ಡೊಂಬಿವಲಿಯಲ್ಲಿ ಮತಾಂಧ ತೆಂಗಿನಕಾಯಿ ಮಾರಾಟಗಾರನಿಂದ ಹಿಂದೂ ಗಿರಾಕಿಯ ಮೇಲೆ ಚಾಕುವಿನಿಂದ ಹಲ್ಲೆ !

ಹಿಂದೂ ಗಿರಾಕಿಯ ಕೈಯ 3 ಬೆರಳುಗಳಿಗೆ ಗಂಭೀರ ಗಾಯ!

ಠಾಣೆ – ಡೊಂಬಿವಲಿ ಪೂರ್ವದ ಎಂ.ಐ.ಡಿ.ಸಿ. ಪ್ರದೇಶದಲ್ಲಿರುವ ಎಮ್ಸ್ ಆಸ್ಪತ್ರೆ ಎದುರು ಮತಾಂಧ ತೆಂಗಿನಕಾಯಿ ಮಾರಾಟಗಾರನು ಹಿಂದೂ ಗಿರಾಕಿಯ ಮೇಲೆ ಚಾಕುವಿನಿಂದ ದಾಳಿ ಮಾಡಿದ್ದಾನೆ. ಈ ಘಟನೆ ಅಕ್ಟೋಬರ್ 30 ರಂದು ಮಧ್ಯಾಹ್ನ ಸಂಭವಿಸಿದೆ. ಈ ದಾಳಿಯಲ್ಲಿ ದಯಾನಂದ ಮಹಾದೇವ ಜತನ (ವಯಸ್ಸು 58 ವರ್ಷ) ಅವರ ಕೈಯ 3 ಬೆರಳುಗಳಿಗೆ ಗಂಭೀರ ಗಾಯಗಳಾಗಿದ್ದು, ಅವರ ಕಿರುಬೆರಳು ಸಂಪೂರ್ಣವಾಗಿ ತುಂಡಾಗಿದೆ. ಈ ಪ್ರಕರಣದ ಕುರಿತು ಮಾನಪಾಡಾ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಆರೋಪಿ ತೆಂಗಿನಕಾಯಿ ಮಾರಾಟಗಾರ ಸಲೀಂ ಸದ್ಯ ಪರಾರಿಯಾಗಿದ್ದಾನೆ. ಈ ಘಟನೆಯ ನಂತರ ಸ್ಥಳೀಯ ವ್ಯಾಪಾರಿಗಳು ಮತ್ತು ನಿವಾಸಿಗಳಲ್ಲಿ ಭಯದ ವಾತಾವರಣ ಉಂಟಾಗಿದೆ. (ಕಾನೂನಿನ ಭಯ ಇಲ್ಲದಿರುವುದರಿಂದಲೇ ಮತಾಂಧರು ಇಂತಹ ಕೃತ್ಯಗಳನ್ನು ಮಾಡುವ ಧೈರ್ಯ ಮಾಡುತ್ತಿದ್ದಾರೆ! – ಸಂಪಾದಕರು)

ಇಲ್ಲಿನ ಮಿಲಾಪನಗರ ಪ್ರದೇಶದ ನಿವಾಸಿ ದಯಾನಂದ ಜತನ ಅವರು ಎಮ್ಸ್ ಆಸ್ಪತ್ರೆಯ ಬಳಿಯ ತೆಂಗಿನಕಾಯಿ ಮಾರಾಟಗಾರ ಸಲೀಂನಿಂದ ತೆಂಗಿನಕಾಯಿ ಖರೀದಿಸಲು ಹೋಗಿದ್ದರು. ಜತನ್ ಅವರಿಗೆ ತೆಂಗಿನಕಾಯಿ ಒಣಗಿದೆ ಮತ್ತು ಕೆಟ್ಟಿದೆ ಎಂದು ಅನಿಸಿತು; ಆದ್ದರಿಂದ ಅವರು ಸಲೀಂಗೆ ಈ ಬಗ್ಗೆ ಕೇಳಿದರು. ಆಗ ಅವರಿಬ್ಬರ ನಡುವೆ ತೀವ್ರ ವಾಗ್ವಾದ ನಡೆಯಿತು. ಕೋಪಗೊಂಡ ಸಲೀಂ ಹಠಾತ್ತನೆ ಜತನ್ ಅವರಿಗೆ ತಳ್ಳಾಡುತ್ತಾ, ತೆಂಗಿನಕಾಯಿ ಸುಲಿಯುವ ಚಾಕುವಿನಿಂದ ಜತನ್ ಅವರ ಎಡಗೈ ಮೇಲೆ ಹಲ್ಲೆ ಮಾಡಿದನು. ಜತನ ಅವರಿಗೆ ಇಲ್ಲಿನ ಎಮ್ಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರಿದಿದೆ.