‘ದಾವುದ್ ಇಬ್ರಾಹಿಂನಿಂದಾಗಿ ನನ್ನ ಮನೆ ನಡೆಯುತ್ತಿದೆ!’

ಮುಂಬಯಿ – ನಾನು ದಾವುದ್ ಇಬ್ರಾಹಿಂನಿಂದಾಗಿ ಬದುಕುತ್ತಿದ್ದೇನೆ. ಅವನಿಂದಲೇ ನನ್ನ ಮನೆ ನಡೆಯುತ್ತಿದೆ, ಎಂದು ಖ್ಯಾತ ಚಲನಚಿತ್ರ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. ‘ಫಿಲ್ಮಫೇರ್’ ಎಂಬ ಯೂಟ್ಯೂಬ್ ಚಾನೆಲ್‌ ಗೆ ಇತ್ತೀಚೆಗೆ ನೀಡಿದ ಸಂದರ್ಶನವೊಂದರಲ್ಲಿ ರಾಮ್ ಗೋಪಾಲ್ ವರ್ಮಾ ಈ ಮಾತುಗಳನ್ನಾಡಿದರು.

Underworld Money, Bollywood Narratives: A Larger Conspiracy 🎬💰

“I Earn My Living Because of Dawood Ibrahim” – Ram Gopal Varma

RGV claims that his movies Satya and Company were heavily inspired by the real-life underworld, referencing figures like Dawood Ibrahim.

This… pic.twitter.com/cc3iJcFbil

— Sanatan Prabhat (@SanatanPrabhat) April 12, 2026

ಈ ಸಂದರ್ಭದಲ್ಲಿ ಮಾತನಾಡಿದ ರಾಮ್ ಗೋಪಾಲ್ ವರ್ಮಾ, ನಾನು ನನ್ನ ‘ಗನ್ಸ್ ಆಂಡ್ ಥೈಸ್’ ಎಂಬ ಆತ್ಮಚರಿತ್ರೆಯನ್ನು ದಾವುದ್ ಇಬ್ರಾಹಿಂನಿಗೆ ಅರ್ಪಿಸಿದ್ದೆ; ಆದರೆ ಪ್ರಕಾಶಕರು ದಾವುದ್ ಹೆಸರನ್ನು ತೆಗೆದುಹಾಕಿದರು. ಒಂದು ವೇಳೆ ದಾವುದ್ ಇಬ್ರಾಹಿಂ ಇಲ್ಲದಿದ್ದರೆ, ನಾನು ‘ಸತ್ಯಾ’ ಮತ್ತು ‘ಕಂಪನಿ’ಯಂತಹ ಅಮರ ಚಿತ್ರಗಳನ್ನು ನಿರ್ಮಿಸಲು ಸಾಧ್ಯವಾಗುತ್ತಿರಲಿಲ್ಲ. ಹಾಗಿರುವಾಗ ನಾನು ಅವನಿಗೆ ಈ ಪುಸ್ತಕವನ್ನು ಏಕೆ ಅರ್ಪಿಸಬಾರದು? ಅವನಿಂದಲೇ ನನ್ನ ಮನೆ ನಡೆಯುತ್ತಿದೆ. ಅಪರಾಧಿಗಳಿಂದ ಬೆದರಿಕೆ ಕರೆಗಳು ಬಾರದ ಏಕೈಕ ವ್ಯಕ್ತಿ ನಾನಾಗಿದ್ದೆ; ಏಕೆಂದರೆ ಅವರಿಗೆ ‘ಸತ್ಯಾ’ ಮತ್ತು ‘ಕಂಪನಿ’ ಚಿತ್ರಗಳು ತುಂಬಾ ಇಷ್ಟವಾಗಿದ್ದವು. ನನಗೆ ತೊಂದರೆ ಕೊಡುವ ಯಾವುದೇ ಇಚ್ಛೆ ಗೂಂಡಾಗಳಿಗಿಲ್ಲ. ನಾನು ಒಂದು ರೀತಿಯಲ್ಲಿ ಅವರಿಗೆ ಆಪ್ತ ಮಿತ್ರನಾಗಿದ್ದೆ, ಎಂದು ಅವರು ಹೇಳಿದರು.