ಪೆರು ದೇಶದಲ್ಲಿ ೧೦ ಸಾವಿರ ಜನರಿಂದ ಸಾಮೂಹಿಕವಾಗಿ ಕ್ರೈಸ್ತ ಧರ್ಮ ಸ್ವೀಕಾರ!

೯೦ ಸಾವಿರ ಜನರ ಉಪಸ್ಥಿತಿ, ೨ ಸಾವಿರದ ೩೦೦ ಚರ್ಚ್‌ಗಳ ಸಹಭಾಗ !

ಲಿಮಾ (ಪೆರು) – ಅಮೆರಿಕದ ಕ್ರೈಸ್ತ ಧರ್ಮಪ್ರಚಾರಕ ಫ್ರಾಂಕ್ಲಿನ್ ಗ್ರಹಾಂ ಅವರ ನೇತೃತ್ವದಲ್ಲಿ ಇಲ್ಲಿ ನಡೆದ ಬೃಹತ್ ‘ಇವಾಂಜೆಲಿಕಲ್’ ಕಾರ್ಯಕ್ರಮದಲ್ಲಿ ೯೦ ಸಾವಿರಕ್ಕೂ ಹೆಚ್ಚು ಜನರು ಭಾಗವಹಿಸಿದ್ದರು. ಇವರಲ್ಲಿ ಬರೋಬ್ಬರಿ ೧೦ ಸಾವಿರ ಜನರು ಸಾರ್ವಜನಿಕವಾಗಿ ಕ್ರೈಸ್ತ ಧರ್ಮವನ್ನು ಸ್ವೀಕರಿಸಿದರು. ಇವರಲ್ಲಿ ಬಹುತೇಕರು ೧೦ ರಿಂದ ೨೫ ವರ್ಷ ವಯಸ್ಸಿನ ಯುವಕರಾಗಿದ್ದರು. ‘ಬಿಲ್ಲಿ ಗ್ರಹಾಂ ಇವಾಂಜೆಲಿಸ್ಟಿಕ್ ಅಸೋಸಿಯೇಷನ್’ ಎಂಬ ಕ್ರೈಸ್ತ ಸಂಸ್ಥೆಯು ಈ ದಾವೆಯನ್ನು ಮಾಡಿದೆ. ಸಂಸ್ಥೆಯ ಜಾಲತಾಣದಲ್ಲಿ (ವೆಬ್‌ಸೈಟ್) ಈ ಕಾರ್ಯಕ್ರಮದ ಛಾಯಾಚಿತ್ರಗಳನ್ನು ಪ್ರಕಟಿಸಲಾಗಿದೆ. ಲಿಮಾದ ‘ನ್ಯಾಷನಲ್ ಸ್ಟೇಡಿಯಂ’ನಲ್ಲಿ ಆಯೋಜಿಸಲಾಗಿದ್ದ ಈ ೨ ದಿನಗಳ ಮೇಳದಲ್ಲಿ ಬರೋಬ್ಬರಿ ೨ ಸಾವಿರದ ೩೦೦ ಚರ್ಚ್‌ಗಳು ಪಾಲ್ಗೊಂಡಿದ್ದವು. ಈ ಜನರು ಮೂಲತಃ ಯಾವ ಧರ್ಮಕ್ಕೆ ಸೇರಿದವರು ಎಂಬುದು ತಿಳಿದುಬಂದಿಲ್ಲ.