ರೋಗಿಗಳ ಸಂಬಂಧಿಕರಿಂದ ನಡೆದ ಹಲ್ಲೆಯಲ್ಲಿ 3 ವೈದ್ಯರಿಗೆ ಗಂಭೀರ ಗಾಯ!

ಮುಂಬಯಿನಲ್ಲಿನ ಕೂಪರ್ ಆಸ್ಪತ್ರೆಯಲ್ಲಿ ಆಘಾತಕಾರಿ ಘಟನೆ!

ಮುಂಬಯಿ – ಇಲ್ಲಿನ ಕೂಪರ್ ಆಸ್ಪತ್ರೆಯಲ್ಲಿ ರೋಗಿಗಳ ಸಂಬಂಧಿಕರು ಮೂವರು ಆಧುನಿಕ ವೈದ್ಯರ ಮೇಲೆ ಹಲ್ಲೆ ನಡೆಸಿದ್ದಾರೆ. ಈ ಘಟನೆ ನವೆಂಬರ್ 7ರ ಮಧ್ಯರಾತ್ರಿ ನಡೆದಿದ್ದು, ಇದು ಸಿಸಿಟಿವಿಯಲ್ಲಿ ಚಿತ್ರೀಕರಿಸಲ್ಪಟ್ಟಿದೆ. ಸದ್ಯ ಗಾಯಗೊಂಡಿರುವ ವೈದ್ಯರು ಗಂಭೀರ ಸ್ಥಿತಿಯಲ್ಲಿದ್ದು ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ಪ್ರಕರಣದಲ್ಲಿ ಕೂಪರ್‌ನ ಮಾರ್ಡ್ (MARD – ಮಹಾರಾಷ್ಟ್ರ ಅಸೋಸಿಯೇಷನ್ ಆಫ್ ರೆಸಿಡೆಂಟ್ ಡಾಕ್ಟರ್ಸ್) ವತಿಯಿಂದ ಜುಹು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಲಾಗಿದೆ.

ಆಸ್ಪತ್ರೆಯ ತುರ್ತು ವಿಭಾಗದಲ್ಲಿ ಗಂಭೀರ ಸ್ಥಿತಿಯಲ್ಲಿದ್ದ ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಿದ್ದಾಗ, ಒಪ್ಪಿಗೆ ಪತ್ರಕ್ಕೆ ಸಹಿ ಹಾಕಲು ರೋಗಿಯ ಸಂಬಂಧಿಕರನ್ನು ಕರೆಯಲಾಯಿತು; ಆದರೆ ಅವರು ಏನನ್ನೂ ವಿಚಾರಿಸದೆ ನೇರವಾಗಿ ಆಧುನಿಕ ವೈದ್ಯರಿಗೆ ಥಳಿಸಿದ್ದಾರೆ. ಹಲ್ಲೆ ಮಾಡುವ ಸಮಯದಲ್ಲಿ ವೈದ್ಯರು ರೋಗಿ ಮೃತಪಟ್ಟಿರುವುದಾಗಿ ಘೋಷಿಸದೇ ಇದ್ದರೂ ಸಹ ಈ ಹಲ್ಲೆ ನಡೆದಿದೆ. ಈ ಹಠಾತ್ ಹಲ್ಲೆಯಿಂದ ವೈದ್ಯಕೀಯ ಸಿಬ್ಬಂದಿ ಭಯಭೀತರಾಗಿದ್ದಾರೆ. ಈ ಘಟನೆಯ ನಂತರ ವೈದ್ಯರು ಆಸ್ಪತ್ರೆಯ ಆಡಳಿತ ಮಂಡಳಿಗೆ ತಕ್ಷಣ ಹೆಚ್ಚುವರಿ ಭದ್ರತೆಯನ್ನು ಒದಗಿಸುವಂತೆ ಮನವಿ ಮಾಡಿದ್ದಾರೆ.