ಚಿಕ್ಕ ಮಕ್ಕಳಿಗೆ ಗೋಮಾಂಸ ತಿನ್ನಲು ಸಲಹೆ ನೀಡುವವರ ವಿರುದ್ಧ ಮೊಕದ್ದಮೆ ದಾಖಲಿಸಿ ! – ವಿಶ್ವ ಹಿಂದೂ ಪರಿಷತ್

ನವಿ ಮುಂಬಯಿ – ಇಲ್ಲಿನ ಮಹಾನಗರ ಪಾಲಿಕೆ ಆಸ್ಪತ್ರೆಯಲ್ಲಿ 9 ರಿಂದ 11ತಿಂಗಳ ಮಗುವಿಗೆ ಗೋಮಾಂಸ ತಿನ್ನಲು ಸಲಹೆ ನೀಡುವ ಭಿತ್ತಿಪತ್ರವನ್ನು ಅಳವಡಿಸಿದವರ ವಿರುದ್ಧ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದಿದ್ದಕ್ಕಾಗಿ ಮೊಕದ್ದಮೆ ದಾಖಲಿಸಬೇಕೆಂದು ವಿಶ್ವ ಹಿಂದೂ ಪರಿಷತ್ ಒತ್ತಾಯಿಸಿದೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಾಶಿ ಪೊಲೀಸ್ ಠಾಣೆಗೆ ಪರಿಷತ್ ಮನವಿ ಪತ್ರ ಸಲ್ಲಿಸಿದೆ. ಈ ಆಕ್ಷೇಪಾರ್ಹ ಭಿತ್ತಿಪತ್ರಗಳನ್ನು ವಿಶ್ವ ಹಿಂದೂ ಪರಿಷತ್ತಿನ ಕಾರ್ಯಕರ್ತರು ಹರಿದು ಹಾಕಿದ್ದಾರೆ.

“Register a case against those who advised feeding beef to young children!” – VHP 🚩

A highly concerning incident has come to light at Vashi Municipal Hospital.

Memorandum submitted to the police demanding immediate action.

In a state that honors Go Rakshaks, how could such… pic.twitter.com/78bOZZRNy7

— Sanatan Prabhat (@SanatanPrabhat) June 16, 2026

ಮನವಿ ಪತ್ರದಲ್ಲಿರುವ ಅಂಶಗಳು:

1. ಜೂನ್ 14 ರಂದು ಕಾರ್ಯಕರ್ತ ರೋಹಿತ್ ಖಂಡಾಗಳೆ ಅವರು ಮಹಾನಗರ ಪಾಲಿಕೆಯ ವಾಶಿ ಆಸ್ಪತ್ರೆಗೆ ತೆರಳಿದ್ದರು. ಆಗ ಅವರಿಗೆ ಆಸ್ಪತ್ರೆಯ ಗೋಡೆಯ ಮೇಲೆ ‘ಇಂಡಿಯನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್ (IAP)- IYCF ವಿಭಾಗ’ದ ಹೆಸರಿನಲ್ಲಿ ‘9 ರಿಂದ 11 ತಿಂಗಳ ವಯಸ್ಸಿನ ಪೂರಕ ಆಹಾರ ಮಾರ್ಗದರ್ಶಿ’ ಎಂಬ ಶೀರ್ಷಿಕೆಯಡಿ ಭಿತ್ತಿಪತ್ರ ಅಂಟಿಸಿರುವುದು ಕಂಡುಬಂದಿತು.

2. ಈ ಭಿತ್ತಿಪತ್ರದಲ್ಲಿ ಸಣ್ಣದಾಗಿ ಕತ್ತರಿಸಿದ ಮಾಂಸ (ಕೋಳಿ ಮಾಂಸ, ಕುರಿ ಮಾಂಸ, ಗೋಮಾಂಸ) ಎಂದು ಸ್ಪಷ್ಟವಾಗಿ ಉಲ್ಲೇಖಿಸಲಾಗಿತ್ತು. ಹಿಂದೂ ಧರ್ಮದಲ್ಲಿ ಹಸುವನ್ನು ಪವಿತ್ರವೆಂದು ಪೂಜಿಸಲಾಗುತ್ತದೆ. ಆದ್ದರಿಂದ ಗೋಮಾಂಸ ಭಕ್ಷಣೆ ಮಾಡುವುದು ಹಿಂದೂ ಧರ್ಮಕ್ಕೆ ವಿರೋಧವಾಗಿದೆ. ಮಗುವಿಗೆ ಗೋಮಾಂಸ ತಿನ್ನಿಸಲು ಸಲಹೆ ನೀಡುವುದು ಅತ್ಯಂತ ನಿಂದನೀಯ ಹಾಗೂ ಕೋಟ್ಯಂತರ ಹಿಂದೂಗಳ ಧಾರ್ಮಿಕ ಭಾವನೆಗಳನ್ನು ನೋಯಿಸುವಂತಹದ್ದಾಗಿದೆ. ಸಾರ್ವಜನಿಕ ಸ್ಥಳದಲ್ಲಿ ಇಂತಹ ಭಿತ್ತಿಪತ್ರವನ್ನು ಹಚ್ಚುವುದು ಉದ್ದೇಶಪೂರ್ವಕವಾಗಿ ಧಾರ್ಮಿಕ ಭಾವನೆಗಳನ್ನು ಪ್ರಚೋದಿಸುವ ಪ್ರಯತ್ನದಂತೆ ತೋರುತ್ತಿದೆ.

3. ಈ ಪ್ರಕರಣದಲ್ಲಿ ಇಂಡಿಯನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್ ಮತ್ತು ಭಿತ್ತಿಪತ್ರವನ್ನು ಹಾಕಿದ ಸಂಬಂಧಪಟ್ಟವರ ವಿರುದ್ಧ ಮೊಕದ್ದಮೆ ದಾಖಲಿಸಿ ಕಠಿಣ ಕಾನೂನು ಮತ್ತು ಸರಕಾರಿ ಕ್ರಮ ಕೈಗೊಳ್ಳಬೇಕು, ಹಾಗೆಯೇ ಈ ಆಕ್ಷೇಪಾರ್ಹ ಭಿತ್ತಿಪತ್ರವನ್ನು ತಕ್ಷಣವೇ ತೆರವುಗೊಳಿಸಲು ಆದೇಶಿಸಬೇಕು ಎಂದು ಕೋರಲಾಗಿದೆ.