ವಾಶೀಂನಲ್ಲಿ ೯ ಪೊಲೀಸರಿಗೆ ಜೀವಾವಧಿ ಶಿಕ್ಷೆ!

ವಾಶೀಂ – ಇಲ್ಲಿನ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯವು ೯ ಪೊಲೀಸರಿಗೆ ಜೀವಾವಧಿ ಶಿಕ್ಷೆ ವಿಧಿಸಿ ತೀರ್ಪು ನೀಡಿದೆ. ೨೦೧೧ ರಲ್ಲಿ ಪೊಲೀಸ್ ಕಸ್ಟಡಿಯಲ್ಲಿದ್ದಾಗ ಪೊಲೀಸರ ತೀವ್ರ ಥಳಿತದಿಂದಾಗಿ ಯುವಕನೊಬ್ಬ ಮೃತಪಟ್ಟಿದ್ದನು. ಇದೇ ಪ್ರಕರಣದಲ್ಲಿ ೧೫ ವರ್ಷ, ೧ ತಿಂಗಳು ಮತ್ತು ೨೩ ದಿನಗಳ ನಂತರ ವಾಶೀಂನ ಜಿಲ್ಲಾ ಸತ್ರ ನ್ಯಾಯಾಧೀಶರಾದ ಜಯಸಿಂಗ್ ಝಪಾಟೆ ಅವರು ಈ ಐತಿಹಾಸಿಕ ತೀರ್ಪನ್ನು ನೀಡಿದ್ದಾರೆ.

೧. ಮೇ ೯, ೨೦೧೧ ರಂದು ರಿಸೋಡ್ ಪೊಲೀಸ್ ಠಾಣೆಯ ಅಂದಿನ ಇನ್ಸ್‌ಪೆಕ್ಟರ್ ಮಹಾದೇವ್ ಮಾಣಿಕ್ ಧಾಂಡೆ ಸೇರಿದಂತೆ ೮ ಜನ ಪೊಲೀಸ್ ಸಿಬ್ಬಂದಿ ಹಿಂಗೋಲಿ ಜಿಲ್ಲೆಯ ಸೇನ್‌ಗಾವ್ ತಾಲೂಕಿನ ವಾಢೋಣಾದಲ್ಲಿರುವ ಪಾರಧಿ ವಸ್ತಿಯ ಮೇಲೆ ದಾಳಿ ನಡೆಸಿದ್ದರು. ಈ ದಾಳಿಯಲ್ಲಿ ಬೇಗ್ಯಾ ಪವಾರ್ ಎಂಬ ಯುವಕನನ್ನು ಕಳ್ಳತನದ ಪ್ರಕರಣವೊಂದರಲ್ಲಿ ಶಂಕಿತನನ್ನಾಗಿ ಮಾಡಿ ಬಂಧಿಸಲಾಗಿತ್ತು. ಆತ ಅಪರಾಧವನ್ನು ಒಪ್ಪಿಕೊಳ್ಳುವಂತೆ ಮಾಡಲು ಪೊಲೀಸರು ನಡೆಸಿದ ಹಲ್ಲೆಯಿಂದಾಗಿ ಆತ ಸಾವನ್ನಪ್ಪಿದ್ದನು.

೨. ಈ ಪ್ರಕರಣದಲ್ಲಿ ಕೇಂದ್ರೀಯ ತನಿಖಾ ದಳವು (ಸಿಬಿಐ) ೩೪ ದಿನಗಳ ಕಾಲ ತನಿಖೆ ನಡೆಸಿ, ಕೊಲೆ ಪ್ರಕರಣದ ಜೊತೆಗೆ ವಿಶೇಷ ‘ಅಟ್ರಾಸಿಟಿ’ ಕಾಯ್ದೆಯಡಿ ದೋಷಿ ಪೊಲೀಸರ ವಿರುದ್ಧ ಪ್ರಕರಣ ದಾಖಲಿಸಿತ್ತು. ಇದೀಗ ೧೫ ವರ್ಷಗಳ ನಂತರ ಈ ತೀರ್ಪು ಬಂದಿದೆ.

೩. ಬೇಗ್ಯಾ ಪವಾರ್ ವಿರುದ್ಧ ಈ ಮುಂಚೆ ಯಾವುದೇ ಕ್ರಿಮಿನಲ್ ಪ್ರಕರಣ ದಾಖಲಾಗಿರಲಿಲ್ಲ. ಆತ ಕೇವಲ ‘ಪಾರಧಿ’ ಸಮುದಾಯಕ್ಕೆ ಸೇರಿದವನೆಂಬ ಒಂದೇ ಕಾರಣಕ್ಕೆ ಪೊಲೀಸರು ಆತನನ್ನು ಸಿಲುಕಿಸಿದ್ದರು.