ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > ಆಸ್ಟ್ರೇಲಿಯಾದಿಂದ ಇರಾನ್ ರಾಯಭಾರಿಗೆ ೭ ದಿನಗಳೊಳಗೆ ದೇಶ ತೊರೆಯಲು ಆದೇಶ! Australia Expelled Iranian Ambassador

ಆಸ್ಟ್ರೇಲಿಯಾದಿಂದ ಇರಾನ್ ರಾಯಭಾರಿಗೆ ೭ ದಿನಗಳೊಳಗೆ ದೇಶ ತೊರೆಯಲು ಆದೇಶ! Australia Expelled Iranian Ambassador

  • ಇರಾನ್‌ನ ‘ಐ.ಆರ್.ಜಿ.ಸಿ.’ ಅನ್ನು ‘ಭಯೋತ್ಪಾದಕ ಸಂಘಟನೆ’ ಎಂದು ಘೋಷಣೆ!

  • ಆಸ್ಟ್ರೇಲಿಯಾದಲ್ಲಿರುವ ಯಹೂದಿ ಸಮುದಾಯದ ಮೇಲೆ ‘ಐ.ಆರ್.ಜಿ.ಸಿ.’ ದಾಳಿ ನಡೆಸಲು ಸಿದ್ಧತೆ ನಡೆಸಿತ್ತು!

ಸಿಡ್ನಿ (ಆಸ್ಟ್ರೇಲಿಯಾ) – ಆಸ್ಟ್ರೇಲಿಯಾ ಸರಕಾರವು ಇರಾನ್‌ನ ರಾಯಭಾರಿಗೆ ೭ ದಿನಗಳ ಒಳಗೆ ದೇಶವನ್ನು ತೊರೆಯಲು ಆದೇಶಿಸಿದೆ. ಜೊತೆಗೆ, ಇರಾನ್‌ನ ಸೈನ್ಯದ ಅಂಗವಾಗಿರುವ ‘ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್’ (ಐ.ಆರ್.ಜಿ.ಸಿ.) ಅನ್ನು ‘ಭಯೋತ್ಪಾದಕ ಸಂಘಟನೆ’ ಎಂದು ಘೋಷಿಸಿದೆ.

ದ್ವಿತೀಯ ಮಹಾಯುದ್ಧದ ನಂತರ ಆಸ್ಟ್ರೇಲಿಯಾವು ಯಾವುದೇ ದೇಶದ ರಾಯಭಾರಿಯನ್ನು ದೇಶದಿಂದ ಹೊರಹಾಕಿದ್ದು ಇದು ಮೊದಲ ಬಾರಿಗೆ. ಆಸ್ಟ್ರೇಲಿಯಾದ ಗುಪ್ತಚರ ಸಂಸ್ಥೆಗಳು ತಿಳಿಸಿರುವಂತೆ, ‘ಐ.ಆರ್.ಜಿ.ಸಿ.’ ಆಸ್ಟ್ರೇಲಿಯಾದಲ್ಲಿರುವ ಯಹೂದಿ ಸಮುದಾಯದ ಮೇಲೆ ದಾಳಿ ಮಾಡಲು ಸಂಚು ರೂಪಿಸಿತ್ತು. ಈ ಹಿನ್ನೆಲೆಯಲ್ಲಿ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ.

೧. ಅಕ್ಟೋಬರ್ ೨೦೨೪ ರಲ್ಲಿ ಸಿಡ್ನಿಯ ‘ಲೂಯಿಸ್ ಕಾಂಟಿನೆಂಟಲ್ ಕಿಚನ್’ ಮೇಲೆ ದಾಳಿ ನಡೆದಿತ್ತು ಮತ್ತು ಡಿಸೆಂಬರ್ ೨೦೨೪ ರಲ್ಲಿ ಮೆಲ್ಬೋರ್ನ್‌ನ ಅದಾಸ್ ಇಸ್ರೇಲ್ ಸಿನಗಾಗ್ (ಪ್ರಾರ್ಥನಾ ಮಂದಿರ) ಮೇಲೆ ದಾಳಿ ನಡೆದಿತ್ತು. ಈ ಎರಡೂ ಘಟನೆಗಳು ಸಂಘಟಿತ ಭಯೋತ್ಪಾದಕ ದಾಳಿಗಳೆಂದು ಆಸ್ಟ್ರೇಲಿಯಾ ಹೇಳಿದೆ. ಗುಪ್ತಚರ ವರದಿಯ ನಂತರ ‘ಐ.ಆರ್.ಜಿ.ಸಿ.’ ಅನ್ನು ಭಯೋತ್ಪಾದಕ ಸಂಘಟನೆ ಎಂದು ಘೋಷಿಸಲಾಯಿತು.

೨. ಈ ನಿರ್ಧಾರವು ಅಮೆರಿಕಾ ಮತ್ತು ಯುರೋಪ್‌ನ ನೀತಿಗಳಿಗೆ ಅನುಗುಣವಾಗಿದೆ; ಏಕೆಂದರೆ ಅಮೆರಿಕಾ ಈಗಾಗಲೇ ‘ಐ.ಆರ್.ಜಿ.ಸಿ.’ ಅನ್ನು ‘ವಿದೇಶಿ ಭಯೋತ್ಪಾದಕ ಸಂಘಟನೆ’ ಎಂದು ಘೋಷಿಸಿದೆ.

ಸಂಬಂಧಿತ ಲೇಖನಗಳು