ಉತ್ತರ ಪ್ರದೇಶದಲ್ಲಿ ಮುಸ್ಲಿಮರನ್ನು ನಕಲಿ ಎನ್‌ಕೌಂಟರ್‌ನಲ್ಲಿ ಕೊಂದರೆ, ಎನ್‌ಕೌಂಟರ್‌ ಮಾಡಿದವರ ಅಂತ ಕೂಡ ಅದೇ ರೀತಿ ಆಗಲಿದೆ!

ಉತ್ತರ ಪ್ರದೇಶ: ಎಐಎಂಐಎಂ ಅಧ್ಯಕ್ಷ ಹಾಜಿ ಶೌಕತ್ ಅಲಿ ಅವರ ವಿವಾದಾತ್ಮಕ ಹೇಳಿಕೆ!

(ಎಐಎಂಐಎಂ ಎಂದರೆ ಆಲ್ ಇಂಡಿಯಾ ಮಜ್ಲಿಸ್-ಎ-ಇತ್ತೆಹಾದುಲ್ ಮುಸ್ಲಿಮೀನ್)

ಮೆರಠ್ (ಉತ್ತರಪ್ರದೇಶ) – ಮೆರಠದಲ್ಲಿ ನಡೆದ ಈದ್ ಮಿಲನ್ ಕಾರ್ಯಕ್ರಮದಲ್ಲಿ ಮಾತನಾಡಿದ ಎಐಎಂಐಎಂ ರಾಜ್ಯಾಧ್ಯಕ್ಷ ಹಾಜಿ ಶೌಕತ್ ಅಲಿ, “ನೀವು ನನಗೆ 111 ಅಲ್ಲ, ಕೇವಲ 11 ಶಾಸಕರನ್ನು ಉತ್ತರ ಪ್ರದೇಶದಿಂದ ಗೆಲ್ಲಿಸಿಕೊಡಿ. ಯುಪಿಯಲ್ಲಿ ಯಾರಾದರೂ ಮುಸ್ಲಿಮರನ್ನು ನಕಲಿ ಎನ್‌ಕೌಂಟರ್‌ನಲ್ಲಿ ಕೊಂದರೆ, ಆ ಎನ್‌ಕೌಂಟರ್ ಮಾಡಿದವರ ಪರಿಸ್ಥಿತಿಯೂ ಹಾಗೆಯೇ ಆಗುವಂತೆ ಮಾಡುತ್ತೇನೆ ಎಂದು ನಾನು ನಿಮಗೆ ಮಾತು ನೀಡುತ್ತೇನೆ,” ಎಂದಿದ್ದಾರೆ.

ಮಸೀದಿ ಮತ್ತು ಮದ್ರಸಾಗಳ ರಕ್ಷಣೆಗೆ ಕರೆ

ತಮ್ಮ ಬೆಂಬಲಿಗರನ್ನು ಉದ್ದೇಶಿಸಿ ಮಾತನಾಡಿದ ಶೌಕತ್ ಅಲಿ, “ಮಸೀದಿ ಮತ್ತು ಮದ್ರಸಾಗಳನ್ನು ರಕ್ಷಿಸಬೇಕಾದರೆ, ನಾವೆಲ್ಲರೂ ‘ಒಂದು ಧ್ವಜ, ಒಂದು ಲಾಠಿ ಮತ್ತು ಒಬ್ಬ ನಾಯಕ’ ಎಂಬ ತತ್ವದಡಿ ಒಗ್ಗೂಡುವುದು ಅತ್ಯಗತ್ಯ. ನಾವು ವಿಧಾನಸಭೆಯವರೆಗೆ ನಮ್ಮ ಧ್ವನಿಯನ್ನು ತಲುಪಿಸಬೇಕಾಗಿದೆ,” ಎಂದು ಕರೆ ನೀಡಿದರು.