ಗೃಹಸಚಿವರ ತವರಿನಲ್ಲಿ ಪೊಲೀಸ್ ಎಡವಟ್ಟು: ಪೋಕ್ಸೊ ಆರೋಪಿ ಪರಾರಿ

ಕಲಬುರಗಿ – ರಾಜ್ಯದ ಗೃಹಸಚಿವ ಪ್ರಿಯಾಂಕ್ ಖರ್ಗೆ ಅವರ ಜಿಲ್ಲೆಯಾದ ಕಲಬುರಗಿಯಲ್ಲಿ, ಪೊಲೀಸ್ ಠಾಣೆಯಲ್ಲೇ ಪೊಲೀಸರಿಗೆ ಚಳ್ಳೆಹಣ್ಣು ತಿನ್ನಿಸಿ ‘ಪೋಕ್ಸೋ’ ಕಾಯ್ದೆಯಡಿ ಬಂಧಿತನಾಗಿದ್ದ ಆರೋಪಿಯೊಬ್ಬ ಪರಾರಿಯಾಗಿದ್ದಾನೆ.

ಜಿಲ್ಲೆಯ ಅಫಜಲಪುರ ಪೊಲೀಸ್ ಠಾಣೆಯಲ್ಲಿ ಈ ಘಟನೆ ನಡೆದಿದ್ದು, ಪರಾರಿಯಾದ ಆರೋಪಿಯ ಹೆಸರು ಮಂಜುನಾಥ (ವಯಸ್ಸು 24 ವರ್ಷ) ಆಗಿದೆ. ಒಂದು ವಾರದ ಹಿಂದೆ ಅಪ್ರಾಪ್ತ ಬಾಲಕಿಯ ಮೇಲಿನ ದೌರ್ಜನ್ಯದ ಹಿನ್ನೆಲೆಯಲ್ಲಿ ಆತನನ್ನು ಬಂಧಿಸಿ ಪೊಲೀಸ್ ಠಾಣೆಗೆ ಕರೆತರಲಾಗಿತ್ತು. ಜುಲೈ 2ರ ನಸುಕಿನಲ್ಲಿ ಪೊಲೀಸರು ಮಲಗಿದ್ದನ್ನು ಕಂಡು, ಆರೋಪಿ ಮಂಜುನಾಥನು ಬಹಳ ಚಾಣಾಕ್ಷತನದಿಂದ ತನ್ನ ಕೈಯಲ್ಲಿದ್ದ ಕೈಕೋಳವನ್ನು ತೆಗೆದಿದ್ದಾನೆ. ನಂತರ ಯಾರಿಗೂ ತಿಳಿಯದಂತೆ ಪೊಲೀಸ್ ಠಾಣೆಯ ಆವರಣದಲ್ಲಿರುವ ಮರದ ಕೊಂಬೆಯ ಮೂಲಕ ಬೇಲಿ ದಾಟಿ ಪರಾರಿಯಾಗಿದ್ದಾನೆ. ಈ ದೃಶ್ಯವೆಲ್ಲವೂ ಪೊಲೀಸ್ ಠಾಣೆಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.