‘ಮುಸಲ್ಮಾನರನ್ನು ವಂದೇ ಮಾತರಂ ಹೇಳುವಂತೆ ಬಲವಂತಪಡಿಸುವುದು ತಪ್ಪಂತೆ!’ : Abu Azmi

ಸಮಾಜವಾದಿ ಪಕ್ಷದ ರಾಜ್ಯಾಧ್ಯಕ್ಷ ಮತ್ತು ಶಾಸಕ ಅಬು ಆಜ್ಮಿ ಅವರ ರಾಷ್ಟ್ರದ್ರೋಹಿ ಹೇಳಿಕೆ !

ಮುಂಬಯಿ – ‘ವಂದೇ ಮಾತರಂ’ ಕಡ್ಡಾಯ ಮಾಡುವುದು ಸರಿಯಲ್ಲ. ‘ವಂದೇ ಮಾತರಂ’ ನಂತಹ ಪ್ರಶ್ನೆಗಳನ್ನು ತರುವ ಮೂಲಕ ಮುಸ್ಲಿಂ ಧರ್ಮೀಯರಿಗೆ ತೊಂದರೆ ನೀಡಲು ಸರಕಾರ ಪ್ರಯತ್ನಿಸುತ್ತಿದೆ. ‘ಹಿಂದೂಗಳನ್ನು ‘ಅಲ್ಲಾಹ್ ಹೂ ಅಕ್ಬರ್’ (ಅಲ್ಲಾಹ್ ಮಹಾನ್) ಎಂದು ಹೇಳುವಂತೆ ಬಲವಂತಪಡಿಸುವುದು ಎಷ್ಟು ತಪ್ಪೋ, ಅದೇ ರೀತಿ ಮುಸಲ್ಮಾನರನ್ನು ‘ವಂದೇ ಮಾತರಂ’ ಹೇಳುವಂತೆ ಬಲವಂತಪಡಿಸುವುದು ತಪ್ಪು,’ ಎಂದು ಸಮಾಜವಾದಿ ಪಕ್ಷದ ರಾಜ್ಯಾಧ್ಯಕ್ಷ ಮತ್ತು ಶಾಸಕ ಅಬು ಆಜ್ಮಿ ತಮ್ಮ ಅಸೂಯೆಯನ್ನು ಪ್ರದರ್ಶಿಸಿದರು. (ಹಿಂದೂ ಧರ್ಮದ ಬಗ್ಗೆ ದ್ವೇಷವಿರುವ ಕಾರಣ ಅಬು ಆಜ್ಮಿ ‘ವಂದೇ ಮಾತರಂ’ ಅನ್ನು ವಿರೋಧಿಸುತ್ತಿದ್ದಾರೆ. ಇದರಿಂದ ಅವರು ಭಾರತವನ್ನು ತಾಯಿ ಎಂದು ಒಪ್ಪಿಕೊಳ್ಳಲು ಸಿದ್ಧರಿಲ್ಲ ಎಂಬುದು ವ್ಯಕ್ತವಾಗುತ್ತದೆ! – ಸಂಪಾದಕರುರು) ಈ ಪ್ರಕರಣದಲ್ಲಿ ಅಬು ಆಜ್ಮಿ ಅವರ ಮೇಲೆ ದೇಶದ್ರೋಹದ ಮೊಕದ್ದಮೆ ದಾಖಲಿಸಬೇಕು ಎಂದು ಭಾಜಪವು ಆಗ್ರಹಿಸಿದೆ.

ಶಾಸಕ ಅಬು ಆಜ್ಮಿ,

೧. ‘ವಂದೇ ಮಾತರಂ’ ಕಡ್ಡಾಯದ ನಿರ್ಧಾರ ಮುಸಲ್ಮಾನರ ಮೇಲಿನ ಅನ್ಯಾಯವಾಗಿದೆ. (‘ವಂದೇ ಮಾತರಂ’ ಹೇಳಿದಾಗ ದೇಶಭಕ್ತಿ ಜಾಗೃತಗೊಳ್ಳುತ್ತಿದ್ದರೆ, ಅದನ್ನು ‘ಅನ್ಯಾಯ’ ಎನ್ನುವುದು ಮೂರ್ಖತನದ ಲಕ್ಷಣವಾಗಿದೆ. – ಸಂಪಾದಕರು) ಪ್ರತಿಯೊಬ್ಬ ವ್ಯಕ್ತಿಗೂ ತನ್ನದೇ ಆದ ಶ್ರದ್ಧೆ ಮತ್ತು ಧರ್ಮವಿದೆ. ನಾವೆಲ್ಲರೂ ಆ ಶ್ರದ್ಧೆಯನ್ನು ಗೌರವಿಸಬೇಕು.

೨. ಮುಸ್ಲಿಂ ಪಂಥದಲ್ಲಿ ತಾಯಿಯನ್ನು ಅತ್ಯಂತ ಗೌರವದಿಂದ ಕಾಣುವ ಸಂಪ್ರದಾಯವಿದೆ. ತಾಯಿಯ ಪಾದದಡಿಯಲ್ಲಿ ಸ್ವರ್ಗವಿದೆ ಎಂದು ನಂಬಲಾಗುತ್ತದೆ; ಆದರೆ ತಲೆಯನ್ನು ಅಲ್ಲಾಹ್‌ನ ಮುಂದೆ ಮಾತ್ರ ಬಾಗಿಸಲಾಗುತ್ತದೆ; ಏಕೆಂದರೆ ಅಲ್ಲಾಹ್ ಒಬ್ಬನೇ ಆಗಿದ್ದಾನೆ. ಆತನೇ ಈ ಭೂಮಿ, ಸೂರ್ಯ ಮತ್ತು ಎಲ್ಲವನ್ನೂ ಸೃಷ್ಟಿಸಿದವನು. ಆದ್ದರಿಂದ, ನಾವು ಆತನಿಗೆ ಮಾತ್ರ ನಮಸ್ಕರಿಸುತ್ತೇವೆ. ಹಾಗಾಗಿ, ‘ವಂದೇ ಮಾತರಂ’ ಕಡ್ಡಾಯ ಮಾಡುವುದು ಸರಿಯಲ್ಲ. (ಹಿಂದೂ ಧರ್ಮವು ವಿಶ್ವದ ಮನುಷ್ಯರು ಸೇರಿದಂತೆ ಎಲ್ಲಾ ಜೀವಿಗಳ ಕಲ್ಯಾಣದ ಬಗ್ಗೆ ಚಿಂತಿಸುವುದರಿಂದ ಹಿಂದೂ ಧರ್ಮವು ಜಗತ್ತಿನಲ್ಲಿ ಸರ್ವಶ್ರೇಷ್ಠವಾಗಿದೆ. ಹಿಂದೂ ಧರ್ಮವು ಲಕ್ಷಾಂತರ ವರ್ಷಗಳಿಂದ ಅಸ್ತಿತ್ವದಲ್ಲಿದೆ, ಆದರೆ ಇಸ್ಲಾಂ ಪಂಥವು ಕೇವಲ ೧ ಸಾವಿರದ ೪೦೦ ವರ್ಷಗಳ ಹಿಂದೆ ಅಸ್ತಿತ್ವಕ್ಕೆ ಬಂದಿದೆ ಎಂಬುದನ್ನು ಅಬು ಆಜ್ಮಿ ಮರೆತಿದ್ದಾರೆಯೇ? – ಸಂಪಾದಕರು)

೩. ‘ವಂದೇ ಮಾತರಂ’ ನಂತಹ ಘೋಷಣೆಯ ಅಂಶವನ್ನು ಮುಂದಿಡುವುದು, ಮುಸ್ಲಿಂ ಯುವತಿಯರನ್ನು ಮದುವೆಯಾಗಿ, ನಾವು ಹಣ ಕೊಡುತ್ತೇವೆ ಎಂದು ಹೇಳುವುದು, ಈ ರೀತಿಯ ಚಟುವಟಿಕೆಗಳನ್ನು ಕೇವಲ ಮುಸಲ್ಮಾನರಿಗೆ ತೊಂದರೆ ನೀಡಲು ತರಲಾಗುತ್ತಿದೆ. (‘ಲವ್ ಜಿಹಾದ್’ ಮೂಲಕ ಹಿಂದೂ ಯುವತಿಯರನ್ನು ವಂಚಿಸಿ ಮತಾಂಧ ಮುಸಲ್ಮಾನರು ಅವರ ಜೀವನವನ್ನು ಹಾಳುಮಾಡುತ್ತಿರುವಾಗ, ಅಬು ಆಜ್ಮಿ ಎಷ್ಟು ಕುತಂತ್ರದಿಂದ ಮತ್ತು ಅಧ್ಯಯನವಿಲ್ಲದ ಹೇಳಿಕೆಗಳನ್ನು ನೀಡುತ್ತಿದ್ದಾರೆ ಎಂಬುದು ಇದರಿಂದ ತಿಳಿದುಬರುತ್ತದೆ! – ಸಂಪಾದಕರು)

೪. ಹೀಗೆ ಮಾಡಿದರೆ ಬಹುಸಂಖ್ಯಾತ ಸಮುದಾಯ ತಮ್ಮ ಜೊತೆ ಬರುತ್ತಾರೆ ಎಂದು ಅವರಿಗೆ ಅನಿಸುತ್ತದೆ. ಯಾವುದೇ ಕೆಲಸ ಅಥವಾ ಅಭಿವೃದ್ಧಿ ಮಾಡದೆ ಹಿಂದೂ-ಮುಸ್ಲಿಂ ವಿಷಯದ ಮೂಲಕ ಭಾಜಪ ಅಧಿಕಾರಕ್ಕೆ ಬರಲು ಪ್ರಯತ್ನಿಸುತ್ತಿದೆ. (ಭಾಜಪ ದೇಶದಲ್ಲಿ ಅಭಿವೃದ್ಧಿ ಮಾಡಿದ ಕಾರಣ ೨೦೧೪ ರಿಂದ ಇಲ್ಲಿಯವರೆಗೆ ಅಧಿಕಾರದಲ್ಲಿದೆ. ಆದರೆ ಇದರ ಬಗ್ಗೆ ಅಬು ಆಜ್ಮಿ ಮೌನವಾಗಿರುತ್ತಾರೆ! – ಸಂಪಾದಕರು)

೫. ಇವರು ಅತ್ಯಂತ ಕೀಳು ಮಟ್ಟದ (ಥರ್ಡ್ ಕ್ಲಾಸ್) ಜನರಾಗಿದ್ದಾರೆ. ಒಂದು ವೇಳೆ ಒಬ್ಬ ಮುಸಲ್ಮಾನ ಹಿಂದೂ ಯುವತಿಯರನ್ನು ಮದುವೆಯಾಗಲು ಹೇಳಿದರೆ, ಹಾರಾಕಾರವಾಗುತ್ತದೆ; ಆದರೆ ಈ ಜನರು ಸರಾಗವಾಗಿ ಮುಸ್ಲಿಂ ಯುವತಿಯರ ಜೊತೆ ಮದುವೆಯಾಗಲು ಹೇಳುತ್ತಿದ್ದಾರೆ. (ಈವರೆಗೆ ಯಾವುದೇ ಹಿಂದೂ ಯುವಕ ಮುಸ್ಲಿಂ ಯುವತಿಯನ್ನು ಮದುವೆಯಾದ ನಂತರ ಆಕೆಗೆ ದೈಹಿಕ ಮತ್ತು ಮಾನಸಿಕ ಕಿರುಕುಳ ನೀಡಿ ಆಕೆಯನ್ನು ಕೊಲೆ ಮಾಡಿದ ಉದಾಹರಣೆ ಇಲ್ಲ; ಆದರೆ ‘ಲವ್ ಜಿಹಾದ್’ ಮೂಲಕ ಹಿಂದೂ ಯುವತಿಯರನ್ನು ವಂಚಿಸಿ ಮತಾಂಧ ಮುಸಲ್ಮಾನರು ಆಕೆಯನ್ನು ಕೊಲೆ ಮಾಡಿದ ಅನೇಕ ಉದಾಹರಣೆಗಳನ್ನು ನೀಡಬಹುದು. – ಸಂಪಾದಕರು)

ಅಬು ಆಜ್ಮಿ ಅವರ ಮೇಲೆ ದೇಶದ್ರೋಹದ ಮೊಕದ್ದಮೆ ದಾಖಲಿಸಬೇಕು! – ಮಂಗಳಪ್ರಭಾತ ಲೋಢಾ, ಸಚಿವ, ಭಾಜಪ

ಇದು ಪಾಕಿಸ್ತಾನವಲ್ಲ, ಭಾರತ ಎಂದು ಅಬು ಆಜ್ಮಿ ಅವರಿಗೆ ತಿಳಿಯಬೇಕು. ಇದು ನರೇಂದ್ರ ಮೋದಿ, ಅಮಿತ್ ಶಾ ಅವರ ಭಾರತವಾಗಿದೆ. ದೇವೇಂದ್ರ ಅವರ ಮಹಾರಾಷ್ಟ್ರ ಆಗಿದೆ. ‘ಭಾರತ ಮೇಂ ರೆಹನಾ ಹೋಗಾ, ತೋ ವಂದೇ ಮಾತರಮ್ ಕೆಹನಾ ಹೋಗಾ’ (ಭಾರತದಲ್ಲಿ ಇರಬೇಕಾದರೆ, ವಂದೇ ಮಾತರಂ ಹೇಳಬೇಕಾಗುತ್ತದೆ). ಅಬು ಆಜ್ಮಿ ಅವರ ಮೇಲೆ ದೇಶದ್ರೋಹದ ಮೊಕದ್ದಮೆ ದಾಖಲಿಸಬೇಕು. ಆಜ್ಮಿ ಅವರ ಕ್ಷೇತ್ರದ ಜನರಿಗೆ, ಅವರ ಮನೆಗೆ ಹೋಗಿ ‘ವಂದೇ ಮಾತರಂ ದಿನ’ ಆಚರಿಸಿ, ಎಂದು ನನ್ನ ಮನವಿಯಾಗಿದೆ. ಯಾರಾದರೂ ಧೈರ್ಯವಿದ್ದರೆ ಮುಂದೆ ಬರಲಿ, ಇಲ್ಲದಿದ್ದರೆ ನಮ್ಮ ಕಾರ್ಯಕರ್ತರು ನಿಮ್ಮ ಮನೆಯ ಮುಂದೆ ಬಂದು ‘ವಂದೇ ಮಾತರಂ’ ಗಾಯನ ಮಾಡುತ್ತಾರೆ!

ಅಬು ಆಜ್ಮಿ ಅವರಿಗೆ ದ್ವೇಷವಿದ್ದರೆ, ಅವರು ದೇಶ ಬಿಟ್ಟು ಹೋಗಬೇಕು! – ನವನಾಥ ಬನ್, ಮಾಧ್ಯಮ ಮುಖ್ಯಸ್ಥ, ಭಾಜಪ

ಭಾರತದಲ್ಲಿ ಇರಬೇಕಾದರೆ, ‘ವಂದೇ ಮಾತರಂ’, ‘ಭಾರತಮಾತಾ ಕೀ ಜೈ’ ಹೇಳಲೇಬೇಕು. ಯಾರು ಭಾರತಮಾತಾ ಮತ್ತು ‘ವಂದೇ ಮಾತರಂ’ ಬಗ್ಗೆ ‘ಅಲರ್ಜಿ’ ಹೊಂದಿದ್ದಾರೋ, ಅವರು ದೇಶದ ಹೊರಗೆ ಹೋಗಿ ಇರಬೇಕು. ಅಬು ಆಜ್ಮಿ ಅವರಿಗೆ ದ್ವೇಷವಿದ್ದರೆ, ಅವರು ದೇಶ ಬಿಟ್ಟು ಹೋಗಬೇಕು.