ಉತ್ತರ ಪ್ರದೇಶ: ಕುಖ್ಯಾತ ಗ್ಯಾಂಗ್‌ ಸ್ಟರ್ ಜುಬೇರ್ ಸಾವು!

ಮೇರಠ (ಉತ್ತರ ಪ್ರದೇಶ) – ‘ಅಲಿಗಢ ಮುಸ್ಲಿಂ ಯೂನಿವರ್ಸಿಟಿ’ಯ ಪ್ರಾಧ್ಯಾಪಕ ದಾನಿಶ್ ಅಲಿ ಅವರನ್ನು ಹತ್ಯೆ ಮಾಡಿದ್ದ ಕುಖ್ಯಾತ ಗ್ಯಾಂಗ್‌ ಸ್ಟರ್ ಜುಬೇರ್, ಮೇ ೧೩ ರಂದು ಮುಂಜಾನೆ ಉತ್ತರ ಪ್ರದೇಶ ಪೊಲೀಸರ ವಿಶೇಷ ಕಾರ್ಯಪಡೆ ನಡೆಸಿದ ಘರ್ಷಣೆಯಲ್ಲಿ ಹತನಾಗಿದ್ದಾನೆ. ಪೊಲೀಸರ ಮಾಹಿತಿಯ ಪ್ರಕಾರ, ಜುಬೇರ್ ಮೇರಠನಲ್ಲಿ ಯಾವುದೋ ದೊಡ್ಡ ದಾಳಿ ನಡೆಸಲು ಸಂಚು ರೂಪಿಸಿದ್ದನು.

೧. ಜುಬೇರ್ ಕಳೆದ ವರ್ಷ ಡಿಸೆಂಬರ್ ೨೪ ರಂದು ಪ್ರಾಧ್ಯಾಪಕ ದಾನಿಶ್ ಅಲಿ ಅವರನ್ನು ನಡುರಸ್ತೆಯಲ್ಲೇ ಹತ್ಯೆ ಮಾಡಿದ್ದನು.

೨. ದಾನಿಶ್ ಅವರು ತನ್ನ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆಂಬ ಸಂಶಯ ಜುಬೇರ್‌ ಗಿತ್ತು. ಅದರ ಸೇಡು ತೀರಿಸಿಕೊಳ್ಳಲು ಅವನು ಈ ಹತ್ಯೆ ಮಾಡಿದ್ದನೆಂದು ಪೊಲೀಸ್ ತನಿಖೆಯಿಂದ ತಿಳಿದುಬಂದಿದೆ.

೩. ಜುಬೇರ್ ಕುಖ್ಯಾತ ಮುನೀರ್ ಗ್ಯಾಂಗ್‌ ನ ಸಕ್ರಿಯ ಸದಸ್ಯನಾಗಿದ್ದನು. ಈತನ ವಿರುದ್ಧ ಕೊಲೆ, ಸುಲಿಗೆ ಮತ್ತು ಶಸ್ತ್ರಾಸ್ತ್ರಗಳ ಕಳ್ಳಸಾಗಣೆ ಸೇರಿದಂತೆ ಒಟ್ಟು ೨೪ ಪ್ರಕರಣಗಳು ದಾಖಲಾಗಿದ್ದವು.