ಭಾರತೀಯ ಮಹಿಳೆಯೊಂದಿಗೆ ದುರ್ವರ್ತನೆ ಮಾಡಿದ್ದನ್ನು ನಿರಾಕರಿಸಿದ ಚೀನಾ China Detains Indian Women

ಭಾರತೀಯ ಮಹಿಳೆಯನ್ನು ಚೀನಾದ ಶಾಂಗೈ ವಿಮಾನ ನಿಲ್ದಾಣದಲ್ಲಿ 18 ಗಂಟೆಗಳ ಕಾಲ ತಡೆದ ಪ್ರಕರಣ

ಬೀಜಿಂಗ (ಚೀನಾ) – ಅರುಣಾಚಲ ಪ್ರದೇಶದಲ್ಲಿ ಜನಿಸಿದ ಭಾರತೀಯ ಮಹಿಳೆ ಪೆಮಾ ವಾಂಗ್ ಥೊಂಗಡೊಕ್ ಅವರೊಂದಿಗೆ ಶಾಂಗೈ ವಿಮಾನ ನಿಲ್ದಾಣದಲ್ಲಿ ದುರ್ವರ್ತನೆ ಮಾಡಿರುವ ಎಲ್ಲಾ ಆರೋಪಗಳನ್ನು ಚೀನಾ ತಳ್ಳಿಹಾಕಿದೆ. ಚೀನಾದ ವಿದೇಶಾಂಗ ಸಚಿವಾಲಯದ ವಕ್ತಾರೆ ಮಾವೋ ನಿಂಗ್ ಅವರು ಈ ಬಗ್ಗೆ ಮಾತನಾಡಿ, ಭಾರತೀಯ ಮಹಿಳೆಯೊಂದಿಗೆ ಯಾವುದೇ ರೀತಿಯ ಬಲವಂತ, ವಶಕ್ಕೆ ತೆಗೆದುಕೊಳ್ಳುವಿಕೆ ಅಥವಾ ಕಿರುಕುಳ ನೀಡುವಂತಹ ವರ್ತನೆ ನಡೆದಿಲ್ಲ. ನಾವು ಮಹಿಳೆಗೆ ಆರಾಮ, ನೀರು ಮತ್ತು ಊಟದ ಸೌಲಭ್ಯವನ್ನೂ ಒದಗಿಸಿದ್ದೇವೆ ಎಂದು ಹೇಳಿದ್ದಾರೆ. (ಹಾಗಿದ್ದರೆ, ಭಾರತೀಯ ಮಹಿಳೆಯನ್ನು ವಿಮಾನ ನಿಲ್ದಾಣದಲ್ಲಿ 18 ಗಂಟೆಗಳ ಕಾಲ ಏಕೆ ತಡೆಹಿಡಿಯಲಾಯಿತು ಎಂದು ಚೀನಾವನ್ನು ಪ್ರಶ್ನಿಸಬೇಕು! – ಸಂಪಾದಕರು)

🇨🇳 China now denies mistreatment of an Indian woman from Arunachal Pradesh.

To teach the expansionist Chinese 🐲 a lesson, its true face must be exposed before the world.

🇮🇳 India must prepare firmly – diplomatically, politically & strategicallypic.twitter.com/5pX3ujQPLP https://t.co/O03P1RJMqQ

— Sanatan Prabhat (@SanatanPrabhat) November 26, 2025

ಚೀನಾದ ಈ ಹೇಳಿಕೆಗೆ ಪ್ರತಿಕ್ರಿಯಿಸಿದ ಭಾರತೀಯ ವಿದೇಶಾಂಗ ಸಚಿವಾಲಯದ ವಕ್ತಾರ ರಣಧೀರ ಜೈಸ್ವಾಲ್ ಅವರು, ಅರುಣಾಚಲ ಪ್ರದೇಶವು ಭಾರತದ ಅವಿಭಾಜ್ಯ ಅಂಗವಾಗಿದೆ. ಚೀನಾ ಎಷ್ಟೇ ನಿರಾಕರಿಸಿದರೂ ಸತ್ಯವನ್ನು ಬದಲಾಯಿಸಲು ಸಾಧ್ಯವಿಲ್ಲ. ನಾವು ಪೆಮಾ ಅವರ ಬಂಧನದ ವಿಷಯವನ್ನು ಚೀನಾದ ಮುಂದೆ ಕಠಿಣ ಶಬ್ದಗಳಲ್ಲಿ ಪ್ರಸ್ತಾಪಿಸಿದ್ದೇವೆ. ಮಹಿಳೆಯನ್ನು ಏಕೆ ತಡೆಹಿಡಿಯಲಾಯಿತು ಎಂದು ಚೀನೀ ಅಧಿಕಾರಿಗಳಿಗೆ ಈಗಲೂ ಹೇಳಲು ಸಾಧ್ಯವಾಗಿಲ್ಲ. ಚೀನಾ ಸರ್ಕಾರದ ನಿಯಮಗಳ ಪ್ರಕಾರ 24 ಗಂಟೆಗಳವರೆಗೆ ವೀಸಾ ಇಲ್ಲದೆ (ವೀಸಾ ಇಲ್ಲದೇ ಒಂದು ದೇಶದಲ್ಲಿ ಇರಲು)  ‘ಟ್ರಾನ್ಸಿಟ್’ಗೆ ಅನುಮತಿ ನೀಡಬೇಕು. (‘ಟ್ರಾನ್ಸಿಟ್’ ಎಂದರೆ 24 ಗಂಟೆಗಳವರೆಗೆ ವೀಸಾ ಇಲ್ಲದೆ ಒಂದು ದೇಶದ ವಿಮಾನ ನಿಲ್ದಾಣದಲ್ಲಿ ಇರಲು ನೀಡುವ ಅನುಮತಿ. ಸಾಮಾನ್ಯವಾಗಿ, ಮೂಲ ಸ್ಥಳದಿಂದ ನಿರ್ದಿಷ್ಟ ದೇಶಕ್ಕೆ ಹೋಗುವಾಗ ಮಧ್ಯದ ಒಂದು ದೇಶದಲ್ಲಿ ವಿಮಾನ ಬದಲಾಯಿಸಲು ಇಳಿಯಬೇಕಾಗುತ್ತದೆ. ಈ ಸಮಯವೇ ‘ಟ್ರಾನ್ಸಿಟ್’.)