Jharkhand Conversion : ಗುಮಲಾ (ಝಾರ್ಖಂಡ) ಇಲ್ಲಿ ಕ್ರೈಸ್ತರ ‘ಚಂಗಾಯಿ ಸಭೆ’ಯ ಪ್ರಸಾರದ ವೇಳೆ ಹಿಂದೂಗಳನ್ನು ಮತಾಂತರಿಸುವ ಹುನ್ನಾರ

 ೫ ಮಹಿಳಾ ಮಿಷನರಿಗಳ ಬಂಧನ

(‘ಚಂಗಾಯಿ ಸಭೆ’ ಎಂದರೆ ಕಾಯಿಲೆ ಇರುವವರಿಗೆ ಪ್ರಾರ್ಥನೆಯ ಮೂಲಕ ಚಿಕಿತ್ಸೆ ನೀಡಿ ಅವರನ್ನು ಗುಣಪಡಿಸುವುದಾಗಿ ಹೇಳಿಕೊಳ್ಳುವ ಸಭೆ)

ಗುಮಲಾ (ಝಾರ್ಖಂಡ) – ಇಲ್ಲಿ ಮಾರ್ಚ್ ೨೦ ರಂದು ಹಿಂದೂಗಳನ್ನು ಕ್ರೈಸ್ತ ಧರ್ಮಕ್ಕೆ ಮತಾಂತರಿಸಲು ಯತ್ನಿಸುತ್ತಿದ್ದ ೫ ಮಹಿಳಾ ಮಿಷನರಿಗಳನ್ನು ಛರ್ದಾ ರಸ್ತೆ ಪ್ರದೇಶದಿಂದ ಬಂಧಿಸಲಾಗಿದೆ. ಅವರು ಮನೆಮನೆಗೆ ತೆರಳಿ ಜನರನ್ನು ‘ಚಂಗಾಯಿ ಸಭೆ’ಯಲ್ಲಿ ಪಾಲ್ಗೊಳ್ಳುವಂತೆ ಪ್ರೇರೇಪಿಸುತ್ತಿದ್ದರು.

೧. ಪುಗ್ಗು ಮತ್ತು ಸುತ್ತಮುತ್ತಲಿನ ಪ್ರದೇಶಗಳ ರೌಮಿಲಾ ಮಿಂಜ್, ಕಿರಣ್ ಕುಜೂರ್, ಶಕಿರಾ ತಿರ್ಕಿ, ಸುಶೀಲಾದೇವಿ ಮತ್ತು ಇಂದುದೇವಿ ಎಂಬ ೫ ಮಹಿಳೆಯರು ಸಿಸೈಯ ಕುಮ್ಹಾರ್ ಮೋಡ್ ಪ್ರದೇಶದ ಮನೆಗಳಲ್ಲಿ ಚಂಗಾಯಿ ಸಭೆಯ ಕರಪತ್ರಗಳನ್ನು ಹಂಚುತ್ತಿದ್ದರು. ಆ ಸಮಯದಲ್ಲಿ ಅವರು ‘ಕಾಯಿಲೆಗಳಿಂದ ಮುಕ್ತಿ, ಉತ್ತಮ ಆರೋಗ್ಯ ಮತ್ತು ಪವಾಡದ ಲಾಭಗಳು ದೊರೆಯಲಿವೆ’ ಎಂದು ಹೇಳಿ ಜನರನ್ನು ಸಭೆಗೆ ಬರುವಂತೆ ಆಹ್ವಾನಿಸುತ್ತಿದ್ದರು.

೨. ಸ್ಥಳೀಯರಲ್ಲಿ ಕೆಲವರಿಗೆ ಅವರ ಉದ್ದೇಶ ತಿಳಿದುಬಂದ ಕೂಡಲೇ ಅವರು ಹಿಂದೂ ಸಂಘಟನೆಗಳಿಗೆ ಈ ಬಗ್ಗೆ ಮಾಹಿತಿ ನೀಡಿದರು. ಛರ್ದಾ ರಸ್ತೆಯ ಆನಂದ್ ಸಾಹು ಅವರು ಮಿಷನರಿ ಮಹಿಳೆಯರು ತಮ್ಮ ಮನೆಗೆ ಬಂದು ಹಿಂದೂ ದೇವತೆಗಳ ಬಗ್ಗೆ ಆಕ್ಷೇಪಾರ್ಹ ಹೇಳಿಕೆ ನೀಡಿದ್ದಾರೆ ಮತ್ತು ಹಿಂದೂ ಪರಂಪರೆ ಹಾಗೂ ಧರ್ಮವನ್ನು ಬಿಡುವಂತೆ ಒತ್ತಡ ಹೇರಿದ್ದಾರೆ ಎಂದು ಆರೋಪಿಸಿದ್ದಾರೆ.

೩. ಘಟನೆಯ ಮಾಹಿತಿ ತಿಳಿಯುತ್ತಿದ್ದಂತೆಯೇ ವಿಶ್ವ ಹಿಂದೂ ಪರಿಷತ್ತು, ಬಜರಂಗ ದಳ ಮತ್ತು ಇತರ ಸಂಘಟನೆಗಳ ಕಾರ್ಯಕರ್ತರು ಸ್ಥಳಕ್ಕೆ ಆಗಮಿಸಿ ಈ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದರು. ಪರಿಸ್ಥಿತಿಯನ್ನು ಗಮನಿಸಿದ ಸಿಸೈ ಪೊಲೀಸ್ ಠಾಣೆಯ ತಂಡವು ಮಹಿಳಾ ಮಿಷನರಿಗಳನ್ನು ಜನಸಮೂಹದಿಂದ ಸುರಕ್ಷಿತವಾಗಿ ಹೊರತಂದು ಪೊಲೀಸ್ ಠಾಣೆಗೆ ಕರೆದೊಯ್ದರು.