ಮುಂಬಯಿ: ಸಂಚಾರ ದಟ್ಟಣೆ ಸಮಸ್ಯೆಯನ್ನು ಬಗೆಹರಿಸಲು ಸುರಂಗ ಮಾರ್ಗಗಳ ನಿರ್ಮಾಣ ಪ್ರಾರಂಭ – ಮುಖ್ಯಮಂತ್ರಿ

ಸುರಂಗ ಮಾರ್ಗಗಳ ಯೋಜನೆಗೆ ‘ಪಾತಾಳ ಲೋಕ’ ಎಂದು ಹೆಸರಿಡಲಾಗಿದೆ !

ಮುಂಬಯಿ – ನಗರದ ಸಂಚಾರ ದಟ್ಟಣೆಯನ್ನು ಕಡಿಮೆ ಮಾಡಲು, ಅನೇಕ ದಿಕ್ಕುಗಳಿಂದ ದೊಡ್ಡ ಪ್ರಮಾಣದಲ್ಲಿ ಸುರಂಗ ಮಾರ್ಗಗಳನ್ನು ನಿರ್ಮಿಸುವ ಯೋಜನೆಯನ್ನು ರೂಪಿಸಲಾಗಿದೆ ಎಂದು ಮುಖ್ಯಮಂತ್ರಿ ದೇವೇಂದ್ರ ಫಡಣವೀಸ ಅವರು ಘೋಷಿಸಿದರು. ‘ಇಂಡಿಯಾಸ್ ಇಂಟರ್ನ್ಯಾಷನಲ್ ಮೂವ್ಮೆಂಟ್ ಟು ಯುನೈಟ್ ನೇಷನ್ಸ್’ ನ ‘ಯೂತ್ ಕನೆಕ್ಟ್’ ಸಭೆಯಲ್ಲಿ ಅವರು ಮಾತನಾಡುತ್ತಿದ್ದರು. ಸುರಂಗ ಮಾರ್ಗಗಳ ಈ ಯೋಜನೆಗೆ ‘ಪಾತಾಳ ಲೋಕ’ ಎಂದು ಹೆಸರಿಡಲಾಗುವುದು. ಈ ಪದವನ್ನು ಹಿಂದಿ ವೆಬ್ ಸರಣಿಯೊಂದರಲ್ಲಿ ಭೂಮಿಯಡಿಯ ಜಗತ್ತನ್ನು ಸೂಚಿಸುವ ಸಲುವಾಗಿ ಬಳಸಲಾಗಿತ್ತು ಎಂದು ಕೂಡ ಅವರು ಈ ಸಂದರ್ಭದಲ್ಲಿ ತಿಳಿಸಿದರು.

ಫಡಣವೀಸ ಅವರು ಮುಂದೆ ಮಾತನಾಡಿ, ಈ ಯೋಜನೆಯ ಮೂಲಕ ನಾವು ಮುಂಬಯಿಯಲ್ಲಿನ ಸುರಂಗಗಳ ಒಂದು ವಿಸ್ತೃತ ಜಾಲವನ್ನು ನಿರ್ಮಿಸಲಿದ್ದೇವೆ. ಈ ಜಾಲವು ಅಸ್ತಿತ್ವದಲ್ಲಿರುವ ಮುಖ್ಯ ರಸ್ತೆಗಳಿಗೆ ಸಮಾನಾಂತರವಾಗಿ ನೆರಳಿನ ಜಾಲದಂತೆ (ಶಾಡೋ ನೆಟ್ ವರ್ಕ) ಕಾರ್ಯನಿರ್ವಹಿಸಲಿದೆ. ಪ್ರಸ್ತುತ, ಠಾಣೆ-ಬೋರಿವಲಿ ಮತ್ತು ಮುಲುಂಡ-ಗೊರೆಗಾಂವ್ ನಡುವೆ ಸುರಂಗ ಮಾರ್ಗದ ಕೆಲಸ ಪ್ರಾರಂಭವಾಗಿದೆ. ಇದರಿಂದ ಪೂರ್ವ-ಪಶ್ಚಿಮ ಭಾಗಗಳ ಸಂಪರ್ಕವು ಸುಲಭವಾಗುತ್ತದೆ ಎಂದು ಅವರು ಹೇಳಿದರು.