ಬಿಜೆಪಿಯ ಮಹಿಳಾ ಅಭ್ಯರ್ಥಿಯನ್ನು ‘ಐಟಂ’ ಎಂದು ಉಲ್ಲೇಖಿಸಿದ ಕಾಂಗ್ರೆಸ್‌ನ ಮಾಜಿ ಮುಖ್ಯಮಂತ್ರಿ ಕಮಲನಾಥ !

ಭಾಜಪದಿಂದ ಚುನಾವಣಾ ಆಯೋಗಕ್ಕೆ ದೂರು

ಭೋಪಾಲ (ಮಧ್ಯಪ್ರದೇಶ) – ಕಾಂಗ್ರೆಸ್‌ನ ನಾಯಕ ಹಾಗೂ ಮಾಜಿ ಮುಖ್ಯಮಂತ್ರಿ ಕಮಲನಾಥ ಇವರು ಉಪಚುನಾವಣೆಯಲ್ಲಿ ಪಕ್ಷದ ಅಭ್ಯರ್ಥಿ ಪರ ಪ್ರಚಾರ ನಡೆಸುತ್ತಿರುವಾಗ ಬಿಜೆಪಿ ಅಭ್ಯರ್ಥಿ ಇಮರತಿದೇವಿಯವರನ್ನು ‘ಐಟಂ’ ಎಂದು ಸಂಬೋಧಿಸಿದ್ದರು. ಅದಕ್ಕಾಗಿ ಬಿಜೆಪಿಯು ಚುನಾವಣಾ ಆಯೋಗಕ್ಕೆ ದೂರು ನೀಡಿದೆ.

ಸೌಜನ್ಯ : NDTV India

ಈ ಘಟನೆಯನ್ನು ಖಂಡಿಸಲು ರಾಜ್ಯದ ಬಿಜೆಪಿ ಮುಖ್ಯಮಂತ್ರಿ ಶಿವರಾಜ ಸಿಂಗ ಚೌಹಾಣರು ಅಕ್ಟೋಬರ್ ೧೯ ರಂದು ಎರಡು ಗಂಟೆಗಳ ಮೌನ ಪಾಲಿಸಿದರು. ಮತ್ತೊಂದೆಡೆ ಕಮಲನಾಥರು ಸ್ಪಷ್ಟೀಕರಣ ನೀಡುವಾಗ ಕ್ಷಮೆಯಾಚಿಸಲು ನಿರಾಕರಿಸಿದ್ದಾರೆ. (ಇದರಿಂದ ಕಮಲನಾಥರ ದುರಹಂಕಾರವೇ (ಉದ್ಧಟತನ) ಕಂಡುಬರುತ್ತದೆ ! – ಸಂಪಾದಕ) ಅವರು, “ಭಾಷಣದ ಸಮಯದಲ್ಲಿ ನನಗೆ ಇಮರತಿದೇವಿ ಹೆಸರು ನೆನಪಾಗಲಿಲ್ಲ. ಅದಕ್ಕಾಗಿಯೇ ಇದನ್ನು ಎಲ್ಲರನ್ನು ಉದ್ದೇಶಿಸಿ ‘ಐಟಂ’ ಎಂದು ಹೇಳಿದೆ. (ಇಂತಹ ಹಾಸ್ಯಾಸ್ಪದ ಸ್ಪಷ್ಟೀಕರಣವನ್ನು ಯಾರು ನಂಬುತ್ತಾರೆ ? ಇಮರತಿ ದೇವಿಯವರ ಹೆಸರು ನೆನಪಾಗದಿದ್ದರೆ, ಅಲ್ಲಿ ಉಪಸ್ಥಿತರಿದ್ದ ಇತರರಲ್ಲಿ ಕೇಳಬಹುದಿತ್ತಲ್ಲ್ಲ ? ಇಂತಹ ನೀತಿಶೂನ್ಯ ರಾಜಕಾರಣಿಗಳ ನಿಜಪರಿಚಯ ಜನರಿಗಾಗಿದೆ ! – ಸಂಪಾದಕರು)