ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > Minister Rummy Playing : ವಿಧಾನಮಂಡಲದಲ್ಲಿ ‘ಜಂಗಲ್ ರಮ್ಮಿ’ ಆಡುತ್ತಿದ್ದ ಕೃಷಿ ಸಚಿವ ಮಾಣಿಕರಾವ್ ಕೋಕಾಟೆ ವಿಡಿಯೋ ವೈರಲ್!

Minister Rummy Playing : ವಿಧಾನಮಂಡಲದಲ್ಲಿ ‘ಜಂಗಲ್ ರಮ್ಮಿ’ ಆಡುತ್ತಿದ್ದ ಕೃಷಿ ಸಚಿವ ಮಾಣಿಕರಾವ್ ಕೋಕಾಟೆ ವಿಡಿಯೋ ವೈರಲ್!

ಮುಂಬಯಿ – ರಾಜ್ಯದ ಕೃಷಿ ಸಚಿವ ಹಾಗೂ ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷದ ನಾಯಕ ಮಾಣಿಕರಾವ್ ಕೋಕಾಟೆ ಅವರು ವಿಧಾನಮಂಡಲದ ಸದನದಲ್ಲಿ ಕುಳಿತಿದ್ದಾಗ ‘ಜಂಗಲ್ ರಮ್ಮಿ’ ಆಡುತ್ತಿರುವ ವಿಡಿಯೋವನ್ನು ಶರದಚಂದ್ರ ಪವಾರ್ ಬಣದ ಶಾಸಕ ರೋಹಿತ ಪವಾರ್ ತಮ್ಮ ‘ಎಕ್ಸ್’ ಖಾತೆಯಲ್ಲಿ ಪ್ರಸಾರ ಮಾಡಿದ್ದಾರೆ. ಇದರಿಂದ ಸಾಮಾಜಿಕ ಮಾಧ್ಯಮಗಳಲ್ಲಿ ಮತ್ತು ಅನೇಕ ನಾಯಕರಿಂದ ಮಾಣಿಕರಾವ್ ಕೋಕಾಟೆ ಅವರ ಮೇಲೆ ಟೀಕೆ ವ್ಯಕ್ತವಾಗುತ್ತಿದೆ.

ಈ ಕುರಿತು ಮಾಣಿಕರಾವ್ ಕೋಕಾಟೆ ಅವರು ಸ್ಪಷ್ಟನೆ ನೀಡಿ, “ನಾನು ಹಿರಿಯ ಸದನದಲ್ಲಿ (ಮೇಲ್ಮನೆಯಲ್ಲಿ) ಕುಳಿತಿದ್ದೆ. ಆಗ ಕಿರಿಯ ಸದನದಲ್ಲಿ (ಕೆಳಮನೆಯಲ್ಲಿ) ಏನು ನಡೆಯುತ್ತಿದೆ ಎಂದು ನೋಡುವುದಕ್ಕಾಗಿ   ಯೂಟ್ಯೂಬ್ ತೆರೆಯುತ್ತಿದ್ದೆ; ಆದರೆ ಆಗ ಜಾಹೀರಾತು ಬಂತು. ಸದನದಲ್ಲಿರುವಾಗ ರಮ್ಮಿಯ ಜಾಹೀರಾತು ಮೊಬೈಲ್‌ನಲ್ಲಿ ಬಂದಾಗ ಅದನ್ನು ‘ಸ್ಕಿಪ್’ (ಮುಂದಕ್ಕೆ ಸರಿಸಲು) ಮಾಡಲು 2-3 ಸೆಕೆಂಡುಗಳು ಬೇಕಾಯಿತು. ಅಷ್ಟೇ ವಿಡಿಯೋ ತೋರಿಸಿ ನನ್ನನ್ನು ಗುರಿಪಡಿಸಲಾಗಿದೆ,” ಎಂದು ಸ್ಪಷ್ಟೀಕರಣ ನೀಡಿದ್ದಾರೆ.

ಸಂಪಾದಕೀಯ ನಿಲುವು

ಸರಕಾರವು ಈ ಕುರಿತು ತನಿಖೆ ನಡೆಸಿ ಸತ್ಯವನ್ನು ಹೊರಹಾಕುವುದು ಅಗತ್ಯ! ಇದರಲ್ಲಿ ಸತ್ಯಾಂಶವಿದ್ದರೆ, ಕಲಾಪದ ಸಮಯದಲ್ಲಿ ರಮ್ಮಿ ಆಡಿದ ಸಚಿವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವುದು ಅವಶ್ಯಕವಾಗಿದೆ!

ಸಂಬಂಧಿತ ಲೇಖನಗಳು