ಬಾರೂಯಿಪುರ (ಬಂಗಾಳ): ‘ಜೈ ಶ್ರೀರಾಮ್’ ಎಂದಿದ್ದಕ್ಕೆ ಹಿಂದೂ ವಿದ್ಯಾರ್ಥಿ ಮೇಲೆ ಮುಸಲ್ಮಾನ್ ವಿದ್ಯಾರ್ಥಿಗಳಿಂದ ಅಮಾನುಷ ಹಲ್ಲೆ !

ಕೊಲಕಾತಾ (ಬಂಗಾಳ) – ರಾಜ್ಯದ ದಕ್ಷಿಣ 24 ಪರಗಣ ಜಿಲ್ಲೆಯಲ್ಲಿರುವ ಬಾರೂಯಿಪುರ ನಗರದಲ್ಲಿ ಈ ಘಟನೆ ನಡೆದಿದೆ. ಇಲ್ಲಿನ ಶಾಲೆಯೊಂದರ ಹತ್ತನೇ ತರಗತಿಯ ಹಿಂದೂ ವಿದ್ಯಾರ್ಥಿಯೊಬ್ಬ ‘ಜೈ ಶ್ರೀರಾಮ್’ ಎಂದು ಘೋಷಣೆ ಕೂಗಿದನೆಂಬ ಕಾರಣಕ್ಕೆ ಆತನ ಮುಸಲ್ಮಾನ ಸಹಪಾಠಿಗಳೇ ಶಾಲೆಯ ಆವರಣದಲ್ಲಿ ಆತನ ಮೇಲೆ ಅಮಾನುಷ ಹಲ್ಲೆ ಮಾಡಿದ್ದಾರೆ. ಜೂನ್ 4 ರಂದು ‘ಮದಾರತ್ ಪಾಪ್ಯುಲರ್ ಅಕಾಡೆಮಿ’ಯಲ್ಲಿ ಈ ಘಟನೆ ನಡೆದಿದೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಸಾರವಾದ ನಂತರ ಜೂನ್ 10 ರಂದು ಶಾಲೆಯ ಆವರಣದಲ್ಲಿ ಹಿಂದೂಗಳು ತೀವ್ರ ಪ್ರತಿಭಟನೆ ನಡೆಸಿದರು. ಲಭ್ಯವಿರುವ ಮಾಹಿತಿಯ ಪ್ರಕಾರ, ಸಂತ್ರಸ್ತ ವಿದ್ಯಾರ್ಥಿ ದೇಬಾಜಿತ್ ಹಲದಾರನನ್ನು 10 ರಿಂದ 12 ಮುಸಲ್ಮಾನ್ ವಿದ್ಯಾರ್ಥಿಗಳ ಗುಂಪೊಂದು ಶಾಲೆಯ ಶೌಚಾಲಯಕ್ಕೆ ಎಳೆದೊಯ್ಯಿತು.

⚠️ "Punished for Saying 'Jai Shri Ram'?"

🚨 Baruipur, Bengal: A Hindu student was assaulted by Mu$lim classmates and forced to apologise for chanting "Jai Shri Ram."

The victim claims school authorities were informed but failed to act.

Following public outrage and protests,… pic.twitter.com/M64SYE9U3A

— Sanatan Prabhat (@SanatanPrabhat) June 12, 2026

ದೇಬಾಜಿತ್ ಇವರು,

1. ಹಲ್ಲೆ ಮಾಡಿದವರು ತಪ್ಪಾಗಿ ನನ್ನನ್ನು ಬೇರೆ ವಿದ್ಯಾರ್ಥಿ ಎಂದು ಭಾವಿಸಿದ್ದರು. ತರಗತಿಯಲ್ಲಿ ‘ಜೈ ಶ್ರೀರಾಮ್’ ಘೋಷಣೆ ಕೂಗಿದ ಹುಡುಗನ ಮುಖ ಚಹರೆ ನನ್ನಂತೆಯೇ ಇತ್ತು.

2. ನನ್ನನ್ನು ಶೌಚಾಲಯದಲ್ಲಿ ಕೂಡಿ ಹಾಕಲಾಗಿತ್ತು. ಆ ಹುಡುಗ ನಾನಲ್ಲ ಎಂದು ಹೇಳಲು ಪ್ರಯತ್ನಿಸಿದರೂ, ನನ್ನ ಮಾತನ್ನು ಕಿಂಚಿತ್ತೂ ಕೇಳದೆ ನನ್ನಿಂದ ಬಲವಂತವಾಗಿ ಕ್ಷಮೆಯಾಚಿಸುವಂತೆ ಮಾಡಿದರು.

3. ಒಂದು ಕಡೆ ಕೆಲವರು ನನಗೆ ಹೊಡೆಯುತ್ತಿದ್ದರೆ, ಮತ್ತೊಂದೆಡೆ ಕೆಲವರು ಇದರ ವಿಡಿಯೋ ಮಾಡುತ್ತಿದ್ದರು.

4. ನಾನು ನನ್ನ ಶಿಕ್ಷಕರಿಗೂ ಈ ಘಟನೆಯ ಬಗ್ಗೆ ಮಾಹಿತಿ ನೀಡಿದ್ದೆ; ಆದರೆ ಅವರು ಯಾವುದೇ ಕ್ರಮ ಕೈಗೊಳ್ಳಲಿಲ್ಲ.

ದೇಬಾಜಿತ್ ಕುಟುಂಬಸ್ಥರ ಅಳಲು !

ದೇಬಾಜಿತ್ ದೇಹದ ಹಲವು ಭಾಗಗಳಿಗೆ, ವಿಶೇಷವಾಗಿ ಕಿವಿಗೆ ಪೆಟ್ಟಾಗಿದ್ದು, ಆತನಿಗೆ ಕೇಳಿಸಿಕೊಳ್ಳಲು ತೊಂದರೆಯಾಗುತ್ತಿದೆ. ಆತನನ್ನು ಹಲವು ಬಾರಿ ವೈದ್ಯರ ಬಳಿ ಕರೆದೊಯ್ಯಲಾಗಿದ್ದು, ಆತ ಮಾನಸಿಕ ಆಘಾತಕ್ಕೆ ಒಳಗಾಗಿದ್ದಾನೆ. ಭಯದಿಂದಾಗಿ ಆತ ಶಾಲೆಗೆ ಹೋಗುವುದನ್ನು ನಿಲ್ಲಿಸಿದ್ದಾನೆ. ಬಾರೂಯಿಪುರ ಪೊಲೀಸ್ ಠಾಣೆಯಲ್ಲಿ ಈ ಬಗ್ಗೆ ಅಧಿಕೃತ ದೂರು ದಾಖಲಿಸಲಾಗಿದೆ. ಜೂನ್ 10 ರಂದು ಹಲ್ಲೆಯ ವಿಡಿಯೋ ಪ್ರಸಾರವಾದ ನಂತರ ಅನೇಕ ಹಿಂದೂ ಸಂಘಟನೆಗಳು ಮತ್ತು ಭಾಜಪ ಬೆಂಬಲಿಗರು ಶಾಲೆಯ ಹೊರಗೆ ಹೆಚ್ಚಿನ ಸಂಖ್ಯೆಯಲ್ಲಿ ಜಮಾಯಿಸಿದರು. ಆರೋಪಿ ವಿದ್ಯಾರ್ಥಿಗಳ ವಿರುದ್ಧ ಕಠಿಣ ಕ್ರಮಕ್ಕೆ ಆಗ್ರಹಿಸಿದರು. ಈ ವೇಳೆ ಪ್ರತಿಭಟನಾಕಾರರು ರಸ್ತೆ ತಡೆ ನಡೆಸಿದರು. ಹೆಚ್ಚುತ್ತಿರುವ ಉದ್ವಿಗ್ನತೆಯ ಹಿನ್ನೆಲೆಯಲ್ಲಿ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳು ಶಾಲೆಯ ಆವರಣದಲ್ಲೇ ಸಿಲುಕಿಕೊಂಡರು. ಆಕ್ರೋಶಗೊಂಡ ಪ್ರತಿಭಟನಾಕಾರರು ಹಲ್ಲೆಮಾಡಿದವರಲ್ಲಿ ಕೆಲವರನ್ನು ಥಳಿಸಿದ್ದಾರೆ ಎಂದೂ ತಿಳಿದುಬಂದಿದೆ.