ಕೊಪ್ಪಳ : ಗವಿಸಿದ್ದೇಶ್ವರ ಮಠದಲ್ಲಿ ಮುಸಲ್ಮಾನ ಮಹಿಳೆ ಧ್ಯಾನದಲ್ಲಿ ಮಗ್ನ !

ಕೊಪ್ಪಳ – ಇಲ್ಲಿನ ಹಿಂದೂಗಳ ಪವಿತ್ರ ಯಾತ್ರಾಸ್ಥಳವಾದ ಗವಿಸಿದ್ದೇಶ್ವರ ಮಠದಲ್ಲಿ ಓರ್ವ ಮುಸಲ್ಮಾನ ಮಹಿಳೆ ಧ್ಯಾನ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ. ಈ ಮಹಿಳೆ ಕಳೆದ ೯ ದಿನಗಳಿಂದ ಇಲ್ಲಿ ಧ್ಯಾನ ಮಾಡುತ್ತಿದ್ದಾರೆ. ಆಕೆ ತನ್ನ ಹರಕೆ ಈಡೇರಲು ಮತ್ತು ಮನಸ್ಸಿನ ನೆಮ್ಮದಿಗಾಗಿ ಇಲ್ಲಿ ಧ್ಯಾನ ಮಾಡುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಈ ಮಹಿಳೆಯ ಹೆಸರು ಹಸೀನಾ ಬೇಗಂ. ಇವರು ಮೂಲತಃ ಕೊಪ್ಪಳ ಜಿಲ್ಲೆಯ ಯಲಬುರ್ಗಾ ತಾಲೂಕಿನ ಕುದರಿ ಮೋತಿ ಗ್ರಾಮದ ನಿವಾಸಿಯಾಗಿದ್ದಾರೆ.

ಹಸೀನಾ ಬೇಗಂ ಅವರು ಪ್ರತಿದಿನ ಗವಿಸಿದ್ದೇಶ್ವರ ಮಠದಲ್ಲಿ ನಾಗದೇವರ ಮುಂದೆ ಒಂದು ಗಂಟೆ ಧ್ಯಾನ ಮಾಡುತ್ತಾರೆ. ಈ ಮಠಕ್ಕೆ ಸಾಮಾನ್ಯವಾಗಿ ಹಿಂದೂ ಭಕ್ತರು ಮಾತ್ರ ಬರುತ್ತಾರೆ; ಆದರೆ ಇಲ್ಲಿ ಮೊದಲ ಬಾರಿಗೆ ಮುಸಲ್ಮಾನ ಮಹಿಳೆಯೊಬ್ಬರು ಬಂದು ಧ್ಯಾನ ಮಾಡುತ್ತಿರುವುದನ್ನು ಕಂಡುಬಂದಿದೆ.