`ದ್ವೇಷದ ಭೂಮಿಯ ಮೇಲೆ ರಾಂಮಂದಿರ ನಿರ್ಮಾಣ ಮಾಡಲಾಗುತ್ತಿದೆ !’ (ಅಂತೆ)

ರಾಷ್ಟ್ರೀಯ ಜನತಾ ದಳದ ಬಿಹಾರ ಪ್ರದೇಶಾಧ್ಯಕ್ಷ ಜಗದಾನಂದ ಸಿಂಹ ಇವರ ದ್ವೇಷಪೂರಿತ ಹೇಳಿಕೆ !

ಪಾಟಲಿಪುತ್ರ (ಬಿಹಾರ) – ಭಾರತದ ಭೂಮಿ ರಾಮಮಯ ಮತ್ತು ಕೃಷ್ಣಮಯ ಎಂದು ತಿಳಿಯಲಾಗುತ್ತಿತ್ತು. ಈಗ ಇದೆಲ್ಲವೂ ನಷ್ಟವಾಗಿದೆ. ಈಗ ರಾಮ ರಾಮಾಯಣದಿಂದ ಓಡಿ ಹೋಗಬಹುದು. ಕಣಕಣದಿಂದ ಹೊರಟು ಹೋಗಬಹುದು. ರಾಮ ಈಗ ಭಾರತದಲ್ಲಿ ಉಳಿಯಲಾರನು. ಈಗ ಕೇವಲ ಒಂದು ಮಂದಿರದಲ್ಲಿ ರಾಮ ಉಳಿಯುತ್ತಾನೆ. ದ್ವೇಷದ ಭೂಮಿಯ ಮೇಲೆ ರಾಮಮಂದಿರದ ನಿರ್ಮಾಣವಾಗುತ್ತಿದೆ. ರಾಮ ಅದೇ ಒಂದು ಮಂದಿರದಲ್ಲಿ ಕುಳಿತುಕೊಳ್ಳಬಹುದು. ರಾಮ ಜನರ ಹೃದಯದಲ್ಲಿ ಅಲ್ಲ ಬದಲಾಗಿ ಕಲ್ಲಿನಲ್ಲಿ ಉಳಿದಿದ್ದಾನೆ. ಸಂಘದವರು ಇದನ್ನೇ ಮಾಡುತ್ತಿದ್ದಾರೆ. ನಾವು `ರಾಮವಾಲೆ ‘ಆಗಿದ್ದೇವೆ, `ಜಯ ಶ್ರೀರಾಮವಾಲೆ’ ಅಲ್ಲ, ಸಂಘದವರ ರಾಮನು ಎಲ್ಲಿ ಬೇಕಾದಲ್ಲಿ ಕುಳಿತುಕೊಳ್ಳುವನು ಎಂದು ರಾಷ್ಟ್ರೀಯ ಜನತಾ ದಳದ ಪ್ರದೇಶಾಧ್ಯಕ್ಷ ಜಗದಾನಂದ ಸಿಂಹ ಇವರು ಟೀಕಿಸಿದ್ದಾರೆ. ಅಯೋಧ್ಯೆಯಲ್ಲಿ ಭವ್ಯ ಶ್ರೀರಾಮಮಂದಿರದ ಕಟ್ಟಡ ನಿರ್ಮಾಣದ ಹಿನ್ನೆಲೆಯಲ್ಲಿ ಅವರು ಮಾತನಾಡುತ್ತಿದ್ದರು.

#HTNewsBrief | Here’s a look at everything that’s making news at this hourhttps://t.co/DhhaHRZxpo

— Hindustan Times (@HindustanTimes) January 7, 2023

ಜಗದಾನಂದ ಸಿಂಹ ಇವರು ಮಾತನ್ನು ಮುಂದುವರಿಸುತ್ತಾ, ಅಹಂಕಾರ ಪಡುವವರು ರಾಮನನ್ನು ಬಂಧನದಲ್ಲಿಡಬಹುದು; ಆದರೆ ರಾಮನ ವಾಸ ಶಬರಿಯ ಗುಡಿಸಿನಲ್ಲಿದೆ. ಭಾರತೀಯರು ಯುಗಾನುಯುಗಗಳಿಂದ ರಾಮಾಯಣವನ್ನು ಪಠಿಸುತ್ತಾ ಬಂದಿದ್ದಾರೆ. ಬೆಳಿಗ್ಗೆ-ಸಾಯಂಕಾಲ ರಾಮನಾಮ ಜಪಿಸುತ್ತಿದ್ದಾರೆ; ಕಾರಣ ಅದರಲ್ಲಿ ಜನರಿಗೆ ರಾಮ ಸಿಗುತ್ತಾನೆ. ಜನರ ಹೃದಯದಲ್ಲಿರುವ ರಾಮನನ್ನು ಸೆಳೆದುಕೊಂಡು ಅದನ್ನು ವಿಶಾಲವಾದ ಕಲ್ಲಿನ ಕಟ್ಟಡದಲ್ಲಿ ಬಂಧಿಸಿಡಲು ಸಾಧ್ಯವಿಲ್ಲ ಎಂಬುದು ಸಂಘಕ್ಕೆ ಇದು ತಿಳಿದಿಲ್ಲ ಎಂದು ಹೇಳಿದರು.