ಇಂಡೋನೇಷ್ಯಾ: ಕುರಾನ್ ಮೇಲೆ ಕಾಲಿಟ್ಟು ಪ್ರಮಾಣ ಮಾಡುವಂತೆ ಒತ್ತಾಯಿಸಿದ ಇಬ್ಬರು ಮಹಿಳೆಯರ ಬಂಧನ!

ಜಕಾರ್ತಾ (ಇಂಡೋನೇಷ್ಯಾ) – ಇಂಡೋನೇಷ್ಯಾದ ಬಾಂಟನ್ ಪ್ರಾಂತ್ಯದಲ್ಲಿ ದೈವನಿಂದನೆಯ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ಈ ಘಟನೆಯು ಕಳ್ಳತನದ ಆರೋಪ ಮತ್ತು ನಂತರ ಕುರಾನ್ ಮೇಲೆ ಕಾಲಿಟ್ಟು ಪ್ರಮಾಣ ಮಾಡುವ ವಿವಾದಕ್ಕೆ ಸಂಬಂಧಿಸಿದೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆದ ನಂತರ ದೇಶಾದ್ಯಂತ ಆಕ್ರೋಶದ ಅಲೆ ಎದ್ದಿದೆ. ಪೊಲೀಸರು ಲೆಬಾಕ್ ಜಿಲ್ಲೆಯಲ್ಲಿ ದೈವನಿಂದನೆ ಕಾಯ್ದೆಯಡಿ ಕ್ರಮ ಕೈಗೊಂಡು ಇಬ್ಬರು ಮಹಿಳೆಯರನ್ನು ಬಂಧಿಸಿದ್ದಾರೆ.

🚨 Indonesia: Two women arrested for taking an oath by stepping on the Quran. Reports say they could face up to 5 years in prison.

⚖️ Indonesia acts swiftly when the religious sentiments of its majority are hurt.

🇮🇳 Meanwhile in India, repeated insults to the religious beliefs… pic.twitter.com/SmIdjaN1ZM

— Sanatan Prabhat (@SanatanPrabhat) April 15, 2026

ಪೊಲೀಸರು ನೀಡಿದ ಮಾಹಿತಿಯ ಪ್ರಕಾರ, ಏಪ್ರಿಲ್ ೮ ರಂದು ಬ್ಯೂಟಿ ಪಾರ್ಲರ್ ಮಾಲೀಕಿಯೊಬ್ಬರು ಮಹಿಳಾ ಗ್ರಾಹಕಿಯ ಮೇಲೆ ಕಳ್ಳತನದ ಆರೋಪ ಹೊರಿಸಿದ್ದರು. ತನ್ನ ನಿರಪರಾಧಿತ್ವವನ್ನು ಸಾಬೀತುಪಡಿಸಲು ಆಕೆಗೆ ಕುರಾನ್ ಮೇಲೆ ಕಾಲಿಟ್ಟು ಪ್ರಮಾಣ ಮಾಡುವಂತೆ ಕೇಳಲಾಯಿತು. ಆ ಗ್ರಾಹಕಿ ಹಾಗೆ ಮಾಡಿದಾಗ ಮಾಲೀಕಿಯು ಈ ಸಂಪೂರ್ಣ ಘಟನೆಯ ವಿಡಿಯೋ ಮಾಡಿದ್ದಳು. ಆ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಸಾರವಾದ ನಂತರ ಇಂಡೋನೇಷ್ಯಾದ ಜನರ ಆಕ್ರೋಶ ಕಟ್ಟೆಯೊಡೆದಿದೆ. ಇಬ್ಬರೂ ಮಹಿಳೆಯರು ತಮ್ಮ ತಪ್ಪನ್ನು ಒಪ್ಪಿಕೊಂಡಿದ್ದು, ದೈವನಿಂದನೆ ಕಾಯ್ದೆಯಡಿ ದೋಷಿಗಳೆಂದು ಸಾಬೀತಾದರೆ ಅವರಿಗೆ ೫ ವರ್ಷಗಳವರೆಗೆ ಜೈಲು ಶಿಕ್ಷೆಯಾಗಬಹುದೆಂದು ಪೊಲೀಸರು ತಿಳಿಸಿದ್ದಾರೆ.