Ramdev Baba : ಮುಸಲ್ಮಾನರ ಪೂರ್ವಜರು ಹಿಂದೂಗಳಾಗಿರುವುದರಿಂದ ಅವರು ಢಾಬಾಗಳ ಹೆಸರುಗಳನ್ನು ಬದಲಾಯಿಸುವುದರಲ್ಲಿ ಅರ್ಥವಿಲ್ಲ!

ಮುಸಲ್ಮಾನರು ತಮ್ಮ ಢಾಬಾಗಳಿಗೆ ಹಿಂದೂ ದೇವರುಗಳ ಹೆಸರುಗಳನ್ನು ಇಡುತ್ತಿರುವ ಪ್ರಕರಣ

ಋಷಿಕೇಶ (ಉತ್ತರಾಖಂಡ) – ನಮಗೆ ಹಿಂದೂಗಳೆಂದು ಯಾವ ರೀತಿ ಹೆಮ್ಮೆಯಿದೆಯೋ, ಅದೇ ರೀತಿ ಎಲ್ಲಾ ಮುಸಲ್ಮಾನರಿಗೂ ತಮ್ಮ ಧರ್ಮದ ಬಗ್ಗೆ ಹೆಮ್ಮೆಯಿರಬೇಕು. ಎಲ್ಲಾ ಮುಸಲ್ಮಾನರ ಪೂರ್ವಜರು ಹಿಂದೂಗಳೇ ಆಗಿದ್ದಾರೆ, ಆದ್ದರಿಂದ ಅಂಗಡಿಗಳ ಹೆಸರುಗಳನ್ನು ಬದಲಾಯಿಸುವುದರಲ್ಲಿ ಯಾವುದೇ ಅರ್ಥವಿಲ್ಲ. ಅಂಗಡಿಗಳಿಗೆ ಹಿಂದೂ ಹೆಸರನ್ನು ಇಡುವುದರಲ್ಲಿ ಯಾವುದೇ ಅರ್ಥವಿಲ್ಲ. ಹೆಸರನ್ನು ಬದಲಾಯಿಸುವುದು ವ್ಯಾವಹಾರಿಕವಾಗಿ ಮತ್ತು ಧಾರ್ಮಿಕವಾಗಿ ತಪ್ಪಾಗಿದೆ ಎಂದು ಯೋಗಋಷಿ ರಾಮದೇವ ಬಾಬಾ ಪ್ರತಿಕ್ರಿಯಿಸಿದ್ದಾರೆ. ಕಾವಡ ಯಾತ್ರೆಯ ಮಾರ್ಗದಲ್ಲಿ ಮುಸಲ್ಮಾನರ ಢಾಬಾಗಳಿಗೆ ಹಿಂದೂ ದೇವರುಗಳ ಹೆಸರುಗಳನ್ನು ಇಡುತ್ತಿರುವ ಘಟನೆಗಳ ಕುರಿತು ಅವರು ಮಾತನಾಡುತ್ತಿದ್ದರು.

ರಾಮದೇವ ಬಾಬಾ ಅವರು ಮಾತು ಮುಂದುವರೆಸಿ, ಪ್ರತಿಯೊಬ್ಬರೂ ತಮ್ಮ ಹೆಸರು ಏನಿದೆಯೋ, ಅದನ್ನೇ ಇಡಬೇಕು. ಜನರಿಗೆ ಇಷ್ಟವಿದ್ದರೆ, ಅವರು ಹೋಟೆಲ್ ಅಥವಾ ಢಾಬಾಗೆ ಬಂದು ಊಟ ಮಾಡುತ್ತಾರೆ ಎಂದರು.

ಹಿಂದೂಗಳು ಬೇರೆ ಬೇರೆ ಭಾಷೆ ಮತ್ತು ಪಂಥಗಳ ಆಧಾರದ ಮೇಲೆ ಪರಸ್ಪರ ಜಗಳವಾಡಬಾರದು!

ಮಹಾರಾಷ್ಟ್ರದಲ್ಲಿ ಪ್ರಸ್ತುತ ಮರಾಠಿ ಮತ್ತು ಹಿಂದಿ ಭಾಷೆಗಳ ಕುರಿತು ನಡೆಯುತ್ತಿರುವ ವಿವಾದದ ಬಗ್ಗೆ ರಾಮದೇವ ಬಾಬಾ ಅವರು, ದೇಶದ ಎಲ್ಲಾ ಭಾಷೆಗಳೊಂದಿಗೆ ಮರಾಠಿ ಭಾಷೆಯನ್ನೂ ಗೌರವಿಸಬೇಕು ಎಂದರು. ಆದ್ದರಿಂದ, ಹಿಂದೂಗಳು ಬೇರೆ ಬೇರೆ ಭಾಷೆ ಮತ್ತು ಪಂಥಗಳ ಆಧಾರದ ಮೇಲೆ ಪರಸ್ಪರ ಜಗಳವಾಡಬಾರದು. ಇದರಿಂದ ಸನಾತನ ಧರ್ಮ ಮತ್ತು ರಾಷ್ಟ್ರೀಯ ಏಕತೆಗೆ ಹಾನಿ ಆಗುತ್ತದೆ ಎಂದು ಹೇಳಿದರು.