ಮಣಿಪುರದಲ್ಲಿ ಬಾಂಬ್ ಸ್ಫೋಟ: ಇಬ್ಬರು ಮಕ್ಕಳ ಸಾವು

*ಆಕ್ರೋಶಗೊಂಡ ಸ್ಥಳೀಯರಿಂದ ತೈಲ ಟ್ಯಾಂಕರ್, ಟ್ರಕ್ ಬೆಂಕಿಗಾಹುತಿ; ಪೊಲೀಸ್ ಚೌಕಿ ಧ್ವಂಸ

​ಇಂಫಾಲ (ಮಣಿಪುರ) – ಬಿಷ್ಣುಪುರ್ ಜಿಲ್ಲೆಯ ಮೊಯಿರಾಂಗ್ ಟ್ರೊಂಗ್‌ಲಾಬಿ ಎಂಬಲ್ಲಿ ಕೆಲವು ಭಯೋತ್ಪಾದಕರು ಮನೆಯೊಂದರ ಮೇಲೆ ಎಸೆದ ಬಾಂಬ್ ಸ್ಫೋಟಗೊಂಡು ೫ ವರ್ಷದ ಬಾಲಕ ಮತ್ತು ೬ ತಿಂಗಳ ಹೆಣ್ಣು ಮಗು ಸಾವನ್ನಪ್ಪಿದ್ದಾರೆ, ಹಾಗೂ ಈ ಮಕ್ಕಳ ತಾಯಿ ಗಾಯಗೊಂಡಿದ್ದಾರೆ. ಈ ಘಟನೆಯನ್ನು ಪ್ರತಿಭಟಿಸಿ ಸ್ಥಳೀಯರು ಹಿಂಸಾತ್ಮಕ ಪ್ರತಿಭಟನೆ ನಡೆಸಿದರು. ಪ್ರತಿಭಟನಾಕಾರರು ಒಂದು ಪೆಟ್ರೋಲ್ ಪಂಪ್ ಹತ್ತಿರ ಇದ್ದ ಎರಡು ತೈಲ ಟ್ಯಾಂಕರ್‌ಗಳು ಮತ್ತು ಒಂದು ಟ್ರಕ್‌ಗೆ ಬೆಂಕಿ ಹಚ್ಚಿದರು. ಅಲ್ಲದೆ, ಮೊಯಿರಾಂಗ್ ಪೊಲೀಸ್ ಠಾಣೆಯ ಮುಂದೆ ಟೈರ್ ಸುಟ್ಟರು ಮತ್ತು ಒಂದು ಪೊಲೀಸ್ ಚೌಕಿಯನ್ನು ಧ್ವಂಸಗೊಳಿಸಿದರು. ಪರಿಸ್ಥಿತಿಯನ್ನು ಹತೋಟಿಗೆ ತರುವುದಕ್ಕಾಗಿ ಈ ಪ್ರದೇಶದಲ್ಲಿ ಸದ್ಯ ಭದ್ರತಾ ಪಡೆಗಳನ್ನು ನಿಯೋಜಿಸಲಾಗಿದೆ.