Maulana Syed Arshad Statement : ಗಾಜಾವನ್ನು ನಾಶ ಮಾಡಿ ಅಲ್ಲಿ ಯಹೂದಿಗಳನ್ನು ನೆಲೆಸುವ ಅಮೆರಿಕದ ಆಸೆ ಎಂದಿಗೂ ಈಡೇರುವುದಿಲ್ಲ!

‘ಜಮಿಯತ್ ಉಲೆಮಾ-ಎ-ಹಿಂದ್’ ನ ಮೌಲಾನಾ (ಇಸ್ಲಾಂ ವಿದ್ವಾಂಸರು) ಅರ್ಷದ್ ಮದನಿ ಹೇಳಿಕೆ!

ಲಕ್ಷಣಪುರಿ (ಉತ್ತರ ಪ್ರದೇಶ) – ಗಾಜಾದಲ್ಲಿ ಶಾಶ್ವತ ಕದನ ವಿರಾಮಕ್ಕಾಗಿ ಯುಎನ್ ಭದ್ರತಾ ಮಂಡಳಿಯ ಪ್ರಸ್ತಾವನೆಗೆ ಅಮೆರಿಕ ವೀಟೋ ಅಧಿಕಾರ ಬಳಸಿದ್ದರಿಂದ ಅದು ತಿರಸ್ಕೃತಗೊಂಡಿತು. ಇದಕ್ಕೆ ಮುಸಲ್ಮಾನರ ಧಾರ್ಮಿಕ ಸಂಘಟನೆ ‘ಜಮಿಯತ್ ಉಲೆಮಾ-ಎ-ಹಿಂದ್’ ನ ಅಧ್ಯಕ್ಷ ಮೌಲಾನಾ ಅರ್ಷದ್ ಮದನಿ ತೀವ್ರ ಪ್ರತಿಕ್ರಿಯೆ ನೀಡಿದ್ದಾರೆ. ಅವರು, 14 ದೇಶಗಳು ಈ ಪ್ರಸ್ತಾವನೆಯನ್ನು ಮಂಡಿಸಿದ್ದವು; ಆದರೆ ಅಮೆರಿಕ ಅದನ್ನು ಬೆಂಬಲಿಸಲಿಲ್ಲ. ಇದರರ್ಥ, ಗಾಜಾದ ವಿನಾಶ ಮತ್ತು ವಿಧ್ವಂಸದಲ್ಲಿ ಅಮೆರಿಕದ ಕೈವಾಡವಿದೆ. ಪ್ಯಾಲೆಸ್ಟೈನ್‌ನಲ್ಲಿ ನಡೆದ ಹತ್ಯಾಕಾಂಡಕ್ಕೆ ಕಾರಣರಾದವರಲ್ಲಿ ಅಮೆರಿಕ ಮೊದಲ ಸ್ಥಾನದಲ್ಲಿದೆ. ಗಾಜಾವನ್ನು ಮಾನವರಹಿತಗೊಳಿಸಿ ಅಲ್ಲಿ ಯಹೂದಿಗಳನ್ನು ನೆಲೆಸುವ ಅಮೆರಿಕದ ಆಸೆ ಇದೆ; ಆದರೆ ಅಲ್ಲಾಹನ ಇಚ್ಛೆಯಿದ್ದರೆ ಇದು ಎಂದಿಗೂ ಸಾಧ್ಯವಿಲ್ಲ, ಎಂದು ಹೇಳಿದರು.

ಪ್ಯಾಲೆಸ್ಟೈನ್ ಸ್ವಾತಂತ್ರ್ಯದ ಬೇಡಿಕೆಗೆ ಸಂಪೂರ್ಣ ಬೆಂಬಲ!

ಮದನಿ ಮಾತು ಮುಂದುವರೆಸಿ, ಇಸ್ರೇಲ್ ಮತ್ತು ಹಮಾಸ್ ಅನ್ನು ಸಂಪೂರ್ಣವಾಗಿ ನಾಶಪಡಿಸಲು ಬಯಸುವ ದೇಶಗಳು ಇನ್ನೂ ವಿಫಲವಾಗಿವೆ. ಈ ಪರಿಸ್ಥಿತಿಯನ್ನು ಕಾಪಾಡಿಕೊಳ್ಳಲು ಗಾಜಾದಲ್ಲಿ ಸುಮಾರು ಒಂದು ಲಕ್ಷ ಹುತಾತ್ಮರು ನಿಸ್ಸಂದೇಹವಾಗಿ ರಕ್ತ ಸುರಿಸಿದ್ದಾರೆ. ಜಮಿಯತ್ ಉಲೆಮಾ-ಎ-ಹಿಂದ್ ಪ್ಯಾಲೆಸ್ಟೈನ್ ಸ್ವಾತಂತ್ರ್ಯ ಹೋರಾಟಗಾರರ ಬಗ್ಗೆ ಹೃತ್ಪೂರ್ವಕ ಸಹಾನುಭೂತಿ ವ್ಯಕ್ತಪಡಿಸುತ್ತದೆ ಮತ್ತು ಅವರ ಸ್ವಾತಂತ್ರ್ಯದ ಬೇಡಿಕೆಗೆ ಸಂಪೂರ್ಣ ಬೆಂಬಲ ನೀಡುತ್ತದೆ, ಎಂದು ಹೇಳಿದರು.