ದೇಶದಲ್ಲಿ ಇಂಧನದ ಸಾಕಷ್ಟು ಸಂಗ್ರಹವಿದೆ, ಲಾಕ್‌ಡೌನ್ ಜಾರಿಯಾಗುವುದಿಲ್ಲ! – ದೇವೇಂದ್ರ ಫಡ್ನವೀಸ್, ಮಹಾರಾಷ್ಟ್ರ ಮುಖ್ಯಮಂತ್ರಿ

ಮುಂಬಯಿ – ನಮ್ಮ ದೇಶದಲ್ಲಿ ಇಂಧನದ ಸಾಕಷ್ಟು ಸಂಗ್ರಹವಿದೆ, ಆದ್ದರಿಂದ ಯಾವುದೇ ಸಂಕಟವಿಲ್ಲ. ದೇಶದಲ್ಲಿ ಸಂಚಾರ ಬಂದ್ (ಲಾಕ್‌ಡೌನ್) ಜಾರಿಯಾಗುವುದಿಲ್ಲ. ಇಂತಹ ವದಂತಿಗಳನ್ನು ಯಾರಾದರೂ ಹರಡುತ್ತಿದ್ದರೆ, ಅವರ ವಿರುದ್ಧ ಕಾನೂನುಬದ್ಧ ಕ್ರಿಮಿನಲ್ ಕ್ರಮ ಕೈಗೊಳ್ಳಲಾಗುವುದು ಎಂದು ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಎಚ್ಚರಿಕೆ ನೀಡಿದ್ದಾರೆ. ‘ದೇಶದಲ್ಲಿ ಇಂಧನದ ಕೊರತೆಯಿದ್ದು, ಶೀಘ್ರದಲ್ಲೇ ಕೊರೊನಾ ಸಾಂಕ್ರಾಮಿಕದಂತೆ ಲಾಕ್‌ಡೌನ್ ಜಾರಿಯಾಗಲಿದೆ’ ಎಂಬ ಸಂದೇಶಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಇದರಿಂದ ಜನರಲ್ಲಿ ಆತಂಕ ನಿರ್ಮಾಣವಾಗಿದೆ. ಈ ಹಿನ್ನೆಲೆಯಲ್ಲಿ ಮುಖ್ಯಮಂತ್ರಿಗಳು ಈ ಮೇಲಿನ ಹೇಳಿಕೆ ನೀಡಿದ್ದಾರೆ.

ಫಡ್ನವೀಸ್ ಅವರು ಮಾತನಾಡಿ, “ಲಾಕ್‌ಡೌನ್ ಜಾರಿಯಾಗುವುದಿಲ್ಲ ಎಂದು ಕೇಂದ್ರ ಸರಕಾರ ಘೋಷಿಸಿದೆ. ಸುಳ್ಳು ವಾಟ್ಸಾಪ್ ಸಂದೇಶಗಳನ್ನು ಹರಡುವುದು ಅಪರಾಧವಾಗಲಿದೆ. ಸರಕಾರವು ಪೆಟ್ರೋಲ್ ಮತ್ತು ಡೀಸೆಲ್ ಮೇಲಿನ ಅಬಕಾರಿ ಸುಂಕವನ್ನು 10 ರೂಪಾಯಿಗಳಷ್ಟು ಕಡಿಮೆ ಮಾಡಿದೆ. ಹೀಗಾಗಿ ಕಚ್ಚಾ ತೈಲದ ಬೆಲೆ ಏರಿಕೆಯ ಹೊರೆಯನ್ನು ಈಗ ತೈಲ ಕಂಪನಿಗಳೇ ಭರಿಸಲಿವೆ. ಪೆಟ್ರೋಲ್ ಮೇಲಿನ ಅಬಕಾರಿ ಸುಂಕವನ್ನು (ಎಕ್ಸೈಸ್ ಡ್ಯೂಟಿ) 13 ರೂಪಾಯಿಯಿಂದ 3 ರೂಪಾಯಿಗೆ, ಹಾಗೂ ಡೀಸೆಲ್ ಮೇಲಿನ ಅಬಕಾರಿ ಸುಂಕವನ್ನು 10 ರೂಪಾಯಿಯಿಂದ ಶೂನ್ಯಕ್ಕೆ ಇಳಿಸಲಾಗಿದೆ,” ಎಂದು ಅವರು ತಿಳಿಸಿದರು.