ನಾಟಕದ ಎಲ್ಲಾ ಪ್ರದರ್ಶನಗಳನ್ನು ತಕ್ಷಣವೇ ನಿಷೇಧಿಸದಿದ್ದರೆ ರಾಜ್ಯಾದ್ಯಂತ ತೀವ್ರ ಆಂದೋಲನ ನಡೆಸಲಾಗುವುದು! – ರಾಷ್ಟ್ರೀಯ ವಾರಕರಿ ಪರಿಷತ್ Itthala Play Ban

ವಾರಕರಿ ಸಂಪ್ರದಾಯ ಮತ್ತು ಶ್ರೀ ವಿಠ್ಠಲನಿಗೆ ಅವಮಾನ: ‘ಈಠ್ಠಲ’ ನಾಟಕದ ವಿರುದ್ಧ ರತ್ನಗಿರಿ ಉಸ್ತುವಾರಿ ಸಚಿವರಿಗೆ ಮನವಿ!

ಮುಂಬಯಿ – ಇಲ್ಲಿನ ಕೈಗಾರಿಕಾ ಸಚಿವ ಮತ್ತು ರತ್ನಗಿರಿ ಜಿಲ್ಲಾ ಉಸ್ತುವಾರಿ ಸಚಿವ ಉದಯ ಸಾಮಂತ್ ಅವರನ್ನು ಭೇಟಿ ಮಾಡಿದ ರಾಷ್ಟ್ರೀಯ ವಾರಕರಿ ಪರಿಷತ್ತಿನ ಕಾರ್ಯಾಧ್ಯಕ್ಷರಾದ ಹ.ಭ.ಪ. ಬಾಪು ರಾವ್ಕರ್ ಅವರು ‘ಈಠ್ಠಲ’ ನಾಟಕದ ವಿರುದ್ಧ ಮನವಿ ಸಲ್ಲಿಸಿದರು. “ನಾಟಕದಲ್ಲಿ ವಾರಕರಿ ಸಂಪ್ರದಾಯ, ಸಂತ ಪರಂಪರೆ ಮತ್ತು ಶ್ರೀ ವಿಠ್ಠಲನಿಗೆ ಅವಮಾನ ಮಾಡಲಾಗಿದ್ದು, ಭಕ್ತರ ಧಾರ್ಮಿಕ ಭಾವನೆಗಳಿಗೆ ನೋವುಂಟು ಮಾಡಲಾಗಿದೆ. ಈ ನಾಟಕದಿಂದಾಗಿ ಇಡೀ ಮಹಾರಾಷ್ಟ್ರ ಸಂಘರ್ಷಕ್ಕೆ ಸಾಕ್ಷಿಯಾಗಬಹುದು. ಆದ್ದರಿಂದ ‘ಈಠ್ಠಲ’ ನಾಟಕದ ಎಲ್ಲಾ ಪ್ರದರ್ಶನಗಳನ್ನು ತಕ್ಷಣವೇ ನಿಷೇಧಿಸಬೇಕು,” ಎಂದು ಮನವಿಯಲ್ಲಿ ಒತ್ತಾಯಿಸಲಾಗಿದೆ. “ಮನವಿಯನ್ನು ಪರಿಗಣಿಸಿ ಸೂಕ್ತ ಕ್ರಮ ಕೈಗೊಳ್ಳದಿದ್ದರೆ ರಾಜ್ಯಾದ್ಯಂತ ತೀವ್ರ ಹೋರಾಟ ಮಾಡಲಾಗುವುದು,” ಎಂದು ಎಚ್ಚರಿಕೆ ನೀಡಲಾಗಿದೆ.
ರತ್ನಗಿರಿಯಲ್ಲಿ ನಡೆದ 64ನೇ ‘ಮಹಾರಾಷ್ಟ್ರ ರಾಜ್ಯ ಹವ್ಯಾಸಿ ಮರಾಠಿ ನಾಟಕ ಸ್ಪರ್ಧೆ’ಯಲ್ಲಿ ಪ್ರದರ್ಶನಗೊಂಡ ಈ ನಾಟಕದ ವಿರುದ್ಧ ವಾರಕರಿ ಸಂಪ್ರದಾಯ ಮತ್ತು ಹಿಂದೂ ಸಂಘಟನೆಗಳು ತೀವ್ರ ಆಕ್ಷೇಪ ವ್ಯಕ್ತಪಡಿಸಿವೆ.

ನಾಟಕದಲ್ಲಿ ಮಾಡಲಾದ ಅವಮಾನ!

ವಿಠ್ಠಲ ಭಕ್ತ ದಂಪತಿಗಳಾದ ತುಕಾ ಮತ್ತು ಜನಾಯಿ ಅವರು ಕೇವಲ ಹಣ ಮತ್ತು ಒಡವೆಗಳ ಆಸೆಗಾಗಿ 9 ವ್ಯಾಪಾರಿಗಳೊಂದಿಗೆ ತಮ್ಮ ಸ್ವಂತ ಮಗನನ್ನೇ ಕೊಲೆ ಮಾಡುವುದನ್ನು ನಾಟಕದಲ್ಲಿ ತೋರಿಸಲಾಗಿದೆ. ಇದು ವಾರಕರಿ ತತ್ವಶಾಸ್ತ್ರಕ್ಕೆ (ಅಹಿಂಸೆ ಮತ್ತು ಭಕ್ತಿ) ಸಂಪೂರ್ಣ ವಿರುದ್ಧವಾಗಿದೆ. ಪಾತ್ರಗಳಿಗೆ ಜಗದ್ಗುರು ತುಕಾರಾಂ ಮಹಾರಾಜ, ಸಂತ ನಾಮದೇವ ಮತ್ತು ಸಂತ ಜನಾಯಿ ಅವರ ಹೆಸರುಗಳನ್ನು ಇಡುವ ಮೂಲಕ ಅವರ ವ್ಯಕ್ತಿತ್ವಕ್ಕೆ ಮಸಿ ಬಳಿಯುವ ಪ್ರಯತ್ನ ಮಾಡಲಾಗಿದೆ. ಈ ನಾಟಕವು 400 ವರ್ಷಗಳ ಹಿಂದಿನ ನೈಜ ಘಟನೆಯನ್ನು ಆಧರಿಸಿದೆ ಎಂದು ಹೇಳಲಾಗಿದ್ದರೂ, ಅದಕ್ಕೆ ಯಾವುದೇ ಬಲವಾದ ಆಧಾರ ಅಥವಾ ಸಂದರ್ಭಗಳು ಲಭ್ಯವಿಲ್ಲ.

ಮನವಿಯಲ್ಲಿನ ಪ್ರಮುಖ ಬೇಡಿಕೆಗಳು,

1. ಈ ನಾಟಕಕ್ಕೆ ನೀಡಲಾದ ಸ್ಥಾನ ಅಥವಾ ಪ್ರೋತ್ಸಾಹಕ ಪ್ರಶಸ್ತಿಯನ್ನು ರದ್ದುಗೊಳಿಸಬೇಕು ಮತ್ತು ಅದನ್ನು ಸ್ಪರ್ಧೆಯಿಂದ ಹೊರಗಿಡಬೇಕು.

2. ‘ಭಾರತೀಯ ದಂಡ ಸಂಹಿತೆ’ ಕಲಂ 295-ಎ ಮತ್ತು 153-ಎ ಅಡಿಯಲ್ಲಿ ಧಾರ್ಮಿಕ ದ್ವೇಷವನ್ನು ಹರಡಿದ ಕಾರಣಕ್ಕಾಗಿ ಸಂಬಂಧಪಟ್ಟವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು.

3. ಹಿಂದೂ ಧರ್ಮ, ಸಂತರು ಮತ್ತು ರಾಷ್ಟ್ರಪುರುಷರ ವಿಡಂಬನೆಯಾಗದಂತೆ ತಡೆಯಲು ಸರಕಾರವು ಕಟ್ಟುನಿಟ್ಟಾದ ನಿಯಮಾವಳಿಗಳನ್ನು ಘೋಷಿಸಬೇಕು.