ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > ತಮಿಳುನಾಡಿನಲ್ಲಿ ಹಿಂದಿ ಹಾಡುಗಳು ಮತ್ತು ಚಲನಚಿತ್ರಗಳ ಮೇಲೆ ನಿಷೇಧ ಹೇರಲು ಕಾನೂನು ಜಾರಿಗೊಳಿಸಲಾಗುವುದು Tamil Nadu Hindi Films Banned

ತಮಿಳುನಾಡಿನಲ್ಲಿ ಹಿಂದಿ ಹಾಡುಗಳು ಮತ್ತು ಚಲನಚಿತ್ರಗಳ ಮೇಲೆ ನಿಷೇಧ ಹೇರಲು ಕಾನೂನು ಜಾರಿಗೊಳಿಸಲಾಗುವುದು Tamil Nadu Hindi Films Banned

ತಮಿಳುನಾಡಿನಲ್ಲಿ ಡಿಎಂಕೆ ಸರಕಾರದ ಹಿಂದಿ ದ್ವೇಷ

ಚೆನ್ನೈ – ತಮಿಳುನಾಡಿನಲ್ಲಿ ಹಿಂದಿ ಭಾಷೆಯ ಪ್ರಚಾರವನ್ನು ನಿಯಂತ್ರಿಸಲು ಡಿಎಂಕೆ ಸರಕಾರವು ಮಸೂದೆಯನ್ನು ತಂದಿದೆ. ಈ ಮಸೂದೆ ಅಂಗೀಕಾರವಾಗಿ ಕಾನೂನಾಗಿ ಪರಿವರ್ತನೆಗೊಂಡರೆ, ತಮಿಳುನಾಡು ರಾಜ್ಯದಲ್ಲಿ ಹಿಂದಿ ಹಾಡುಗಳು, ಚಲನಚಿತ್ರಗಳು ಮತ್ತು ಜಾಹೀರಾತುಗಳ ಮೇಲೆ ನಿಷೇಧ ಹೇರಲಾಗುತ್ತದೆ.

೧. ಈ ನಿರ್ಧಾರವು ತಮಿಳು ಭಾಷೆ ಮತ್ತು ರಾಜ್ಯದ ಸಾಂಸ್ಕೃತಿಕ ಗುರುತನ್ನು ರಕ್ಷಿಸಲು ಅವಶ್ಯಕ ಎಂದು ಡಿಎಂಕೆ ಸರಕಾರ ಹೇಳಿದೆ.

೨. ಈ ಮಸೂದೆಯ ಕರಡು ಕುರಿತು ಚರ್ಚಿಸಲು ಸರಕಾರವು ತಜ್ಞರೊಂದಿಗೆ ತುರ್ತು ಸಭೆಯನ್ನು ನಡೆಸಿತ್ತು. ಡಿಎಂಕೆ ಸರಕಾರದ ಪ್ರಕಾರ, ಈ ಉಪಕ್ರಮವು ಕೇಂದ್ರ ಸರಕಾರದಿಂದ ಹಿಂದಿ ಭಾಷೆಯನ್ನು ಹೇರುವ ಪ್ರಯತ್ನದ ವಿರುದ್ಧ ನಡೆಯುತ್ತಿರುವ ದ್ರಾವಿಡ ಚಳುವಳಿಯ ಐತಿಹಾಸಿಕ ನಿಲುವನ್ನು ಬಲಪಡಿಸುತ್ತದೆ.

೩. ಡಿಎಂಕೆ ಹಿರಿಯ ನಾಯಕ ಟಿ.ಕೆ.ಎಸ್. ಇಳಂಗೋವನ ಅವರು, ‘ನಾವು ಸಂವಿಧಾನದ ವಿರುದ್ಧ ಏನನ್ನೂ ಮಾಡುವುದಿಲ್ಲ. ನಾವು ಸಂವಿಧಾನವನ್ನು ಪಾಲಿಸುತ್ತೇವೆ. ನಮ್ಮ ವಿರೋಧ ಹಿಂದಿ ಹೇರಿಕೆಗೆ ಹೊರತು ಹಿಂದಿ ಭಾಷೆಗೆ ಅಲ್ಲ’ ಎಂದು ತಿಳಿಸಿದರು.

೪. ಡಿಎಂಕೆ ಸರಕಾರದ ಈ ನಿರ್ಧಾರದ ಬಗ್ಗೆ ಭಾಜಪ ತೀವ್ರ ಟೀಕೆ ಮಾಡಿದೆ. ಭಾಜಪ ನಾಯಕ ವಿನೋಜ್ ಸೆಲ್ವಂ ಅವರು ಈ ನಿರ್ಧಾರವನ್ನು ‘ಅವಿವೇಕದ’ ನಿರ್ಧಾರ ಎಂದು ಟೀಕಿಸಿದರು. ಭಾಷೆಯನ್ನು ರಾಜಕೀಯ ಸಾಧನವಾಗಿ ಬಳಸಬಾರದು ಎಂದು ಅವರು ಹೇಳಿದರು. ಡಿಎಂಕೆ ಸರಕಾರವು ವಿವಿಧ ನ್ಯಾಯಾಲಯ ಪ್ರಕರಣಗಳಲ್ಲಿನ ವೈಫಲ್ಯಗಳನ್ನು ಮುಚ್ಚಿಹಾಕಲು ಮತ್ತು ಇತರ ವಿವಾದಗಳಿಂದ ಗಮನವನ್ನು ಬೇರೆಡೆ ಸೆಳೆಯಲು ಇಂತಹ ಭಾವನಾತ್ಮಕ ವಿಷಯಗಳನ್ನು ಮುನ್ನೆಲೆಗೆ ತರುತ್ತಿದೆ ಎಂದು ಅವರು ಅಭಿಪ್ರಾಯಪಟ್ಟರು.

ಸಂಪಾದಕೀಯ ನಿಲುವು

ತನ್ನ ರಾಜಕೀಯ ಸ್ವಾರ್ಥಕ್ಕಾಗಿ ಇಂತಹ ನಿರ್ಧಾರಗಳನ್ನು ತೆಗೆದುಕೊಂಡು ತಮಿಳು ಜನತೆಯಲ್ಲಿ ಹಿಂದಿ ದ್ವೇಷವನ್ನು ಸೃಷ್ಟಿಸುತ್ತಿರುವ ಡಿಎಂಕೆ ಸರಕಾರ! ಇಂತಹ ಪ್ರತ್ಯೇಕತಾವಾದಿ ಧೋರಣೆಯ ಸರಕಾರದಿಂದ ಸಮಾಜಕ್ಕೆ ಏನು ಪ್ರಯೋಜನವಾಗಲಿದೆ?

ಸಂಬಂಧಿತ ಲೇಖನಗಳು