Terrorist Houses Demolished : ಕಾಶ್ಮೀರದಲ್ಲಿ ಇನ್ನೂ 3 ಭಯೋತ್ಪಾದಕರ ಮನೆ ನೆಲಸಮ

ಶ್ರೀನಗರ – ಪಹಲ್ಗಾಮ್‌ನಲ್ಲಿ ಜಿಹಾದಿ ಭಯೋತ್ಪಾದಕರು ಹಿಂದೂ ಪ್ರವಾಸಿಗರ ಮೇಲೆ ದಾಳಿ ಮಾಡಿದನಂತರ, ಸರಕಾರವು ಭಯೋತ್ಪಾದಕರ ವಿರುದ್ಧ ಕಠಿಣ ಕಾರ್ಯಾಚರಣೆಯನ್ನು ಪ್ರಾರಂಭಿಸಿದೆ. ಕಾಶ್ಮೀರದಲ್ಲಿ ಇನ್ನೂ 3 ಭಯೋತ್ಪಾದಕರ ಮನೆಗಳನ್ನು ಧ್ವಂಸ ಮಾಡಲಾಗಿದೆ. ಇದುವರೆಗೆ ಒಟ್ಟು 9 ಭಯೋತ್ಪಾದಕರ ಮನೆಗಳನ್ನು ಧ್ವಂಸ ಮಾಡಲಾಗಿದೆ.

ಸೇನಾ ಅಧಿಕಾರಿಗಳು ನೀಡಿರುವ ಮಾಹಿತಿ ಪ್ರಕಾರ, ಏಪ್ರಿಲ್ 27 ರ ಭಾನುವಾರದಂದು ಬಾಂದಿಪುರಾ, ಪುಲ್ವಾಮಾ ಮತ್ತು ಶೋಪಿಯಾನ್ ಜಿಲ್ಲೆಗಳಲ್ಲಿ ಈ ಕಾರ್ಯಾಚರಣೆ ಮಾಡಲಾಯಿತು. ಶೋಪಿಯಾನ್ ಜಿಲ್ಲೆಯ ನಿವಾಸಿ ಅದ್ನಾನ ಶಫಿ ಕಳೆದ ವರ್ಷ ಭಯೋತ್ಪಾದಕ ಸಂಘಟನೆಗೆ ಸೇರಿದ್ದನು. ಈ ಕಾರ್ಯಾಚರಣೆಯಲ್ಲಿ ಅವನ ಮನೆಯನ್ನು ಕೆಡವಲಾಯಿತು, ಹಾಗೆಯೇ ಪುಲ್ವಾಮಾದಲ್ಲಿ ಭಯೋತ್ಪಾದಕ ಅಮೀನ್ ನಜೀರ್ ಮನೆಯನ್ನೂ ಕೆಡವಲಾಯಿತು. ಬಾಂದಿಪೋರಾದಲ್ಲಿ ಜಮೀಲ್ ಅಹ್ಮದ್ ಶೇರ್ಗೋಜರಿ ಇವನು ಲಷ್ಕರ್-ಎ-ತೊಯ್ಬಾ ಪರ ಕೆಲಸ ಮಾಡುತ್ತಿದ್ದನು. ಅವನ ಮನೆಯನ್ನೂ ನೆಲಸಮ ಮಾಡಲಾಗಿದೆ.