ಬಿಜನೌರ್ (ಉತ್ತರ ಪ್ರದೇಶ): ಹಿಂದೂ ಧರ್ಮಕ್ಕೆ ಮರುಸೇರ್ಪಡೆಗೊಂಡ ಅಪ್ರಾಪ್ತ ಹುಡುಗ !

ಬಿಜನೌರ್ (ಉತ್ತರ ಪ್ರದೇಶ) – ಜಮ್ಮು-ಕಾಶ್ಮೀರದಲ್ಲಿ ಬಲವಂತವಾಗಿ ಮತಾಂತರಗೊಳಿಸಿ ‘ಹಮ್ಜಾ’ ಎಂದು ಹೆಸರಿಡಲಾಗಿದ್ದ ಬಿಜನೌರ್‌ನ ವಿಶಾಲ್ ಎಂಬ ಅಪ್ರಾಪ್ತ ಹುಡುಗ, ತನ್ನ ಹಳ್ಳಿಗೆ ಮರಳಿದ ನಂತರ ಸನಾತನ ಧರ್ಮಕ್ಕೆ ಮರುಸೇರ್ಪಡೆಗೊಳಿಸಲಾಯಿತು. ಪೊಲೀಸರು ಈ ಹಿಂದೂ ಯುವಕನನ್ನು ಸುರಕ್ಷಿತವಾಗಿ ರಕ್ಷಿಸಿ ಆತನ ಕುಟುಂಬಸ್ಥರಿಗೆ ಒಪ್ಪಿಸಿದ್ದರು. ಆ ಬಳಿಕ ಗ್ರಾಮದ ಶಿವ ದೇವಸ್ಥಾನದಲ್ಲಿ ಈ ಮತಾಂತರಗೊಂಡ ಯುವಕನ ಶುದ್ಧೀಕರಣ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಗ್ರಾಮಸ್ಥರ ಸಮ್ಮುಖದಲ್ಲಿ ವಿಧಿ-ವಿಧಾನಗಳ ಪೂಜೆ ಮತ್ತು ಮಂತ್ರಘೋಷಗಳ ನಡುವೆ ವಿಶಾಲ್‌ನನ್ನು ಮತ್ತೆ ಹಿಂದೂ ಧರ್ಮಕ್ಕೆ ಸ್ವಾಗತಿಸಲಾಯಿತು.
ವಿಶಾಲ್ ಕೆಲವು ದಿನಗಳ ಹಿಂದೆ ಕಾಶ್ಮೀರಕ್ಕೆ ಹೋಗಿದ್ದನು. ಅಲ್ಲಿನ ಮಸೀದಿಯೊಂದರಲ್ಲಿ ಆತನ ಮತಾಂತರ ಮಾಡಿ, ‘ಹಮ್ಜಾ’ ಎಂದು ಹೆಸರಿಡಲಾಗಿತ್ತು. ಈ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ಪ್ರಸಾರವಾದ ನಂತರ ಕುಟುಂಬಸ್ಥರು ಪೊಲೀಸರಿಗೆ ದೂರು ನೀಡಿದ್ದರು. ಪೊಲೀಸರ ಕ್ರಮದ ನಂತರ ವಿಶಾಲ್‌ನನ್ನು ಮರಳಿ ಕರೆತರಲಾಯಿತು.