ಅಮೃತಸರ (ಪಂಜಾಬ್): ಐಎಸ್‌ಐನಿಂದ ಶಸ್ತ್ರಾಸ್ತ್ರ ಕಳ್ಳಸಾಗಾಣಿಕೆ: ಇಬ್ಬರು ಭಯೋತ್ಪಾದಕರ ಬಂಧನ, ಭಾರೀ ಆಯುಧಗಳ ಜಪ್ತಿ Arms Smuggling ISI

(ಐ.ಎಸ್.ಐ. – ಇಂಟರ್ ಸರ್ವಿಸ್ ಇಂಟೆಲಿಜೆನ್ಸ್ ಎಂಬುದು ಪಾಕಿಸ್ತಾನದ ಗುಪ್ತಚರ ಸಂಸ್ಥೆಯಾಗಿದೆ.)

ಅಮೃತಸರ (ಪಂಜಾಬ್): ಇಲ್ಲಿನ ಗ್ರಾಮಾಂತರ ಪೊಲೀಸರು ಮಾರ್ಚ್ 14 ರಂದು ಐಎಸ್‌ಐ ಪ್ರಾಯೋಜಿತ ಶಸ್ತ್ರಾಸ್ತ್ರ ಕಳ್ಳಸಾಗಾಣಿಕೆ ಜಾಲವನ್ನು ಪತ್ತೆಹಚ್ಚಿದ್ದಾರೆ. ಗಡಿಯಾಚೆಯಿಂದ ಶಸ್ತ್ರಾಸ್ತ್ರಗಳನ್ನು ತರುತ್ತಿದ್ದ ಇಬ್ಬರು ಭಯೋತ್ಪಾದಕರನ್ನು ಪೊಲೀಸರು ಬಂಧಿಸಿದ್ದು, ಒಂದು ಎಕೆ-47 ರೈಫಲ್, ಎರಡು ಮ್ಯಾಗಜೀನ್, 36 ಸಜೀವ ಗುಂಡುಗಳು ಮತ್ತು ಮೂರು ಅತ್ಯಾಧುನಿಕ ಪಿಸ್ತೂಲುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಬಂಧಿತರನ್ನು ಅಟ್ಟಾರಿಯ ಗುರುಸೇವಕ್ ಸಿಂಗ್ ಅಲಿಯಾಸ್ ಸೂರಜ್ ಮತ್ತು ಛೇಹರ್ಟಾದ ಅಮರಜೀತ್ ಸಿಂಗ್ ಅಲಿಯಾಸ್ ರೋಹಿತ್ ಎಂದು ಗುರುತಿಸಲಾಗಿದೆ. ನ್ಯಾಯಾಲಯವು ಇಬ್ಬರು ಭಯೋತ್ಪಾದಕರನ್ನು ಮುಂದಿನ ವಿಚಾರಣೆಗಾಗಿ 5 ದಿನಗಳ ಪೊಲೀಸ್ ಕಸ್ಟಡಿಗೆ ಒಪ್ಪಿಸಿದೆ.

ಪಂಜಾಬ್ ಪೊಲೀಸ್ ಮಹಾನಿರ್ದೇಶಕ (DGP) ಗೌರವ್ ಯಾದವ್ ಅವರು, ಬಂಧಿತ ಭಯೋತ್ಪಾದಕರು ಸಾಮಾಜಿಕ ಮಾಧ್ಯಮಗಳ ಮೂಲಕ ವಿದೇಶಿ ಹ್ಯಾಂಡ್ಲರ್‌ಗಳ ಸಂಪರ್ಕದಲ್ಲಿದ್ದರು ಎಂದು ತಿಳಿಸಿದ್ದಾರೆ. ಪ್ರಾಥಮಿಕ ತನಿಖೆಯಲ್ಲಿ ಇವರು ಯುವಕರಲ್ಲಿ ಮತಾಂಧತೆ ಹರಡುವುದರ ಜೊತೆಗೆ ಭಾರತ ಮತ್ತು ಪೊಲೀಸರ ವಿರುದ್ಧ ಅಪಪ್ರಚಾರ ಮಾಡುತ್ತಿದ್ದರು ಎಂಬುದು ಬೆಳಕಿಗೆ ಬಂದಿದೆ.

ISI Hand Behind Khalistani Terror Plot Exposed! 🚨🇮🇳

2 terrorists have been taken into custody in Amritsar (Punjab) along with a large cache of weapons. 🔫

Investigations reveal that this weapon smuggling operation was backed by Pakistan’s ISI, once again exposing its role in… pic.twitter.com/npdzWxL1XZ

— Sanatan Prabhat (@SanatanPrabhat) March 17, 2026

ಪೊಲೀಸ್ ಪೇದೆಯ ಹತ್ಯೆಗೆ ಸಂಚು!

ಅಮೃತಸರ ಗ್ರಾಮಾಂತರ ಹಿರಿಯ ಪೊಲೀಸ್ ಅಧೀಕ್ಷಕ (SSP) ಸೋಹೈಲ್ ಮೀರ್ ಅವರ ಮಾಹಿತಿಯ ಪ್ರಕಾರ, ಪೊಲೀಸ್ ಸಿಬ್ಬಂದಿಯೊಬ್ಬರ ಹತ್ಯೆಯ ಸಂಚಿನ ಬಗ್ಗೆ ಖಚಿತ ಮಾಹಿತಿ ಲಭಿಸಿದ ನಂತರ ಮಹವಾ ಗ್ರಾಮದಲ್ಲಿ ದಾಳಿ ನಡೆಸಿ ಈ ಕ್ರಮ ಕೈಗೊಳ್ಳಲಾಗಿದೆ. ಪಾಕಿಸ್ತಾನಿ ಡ್ರೋನ್ ಮೂಲಕ ಭಾರತೀಯ ಗಡಿಯೊಳಗೆ ಮುಹಾವಾ ಗ್ರಾಮದ ಬಳಿ ನೀಲಿ ಬಣ್ಣದ ಸೂಟ್‌ಕೇಸ್‌ನಲ್ಲಿ ಶಸ್ತ್ರಾಸ್ತ್ರಗಳನ್ನು ಎಸೆಯಲಾಗಿತ್ತು. ಈ ಶಸ್ತ್ರಾಸ್ತ್ರಗಳನ್ನು ಗುರುದಾಸಪುರಕ್ಕೆ ಕೊಂಡೊಯ್ದು ಪೊಲೀಸ್ ಸಿಬ್ಬಂದಿಯೊಬ್ಬರನ್ನು ಹತ್ಯೆ ಮಾಡುವುದು ಭಯೋತ್ಪಾದಕರ ಉದ್ದೇಶವಾಗಿತ್ತು.

ಈ ಹಿಂದೆ ಫೆಬ್ರವರಿ 2026 ರಲ್ಲಿ, ಪಾಕಿಸ್ತಾನದ ಗಡಿಯಿಂದ ಕೇವಲ ಒಂದು ಕಿಲೋಮೀಟರ್ ದೂರದಲ್ಲಿರುವ ಅಧಿಯಾನ್ ಗ್ರಾಮದಲ್ಲಿ ಇಬ್ಬರು ಪೊಲೀಸ್ ಸಿಬ್ಬಂದಿಯನ್ನು ಐಎಸ್‌ಐ ನೇಮಿಸಿದ ಮೂವರು ಯುವಕರು ಹತ್ಯೆ ಮಾಡಿರುವುದು ಬಹಿರಂಗವಾಗಿತ್ತು.