ವೈದ್ಯರ ಚೀಟಿ ಇಲ್ಲದೆ ಇನ್ನು ಮುಂದೆ ಯಾವುದೇ ಸಿರಪ್ ಸಿಗುವುದಿಲ್ಲ !

(ಸಿರಪ್ ಎಂದರೆ ದ್ರವರೂಪದ ಔಷಧ)

ನವದೆಹಲಿ – ವೈದ್ಯರ ಚೀಟಿ (‘ಪ್ರಿಸ್ಕ್ರಿಪ್ಷನ್’) ಇಲ್ಲದೆ ಇನ್ನು ಮುಂದೆ ಔಷಧದ ಅಂಗಡಿಗಳಲ್ಲಿ ಯಾವುದೇ ಸಿರಪ್ ಸಿಗುವುದಿಲ್ಲ. ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ಈ ಕುರಿತು ಅಧಿಸೂಚನೆಯನ್ನು ಹೊರಡಿಸಿದೆ. ಇದರಲ್ಲಿ, ‘ಡ್ರಗ್ಸ್ ರೂಲ್ಸ್ 1945’ ರ ‘ಶೆಡ್ಯೂಲ್ ಕೆ’ (Schedule K) ನಿಂದ ‘ಸಿರಪ್’ ಎಂಬ ಪದವನ್ನು ತೆಗೆದುಹಾಕಲಾಗಿದೆ ಎಂದು ಹೇಳಲಾಗಿದೆ. ಈ ನಿಯಮದಡಿಯಲ್ಲಿ ಕೆಲವು ಔಷಧಿಗಳನ್ನು ವೈದ್ಯರ ಚೀಟಿ ಇಲ್ಲದೆಯೇ ಮಾರಾಟ ಮಾಡಲು ರಿಯಾಯಿತಿ ಇತ್ತು. ಈಗ ಸರಕಾರವು ಅದರಿಂದ ‘ಸಿರಪ್’ ಪದವನ್ನು ಕೈಬಿಟ್ಟಿದೆ.