ಆಮ್ ಆದ್ಮಿ ಪಕ್ಷದ 10 ರಾಜ್ಯಸಭಾ ಸಂಸದರ ಪೈಕಿ 7 ಮಂದಿ ಭಾಜಪ ಸೇರ್ಪಡೆ!

ಚಂಡೀಗಢ – ಆಮ್ ಆದ್ಮಿ ಪಕ್ಷದ (ಆಪ್) ಒಟ್ಟು 10 ರಾಜ್ಯಸಭಾ ಸಂಸದರ ಪೈಕಿ 7 ಸಂಸದರು ಭಾಜಪ ಸೇರಲಿದ್ದಾರೆ ಎಂದು ಪಂಜಾಬ್‌ನ ಆಪ್ ರಾಜ್ಯಸಭಾ ಸಂಸದ ರಾಘವ್ ಚಡ್ಡಾ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ. ಅವರು ಮಾತು ಮುಂದುವರೆಸಿ, ರಾಜ್ಯಸಭಾ ಸಂಸದರಾದ ಸಂದೀಪ ಪಾಠಕ್, ಅಶೋಕ ಕುಮಾರ ಮಿತ್ತಲ್, ಮಾಜಿ ಕ್ರಿಕೆಟಿಗ ಹರಭಜನ ಸಿಂಗ್, ವಿಕ್ರಮಜಿತ ಸಿಂಗ್ ಸಾಹ್ನಿ, ಸ್ವಾತಿ ಮಲಿವಾಲ ಮತ್ತು ಸಂಜೀವ್ ಅರೋರಾ ನಮ್ಮೊಂದಿಗಿದ್ದಾರೆ ಎಂದು ಹೇಳಿದರು. ಪಕ್ಷದ ಮೂರನೇ ಎರಡರಷ್ಟು ಸಂಸದರು ಈ ನಿರ್ಧಾರವನ್ನು ತೆಗೆದುಕೊಂಡಿರುವುದರಿಂದ, ಪಕ್ಷಾಂತರ ವಿರೋಧಿ ಕಾಯ್ದೆ ಇವರಿಗೆ ಅನ್ವಯಿಸುವುದಿಲ್ಲ.

ಈ ಪತ್ರಿಕಾಗೋಷ್ಠಿಯಲ್ಲಿ ಸಂಸದ ಸಂದೀಪ ಪಾಠಕ್ ಮತ್ತು ಸಂಸದ ಅಶೋಕ ಮಿತ್ತಲ್ ಕೂಡ ಉಪಸ್ಥಿತರಿದ್ದರು. 10 ದಿನಗಳ ಹಿಂದೆಯಷ್ಟೇ ಜಾರಿ ನಿರ್ದೇಶನಾಲಯ (ED) ಮಿತ್ತಲ ಅವರ ನಿವಾಸದ ಮೇಲೆ ದಾಳಿ ನಡೆಸಿತ್ತು.