ಪಾಕಿಸ್ತಾನದಲ್ಲಿ, ಕೊರೋನಾಗಾಗಿ ಲಸಿಕೆ ಹಾಕಿದವರಲ್ಲಿ ಮೂವರು ಕೊರೋನಾ ರೋಗಕ್ಕೆ ತುತ್ತಾಗಿದ್ದಾರೆ

ಇಸ್ಲಾಮಾಬಾದ್ (ಪಾಕಿಸ್ತಾನ) – ಚೀನಾದಿಂದ ಲಸಿಕೆ ಪಡೆದಿದ್ದರೂ ಪಾಕಿಸ್ತಾನದಲ್ಲಿ ಮೂವರು ಕರೋನಾ ಸೋಂಕಿಗೆ ಒಳಗಾಗಿದ್ದಾರೆ ಎಂಬ ಮಾಹಿತಿ ತಿಳಿದುಬಂದಿದೆ. ಈ ಮೂವರೂ ಆರೋಗ್ಯ ಕಾರ್ಯಕರ್ತರಾಗಿದ್ದಾರೆ. ಇದರಲ್ಲಿ ಒಬ್ಬರು ಡಾಕ್ಟರ್, ಒಬ್ಬ ಹೆಡ್ ನರ್ಸ್ ಮತ್ತು ವಾರ್ಡ್ ಹೆಡ್ ಆಗಿದ್ದಾರೆ. ಲಸಿಕೆ ಪಡೆದ ಹದಿನೈದು ದಿನಗಳ ನಂತರ, ಅವರಿಗೆ ಕೊರೋನಾ ಸೋಂಕು ತಗುಲಿದೆ.

೧. ಪಾಕಿಸ್ತಾನ ಮೆಡಿಕಲ್ ಅಸೋಸಿಯೇಶನ್‌ದ ಅಧ್ಯಕ್ಷ ಡಾ. ಅಶ್ರೋ‌ ನಿಜಾಮಿಯವರು ಈ ಬಗ್ಗೆ ಹೇಳುತ್ತಾ, ‘ಯಾವುದೇ ಲಸಿಕೆ ಶೇ. ೧೦೦ ರಷ್ಟು ಪರಿಣಾಮಕಾರಿಯಾಗುವುದಿಲ್ಲ. ಕೊರೋನಾವನ್ನು ತಪ್ಪಿಸಲು ನಿಯಮಗಳನ್ನು ಪಾಲಿಸಬೇಕು’ ಎಂದರು.

೨. ಚೀನಾ ತನ್ನ ‘ಸಿನೋಫಾರ್ಮ್’ ಲಸಿಕೆಯ ೫ ಲಕ್ಷ ಡೋಸೇಜ್ ಗಳನ್ನು ಪಾಕಿಸ್ತಾನಕ್ಕೆ ನೀಡಿದೆ ಮತ್ತು ಚೀನಾ ಇನ್ನೂ ಕೆಲವು ಲಕ್ಷ ಡೋಸೇಜ್ ನೀಡಲಿದೆ. ಚೀನಾದ ಲಸಿಕೆಯ ಬಗ್ಗೆ ಈಗಾಗಲೇ ವಿಶ್ವದಾದ್ಯಂತ ಸಂದೇಹ ವ್ಯಕ್ತಪಡಿಸಲಾಗಿದೆ. ಇದರ ಬೆನ್ನಲ್ಲೇ ಚೀನಾದ ಬದಲಾಗಿ ಭಾರತದಿಂದ ಲಸಿಕೆ ಪಡೆಯಲು ಶ್ರೀಲಂಕಾ ನಿರ್ಧರಿಸಿದೆ.