ಕಳೆದ 20 ವರ್ಷಗಳಲ್ಲಿ ವಿಚ್ಛೇದನಗಳ ಪ್ರಮಾಣದಲ್ಲಿ ಹೆಚ್ಚಳ!

ನವದೆಹಲಿ – ಭಾರತದಲ್ಲಿ ಕಳೆದ 20 ವರ್ಷಗಳಲ್ಲಿ ವಿಚ್ಛೇದನ ಪಡೆಯುವ ಪ್ರಮಾಣದಲ್ಲಿ ಏರಿಕೆಯಾಗಿದೆ. 20 ವರ್ಷಗಳ ಹಿಂದೆ ದೇಶದಲ್ಲಿ ಶೇ. 0.6 ರಷ್ಟು ಮಹಿಳೆಯರು ವಿಚ್ಛೇದನ ಪಡೆದಿದ್ದರು, ಈಗ ಈ ಪ್ರಮಾಣ ಶೇ. 1 ಕ್ಕೆ ತಲುಪಿದೆ. ‘ನ್ಯಾಷನಲ್ ಫ್ಯಾಮಿಲಿ ಹೆಲ್ತ್ ಸರ್ವೆ’ ವರದಿಯಿಂದ ಈ ಅಂಕಿಅಂಶಗಳು ಹೊರಬಂದಿವೆ. 1986-87 ರ ಪ್ರಕಾರ, ವಿಚ್ಛೇದನದ 849 ಪ್ರಕರಣಗಳ ಪೈಕಿ 570 ಪ್ರಕರಣಗಳಲ್ಲಿ ಪತಿಗಳೇ ವಿಚ್ಛೇದನಕ್ಕೆ ಬೇಡಿಕೆ ಇಟ್ಟಿದ್ದರು. ಇದು ಶೇ. 67 ರಷ್ಟಿತ್ತು; ಆದರೆ ಈಗ ಸುಮಾರು ಶೇ. 58 ರಷ್ಟು ಮಹಿಳೆಯರು ವಿಚ್ಛೇದನಕ್ಕಾಗಿ ಮುಂದೆ ಬರುತ್ತಿದ್ದಾರೆ. ಅಂದರೆ ಪುರುಷರು ವಿಚ್ಛೇದನ ಕೋರುವ ಪ್ರಮಾಣ ಶೇ. 67 ರಿಂದ ಶೇ. 42 ಕ್ಕೆ ಇಳಿಕೆಯಾಗಿದೆ.

1. ಮುಂಬಯಿ ಕೌಟುಂಬಿಕ ನ್ಯಾಯಾಲಯದ ಅಧ್ಯಯನದ ಪ್ರಕಾರ, ಶೇ. 40 ರಷ್ಟು ಪ್ರಕರಣಗಳಲ್ಲಿ ಮದುವೆಯಾದ 3 ವರ್ಷಗಳಲ್ಲೇ ಸಂಬಂಧಗಳು ಹದಗೆಡುತ್ತಿವೆ. ವಿಚ್ಛೇದನ ಕೋರುವ ಮಹಿಳೆಯರು 25 ರಿಂದ 34 ವರ್ಷ ವಯಸ್ಸಿನವರಾಗಿದ್ದಾರೆ.

2. ಮಹಾರಾಷ್ಟ್ರದಲ್ಲಿ ಶೇ. 18.7, ಕರ್ನಾಟಕದಲ್ಲಿ ಶೇ. 11.7, ಬಂಗಾಳದಲ್ಲಿ ಶೇ. 8.2, ದೆಹಲಿಯಲ್ಲಿ ಶೇ. 7.7, ತಮಿಳುನಾಡಿನಲ್ಲಿ ಶೇ. 7.1, ತೆಲಂಗಾಣದಲ್ಲಿ ಶೇ. 6.7 ಮತ್ತು ರಾಜಸ್ಥಾನದಲ್ಲಿ ಶೇ. 2.5 ರಷ್ಟು ವಿಚ್ಛೇದನದ ಪ್ರಮಾಣವಿದೆ.

3. ‘ಎಡ್ಜುಆ ಲೀಗಲ್ಸ್ ಗೂಗಲ್ ಅನಾಲಿಟಿಕ್ಸ್ 2025’ ರ ವರದಿಯ ಪ್ರಕಾರ ಲಕ್ಷಣಪುರಿ, ದೆಹಲಿ, ಮುಂಬಯಿ, ಕೋಲಕಾತಾ, ಹೈದರಾಬಾದ್ ಮತ್ತು ಬೆಂಗಳೂರು ನಗರಗಳಲ್ಲಿ ಕಳೆದ 3 ವರ್ಷಗಳಲ್ಲಿ ವಿಚ್ಛೇದನ ಪ್ರಕರಣಗಳು 3 ಪಟ್ಟು ಹೆಚ್ಚಾಗಿವೆ.