Corona Virus : ಕೊರೊನಾ ಹೊಸ ರೂಪಾಂತರದ ವೈರಸ್‌ ಗೆ ಲಸಿಕೆ ನಿಷ್ಪ್ರಯೋಜಕ !

ಎಚ್ಚರಿಕೆ ವಹಿಸಲು ತಜ್ಞರ ಸಲಹೆ

ನವದೆಹಲಿ – ದೇಶದಲ್ಲಿ ಕೊರೊನಾ ವೈರಸ್ ಸೋಂಕಿತರ ಸಂಖ್ಯೆ ವೇಗವಾಗಿ ಹೆಚ್ಚುತ್ತಿದೆ. ಮೇ 29 ರಂದು, ಸೋಂಕಿತರ ಸಂಖ್ಯೆ 1 ಸಾವಿರದ 326 ಕ್ಕೆ ತಲುಪಿದೆ. ಅದೇ ಸಮಯದಲ್ಲಿ, ಸಾವಿನ ಸಂಖ್ಯೆ 14 ಕ್ಕೆ ಏರಿದ್ದು, ಅದರಲ್ಲಿ 6 ಸಾವುಗಳು ಮಹಾರಾಷ್ಟ್ರದಲ್ಲಿ ಸಂಭವಿಸಿವೆ. ಕೊರೊನಾದ ಹೊಸ ರೂಪಾಂತರಕ್ಕೆ (ವೇರಿಯಂಟ್) ಲಸಿಕೆಗಳು ಪರಿಣಾಮಕಾರಿಯಾಗಿಲ್ಲ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಹಾಗಾಗಿ ಅವರು ಎಚ್ಚರಿಕೆ ವಹಿಸುವಂತೆ ಸಲಹೆ ನೀಡಿದ್ದಾರೆ.

1. ಕಾನ್ಪುರದ ಭಾರತೀಯ ತಂತ್ರಜ್ಞಾನ ಸಂಸ್ಥೆಯ ನಿರ್ದೇಶಕ ಪ್ರೊ. ಮನಿಂದ್ರ ಅಗರ್ವಾಲ್ ಮಾತನಾಡಿ, 2022 ರ ನಂತರ ಕೊರೊನಾ ವೈರಸ್‌ ನ ಹೊಸ ರೂಪಾಂತರದಿಂದಾಗಿ ಕೊರೊನಾ ರೋಗಿಗಳ ಸಂಖ್ಯೆ ಹಲವು ಪಟ್ಟು ಹೆಚ್ಚಾಗಿದೆ; ಆದರೆ ಯಾವುದೇ ಗಂಭೀರ ಪರಿಸ್ಥಿತಿ ಉದ್ಭವಿಸಿಲ್ಲ. ಈ ಬಾರಿಯೂ ಹೆಚ್ಚು ಆತಂಕ ಪಡುವ ಅಗತ್ಯವಿಲ್ಲ ಎಂದು ನನಗೆ ಅನಿಸುತ್ತದೆ.

2. ಬನಾರಸ ಹಿಂದೂ ವಿಶ್ವವಿದ್ಯಾಲಯದ ಪ್ರೊ. ಜ್ಞಾನೇಶ್ವರ ಚೌಬೆ ಅವರ ಪ್ರಕಾರ, ಕೊರೊನಾ ನಾಲ್ಕನೇ ಅಲೆ ಬಂದರೆ, ಅದು 21 ರಿಂದ 28 ದಿನಗಳವರೆಗೆ ಇರುತ್ತದೆ. ಇದು ಎರಡನೇ ಅಲಿಕೆಯಷ್ಟು ಅಪಾಯಕಾರಿ ಆಗಿರುವುದಿಲ್ಲ, ಎಂದು ಹೇಳಿದ್ದಾರೆ.

3. ಪ್ರೊ. ಜ್ಞಾನೇಶ್ವರ ಚೌಬೆ ಅವರು, ಲಸಿಕೆ ಪಡೆದವರೂ ಎಚ್ಚರಿಕೆ ವಹಿಸಬೇಕು ಎಂದು ಹೇಳಿದರು. ಇದಕ್ಕೆ ಕಾರಣವೆಂದರೆ, ಹೊಸ ರೂಪಾಂತರದ ಕೊರೊನಾ ವೈರಸ್‌ ಗಳಿಂದ ಉಂಟಾಗುವ ಪರಿಣಾಮಗಳನ್ನು ಲಸಿಕೆಗಳು ತಡೆಯಲು ಸಾಧ್ಯವಿಲ್ಲ. ಆದಾಗ್ಯೂ, ಲಸಿಕೆಯ ಪ್ರತಿರಕ್ಷಣಾ ಶಕ್ತಿ ಇನ್ನೂ ಸಂಪೂರ್ಣವಾಗಿ ದುರ್ಬಲಗೊಂಡಿಲ್ಲ. ಇದು ನಿಮ್ಮ ದೇಹಕ್ಕೆ ಹೊಸ ರೂಪಾಂತರದ ಕೊರೊನಾದೊಂದಿಗೆ ಹೋರಾಡಲು ಖಂಡಿತವಾಗಿಯೂ ಸಹಾಯ ಮಾಡುತ್ತದೆ, ಎಂದು ಹೇಳಿದರು.