಾಗಿ ಕಾಯುತ್ತಿದ್ದನು.