ಭಾಗ್ಯನಗರದಲ್ಲಿ ಬೀದಿನಾಯಿಗಳ ದಾಳಿಯಿಂದ 4 ವರ್ಷದ ಮಗು ಸಾವು

ಭಾಗ್ಯನಗರ (ತೆಲಂಗಾಣಾ) – 3 ಬೀದಿನಾಯಿಗಳು 4 ವರ್ಷದ ಮಗುವಿನ ಮೇಲೆ ದಾಳಿ ಮಾಡಿದವು. ಮಗುವಿನ ಕಿರಿಚಾಟ ಕೇಳಿ ತಂದೆ ಓಡಿ ಬಂದು ನಾಯಿಗಳ ದಾಳಿಯಿಂದ ಮಗುವನ್ನು ರಕ್ಷಿಸಿದರು. ಈ ದಾಳಿಯಲ್ಲಿ ಗಂಭೀರವಾಗಿ ಗಾಯಗೊಂಡಿರುವ ಮಗುವನ್ನು ತಕ್ಷಣವೇ ಆಸ್ಪತ್ರೆಗೆ ಕರೆದೊಯ್ದರು; ಆದರೆ ಅಲ್ಲಿ ಮಗು ಮರಣ ಹೊಂದಿದೆಯೆಂದು ಹೇಳಿದರು. ಈ ಆಕ್ರಮಣದ ಸಿಸಿಟಿವಿ ಚಿತ್ರ ಎಲ್ಲೆಡೆ ಪ್ರಸಾರವಾಗುತ್ತಿದೆ. 3 ದಿನಗಳ ಹಿಂದೆ ಉತ್ತರಪ್ರದೇಶದ ಬಿಲಾಸಪುರ ಗ್ರಾಮದಲ್ಲಿಯೂ ಬೀದಿ ನಾಯಿಗಳು ಕಾನ್ಹಾ ಹೆಸರಿನ ಮಗುವಿನ ಮೇಲೆ ದಾಳಿ ನಡೆಸಿದ್ದವು. ಈ ದಾಳಿಯಲ್ಲಿ ಮಗು ಸಾವನ್ನಪ್ಪಿತ್ತು.